උපන් මාසයට අනුව ඔබේ ගතිගුණ!
ඔබ උපන්නේ ජනවාරි මාසයේ නම්,
කටයුතු පිළියෙල කිරීමෙහි දක්‍ෂ කඩිසර ගමන් ඇති, වාණිජ ව්‍යාපාර ගැන තම සිත යොදවා ක්‍රියා කිරීමෙන් දියුණු විය හැකි අය වෙති. මොවුහු රහස්‌ හෙළිදරව් නොකර සිතේ රඳවා ගනිති. මේ අයවලුන් තරුණ අවස්‌ථාවේදී විවාහයකට බැඳුනේ නම් යහපත් භාර්යාවන් සහ මව්වරුන් වෙති. මේ මාසයේ උපන් ගැහැනු ළමයින් සැලකීමෙන් පිළිවෙලකට වැඩපල කරන්නේ නැත. ප්‍රීතිවීමට හා ක්‍රීඩා කටයුතුවලට ප්‍රියමනාප භාවයක්‌ දක්‌වයි. තවද මුදල් ගනුදෙනු ඉතා ප්‍රවේශමෙන් කරන යමක්‌ පොරොන්දු වී නම් එය ඉටු කරන යහපත් ගුණයත් මොවුන් කෙරෙහි පිහිටා තිබේ. මේ අය තමන්ගේ අදහස්‌ ඉටුවන කල්හී ඉතා සතුටට පත්වන්නෝය. නමුත් කිසිම කාරණයක්‌ නැතිව නොයෙක් විට කනගාටු වෙති.
ඔබ උපන්නේ පෙබරවාරි මාසයේ නම්,
පෙබරවාරි මාසයේ ජනිත වූවෝ කොටස්‌ දෙකකට බෙදන්නට පුළුවන. එනම් ඔවුන් විශේෂයෙන්ම දියුණු වූවෝ නොහොත් ඉතාම දිළින්දොa වෙති. මොවුන් නොයෙක් දේවලින් සම්පූර්ණ නමුත් කාලය ගැන සැලකීමක්‌ නොකෙරේ. මේ මාසයේ ජනිත ස්‌ත්‍රීහු බාල කාලයේදී නරක්‌ විය හැකි නමුත් ලොකු වූවායින් පසු යහපත් භාර්යාවන්ද, ආදරවන්ත උපස්‌ථාන කාරියන්ද යහපත් මව්වරුන්ද වෙති. මෙම මාසයේ උපන් ස්‌ත්‍රී පුරුෂ දෙපක්‍ෂයටම විවාහ ජීවිතයෙන් පසු වඩා වාසනාවන්තභාවයට පත්වීමට දෛව වාසනාව ඇත. විශේෂයෙන්ම පුරුෂ පක්‍ෂය ඔවුන්ගේ රැකියා කටයුතුවලින් දියුණු තත්ත්වයකට පත්වනු ඇත.
ඔබ උපන්නේ මාර්තු මාසයේ නම්,
අත්පා ශක්‌ති සම්පන්නය. ඒ හේතුකොට ගෙන දක්‍ෂ කම්කරුවන් හෝ නාට්‍යකරුවන් වෙති. ලස්‌සන දේවලට ඔවුන් ඉතා ආශාවෙති. තමාගේ දියුණුව පිණිස උත්සාහ කරන්නේ කලාතුරකින්ය. ස්‌වභාවයෙන්ම ඉතා කඩිසරය. ඇවිදීමට ඉතා කැමතිය. තමාගේ වස්‌තුව ගැන සැලකීමක්‌ නැත. මත්තට වන දේ ගැන කිසි පරීක්‍ෂාවක්‌ නැතිව කතා කරති. මාර්තු මාසයේ උපන් ස්‌ත්‍රී පුරුෂ දෙගොල්ලම මුදල් විය පැහැදම් කිරීමට ලොහොබී ස්‌වභාවයක්‌ නොදක්‌වයි. පුරුෂ පක්‍ෂය ඔවුන්ගේ කුල සිරිත් ගැන ඉතා තදින් සලකන්නෝය. මධ්‍යසාරය පානයට නැඹුරු වීමේ ගතියක්‌ ද ඇත.
ඔබ උපන්නේ අප්‍රේල් මාසයේ නම්,
ස්‌වභාවයෙන්ම ඥනවන්තයෝය. නොයෙක් විට උසස්‌ පදවිවලට පැමිණෙති. නරක ගතියක්‌ නම් අනුන්ගේ යස ඉසුරු ගැන ඉරිසියා කිරීමය. අනුන් ගැන විශ්වාස කරන්නෝද නොවෙති. වරදක්‌ ගැන සමාවීමටද කැමති නැත. අනෙකෙක්‌ කළ වරදක්‌ ඇතොත් එය ජීවිතාන්තය දක්‌වා සිත්හි තබාගනී. ඔවුහු විසිතුරු රෙදිපිළි ගැන ඉතා රුචිය. රූප ලක්‍ෂණින් මනුෂ්‍යයන් විනිශ්චය කිරීමට ඉතා හපන්නුන්ය. මේ මාසයේ උපන් ස්‌ත්‍රීහු මුදල් ගැන ප්‍රවේශමක්‌ නැත. ලැබෙන මුදල් සියල්ලම වියදම් කරන්නියෝ වෙති. මොවුන් විවාහ ගිවිසුම් ගැන සැලකිල්ලක්‌ නොකොට අත්හැර දැමීමටද පුළුවන. කවදාහරි විවාහයකට බැඳෙන්නේ තමන් දන්නා හඳුනන කෙනකු සමගය.
ඔබ උපන්නේ මැයි මාසයේ නම්,
ඉතා ධෛර්යවන්ත භාවයෙන් යුක්‌ත වේ. කරුණාවන්ත වෙති. කෙලි සෙල්ලමට රුචිවෙති. මොවුහු සුවසේ දිවි පවත්වන්නෝය. සෙල්ලමට ඇති ආශාව කරණකොට ගෙන ස්‌වකීය රැකියාවට ද බාධා පමුණුවා ගනියි. මොවුහු ඉතා එඩියෙන් යුත් මිනිසුන් හෝ ඉතා ලාමක මලානික ගතියෙන් යුක්‌ත අයවෙති. සමාගම් ආශ්‍රය කිරීමට ඉතා රුචිවත් හැර යහපත් සමාගම්වල සභිකයන්ද වෙති. මේ මාසයේ උපන් අය ඉතා හොඳ ධාරණ ශක්‌තියක්‌ ඇත්තෝය. අනිත් මනුෂ්‍යයන්ට යම් යම් කරුණු මතක නැතිවීම ගැන ඔවුහු ඉතා අප්‍රසන්න වෙති. මොවුහු තමන්ගේ අභිමතය පරිදිම කටයුතු කරන්නෝය. අන්‍යයන්ගේ වැඩ ගැනද ගුරුකම් දෙමින් සම්බන්ධ වෙති. මේ මාසේ උපන් ස්‌ත්‍රී පුරුෂ දෙපක්‍ෂයම වහා කිපෙන සුළු අයවෙති.
ඔබ උපන්නේ ජුනි මාසයේ නම්,
සතුටට පත්වන්නේ කලාතුරකින්ය. ඔවුන්ට වුවමනා කුමක්‌ද යන්න ඔවුන්ම නොදනිති. තමන්ට නැත්තා වූ කොයි දේ වුවත්, ඒ සියල්ලක්‌ම ලැබීමට ආශාවෙති. අන්‍යයන් හොඳින් ජීවත් වීම ගැන තමාට ඉවසිය නොහැක. මොවුහු හෙට පශ්චාත්තාප වන්නට සිදුවන වැඩ කිසි කල්පනාවක්‌ නැතිව අද කරන්නට හැකි අය වෙති. මොවුහු වදවේදනා වලින් පීඩා විඳින මනුෂ්‍යයන් කෙරෙහි අනුකම්පා කරමින් බොහෝ ආධාර උපකාරද කරති. යහපත් වර්ණයටද, සංගීතයටද බොහෝ පැහැදේ. මොවුන් අන්‍යයන්ගේ වැරදි සෙවීමට ද හපන්නුය. මේ කරණකොටගෙන මොවුන්ගේ විවාහ ජීවිතය නොයෙක් විට අවාසනාවන්ත එකක්‌ වේ. මොවුන් කෙරෙහි විශේෂයෙන්ම ඉරිසියාව සහ අනුන් විශ්වාස නොකරන ගතියක්‌ද පිහිටා ඇත්තේය. නිය සැපීමෙන් මොවුන්ගේ කිපෙන සුළුගතිය ප්‍රකාශ වේ.
ඔබ උපන්නේ ජුලි මාසයේ නම්,
සාමාන්‍යයෙන් ගුණවන්ත භාවය ගැන ප්‍රසිද්ධ වේ. ඔවුහු සත්ගුණවත් වූද උත්තම වූද අය වෙති. ලස්‌සන දේ වලටද රට රටවල ඇවිදීමටද ඉතා කැමතිය. එම ගුණය වෘද්ධ වයස්‌ වන විට වැඩිවෙයි. ජුලි මාසයේ උපන් ස්‌ත්‍රීහු මෘදු කොමළ ගතියෙන් යුක්‌ත වෙති. ඔවුන්ගේ යහපත් ගුණාංගයන් පැතිරී යැමට ඔවුන්ට ආලෝකය හා ධෛර්ය දීමද අවශ්‍ය වෙති. ජුලි මාසයේ උපන් පුරුෂයෝ බොහෝ විට ගෙදරම සිටීමට රුචිය.
ඔබ උපන්නේ අගෝස්‌තු මාසයේ නම්,
කටයුතු විධාන කිරීමෙහි සමර්ථයෝය. මොවුන්ගේ ආදරය හෝ ක්‍රෝධය ඉතා බලවත් වේ. මේ මාසයෙහි උපන් අය විශාල වැඩ කිරීමෙහි දක්‍ෂවෙති. ස්‌වකීය අභිමතානුකූලව වැඩ පටන් ගන්නේ වී නමුත් සියලු දෙනාටම ප්‍රියකරුය. මොවුහු අනුන්ගේ දුක්‌ ගැන අනුකම්පා කරයි. දුප්පතුන්ට ආධාර කරති. කරුණා ගුණයෙන් යුක්‌තය. අගෝස්‌තු මාසයේ උපන් අය දෙවරක්‌ විවාහ වන බව දක්‌වයි. රැකී රක්‍ෂා ගැන හෝ වෙළෙදාම් ගැන මොවුන්ගේ අදහස්‌ ඉතා යහපත්ය. මොවුහු තර්ක කිරීමෙහි දක්‍ෂයෝය. අන්‍යයන්ට දෙවැනි නොවන අදහස්‌ ඇති අයවෙති. මුදල් ගනුදෙනු සහ රහස්‌ ගැන විශ්වාස කළ හැකිවේ.
ඔබ උපන්නේ සැප්තැම්බර් මාසයේ නම්,
කරුණා ගුණයෙන් යුක්‌තය. කලබල නැත. රහස්‌ ගැන විශ්වාස කළ හැකිවේ. සමහර විට මොවුහු ලෝබියෝ වෙති. වචන කඩ නොකරන උතුම් ගුණය මොවුන් ළඟ ඇත්තෝය. අලුත් ඇඳුම් පැළඳුම් වලට රුචිකත්වයක්‌ දක්‌වති. මොවුන්ගේ ජීවිතයෙන් කොටසක්‌ අවුරුදු දෙකක්‌ හෝ තුනක්‌ ඇවිදීම සඳහා යොදවති. හැම දෙනා කෙරෙහි ප්‍රේමනීය භාවයක්‌ දක්‌වයි. මේ මාසයේ උපන්නෝ රෝගීන් නොවෙති. සමහර විට අධික මත්පැන් පානයෙන් හෝ කෑම අජීරණයෙන් රෝග පීඩා පමුණුවා ගනී.
ඔබ උපන්නේ ඔක්‌තෝබර් මාසයේ නම්,
ධාර්මිකය. මොවුන් මුදල් ගැන වැඩි සැලකීමක්‌ නැත. තමන්ගේ මුදල් කෙළි සෙල්ලම් පිණිස යොදවයි. නිකරුනේ වියදම් කරයි. උසස්‌ මිනිසුන්වීමට ශක්‌තිය ඇත්තෝය. නමුත් සුළු කරුණුවලින් සිත කළකිරී අධෛර්ය වෙති. මේ අය පහත වැටෙන්නේ අනුන්ගේ ආධාර අඩුකමෙන්ය. සුළු කරුණු අමතක කරන අයවෙති. යම් යම් කරුණු ගැන මොවුන් වන පොරොන්දුද අමතක කරන්නෝය. ගනුදෙනු ගැන විශ්වාස කළ නොහැකිය. මේ මාසයේ උපන් පිරිමි අය ස්‌ත්‍රීන් ගැනද, ස්‌ත්‍රීන් පිරිමින් ගැනද ප්‍රේමයක්‌ ඇතිමුත්, නොයෙක් විට එම ප්‍රේමය වෙනත් ස්‌ත්‍රී පුරුෂ පක්‍ෂය වෙත බෙදී යැමෙන් කම්සැපෙන් පීඩා වූවෝ වෙති.
ඔබ උපන්නේ නොවැම්බර් මාසයේ නම්,
ස්ථිර අදහස්‌ ඇති දැඩි කල්පනා ශක්‌තියෙන් යුක්‌ත වූවෝ වෙති. තමන්ගේ කල්පනාවෙන් වැඩ කරන්නෝය. දක්‍ෂ කතාකාරයෝය. වාචාලයෝ නොවෙති. සමහර විට අන්‍යයන්ගෙන් ප්‍රශංසා ලැබීමට රිසිවේ. නමුත් අනුන්ට ස්‌තුති කිරීමට මැළිවෙයි. වැඩ කිරීමට කම්මැලිය. නමුත් යමක්‌ කරන්නට පටන් ගතහොත් දක්‍ෂලෙස කළ හැකිය. මොවුන් බාල කාලය කෙලි සෙල්ලමෙන් ගත කිරීමෙන් මහලු වූ විට පසුතැවිල්ලට පැමිණෙන්නේය. මොවුන්ට මිත්‍රයෝ ඇතිවෙති. එනමුත් මිත්‍රයන්ගෙන් රැවටුම් ලබයි. අනුන්ගේ වරද ගැන සමාවන අයයි. කුළුණු ගුණයෙන් යුත් අය වෙති.
ඔබ උපන්නේ දෙසැ
ම්බර් මාසයේ නම්,
කඩිසර ගතියෙන් යුක්‌තය. ඉක්‌මණින් දියුණු වන්නා වූද කඩිසර ගතියෙන් යුක්‌තය.චනය ඇති අය වෙති. මුදල් ගනුදෙනු ගැන විශ්වාස කළ හැකිය. තමන්ගේ හදවතට එකඟව ක්‍රියා කරන නම්බුකාර අය වෙති. අන්‍යයන් ඔවුන්ට ඉක්‌මණින්ම මිත්‍රවෙති. කුසල් කිරීමෙහි ආශා ඇත්තෝය. මොවුහු රෝගාතුරයන් කෙරෙහි ඉතා අනුකම්පා දක්‌වයි. මෙලොව අයහපතින් තොර අයවෙති. මොවුන්ගේ බාල කාලය සඵල නැත. මොවුන්ගේ නරක ගුණයක්‌ නම් ඔවුන් කොතරම් දියුණු වූවත් අන්‍යයන්ගේ දියුණුව ගැන ක්‍රෝධ කිරීමය.
ජ්‍යෝතිෂවේදී - කොස්‌ගොඩ ඡේ. පී. ද සොයිසා
