ග්‍රහ අපල දුරුවන්න නිසි පිළිවෙත මෙන්න
ජ්‍යොතිෂ ශාස්ත්‍රය යනු ඉමක් කොණක් නොපෙනෙන විශ්වයේ සූර්යයා ප්‍රමුඛ ග්‍රහ තාරකාවන්ගෙන් සමන්විත විෂය ධාරාවකි. මෙයින් අපගේ ඉදිරි ජීවිත කාලය තුළ ඇතිවන්නාවූ අසුබ තත්ත්වයන්ගෙන් ආරක්ෂා වීමට මහත් පිටිවහලක් ලබාගත හැකිය. මෙම විෂය ක්ෂේත්‍රය පිළිබඳ අද බොහෝ දෙනෙකුගේ අවධානයට ලක්ව ඇත. මෙම මහඟු ශාස්ත්‍රයේ ආරම්භය බුද්ධෝත්පත්තියට වසර 610 කට පෙර මධ්‍යධරණී ප්‍රදේශයේ පර්සියාවේ ආරම්භ වූ බවට මතිමතාන්තර තිබේ. ඉමක් කොණක් නොපෙනෙන මෙම ශාස්ත්‍රය කොටස් 5 කට බෙදා දැක්විය හැකිය. ජන්ම කේන්ද්‍ර ජ්‍යොතිෂය , වෛද්‍ය ජ්‍යොතිෂ විද්‍යාව, නක්ෂත්‍ර ජ්‍යොතිෂ විද්‍යාව, ලෝකායතන ජ්‍යොතිෂ විද්‍යාව සහ තත්කාල ජ්‍යොතිෂ විද්‍යාව යන කොටස් පහයි. මෙම අගනා ශාස්ත්‍රයෙන් මෙලොව උපන් ජන්මියෙකුගේ උපතේ සිට මරණය දක්වා ඇතිවන සුබ අසුබ තත්ත්වයන් මනාව අවබෝධකරගත හැක. ජ්‍යොතිෂවේදියෙකු යනු සමාජයේ ගෞරවණීය පුද්ගලයෙකි. ඔහු සතු වගකීම තම සේවා දායකයාගේ හිත සුව පිණිස කටයුතු කිරීමයි. යම් ග්‍රහයෙකුගෙන් ඉදිරියේ ඇතිවන පීඩාකාරී අවස්ථාවලදී සහනයක් ලබාගැනීමට බෝධි පූජා කටයුතුවල නිරත වීම, සතුන් මරණයෙන් නිදහස් කිරීම, අසරණ අයට උදව් උපකාර කිරීම කපුටන්ට දානය දීම වැනි වත් පිළිවෙත් බොහෝමයක් ඇත. එයින්ද යම් යම් කර්ම ශක්තීන්ගෙන් ගැලවීමට නොහැක. එයට හේතුව අප පෙර ආත්මභවයන් තුළ කළ කර්මවල ප්‍රතිඵල තමා පසුපස එන බැවිනි. මෙලොව උපදින සියලු සත්වයෝම අටලෝ දහමට යටත්වෙති. එය වෙනස් කිරීමට හැකියාව අපට නැත. නමුත් එම කර්ම බලයන් අවම කරගැනීමද හැකියාව ඇත. අප තිලෝගුරු බුදු පියාණන් වහන්සේ මෙම සියලු ග්‍රහ බලයන් හා ඒ වෙනත් බාහිර බලපෑම්ද යටපත්කර උතුම් වූ බුද්ධත්වයට පත්විය. ඒ වීර්යය පාරමිතා බලයෙහි. බුදුන් වහන්සේ අපට දෙලොවම වැඩදායී වන යහපත් මාර්ගය පෙන්වා දී ඇත. එයට හොඳම නිදසුනක් වන මංගල කරුණු 38 ට අනුව අපගේ ඉදිරි ජීවිතය හැඩ ගස්වා ගැනීමෙන් හා ඒ අනුව ජීවත් වීමෙන් අපට කිසි දින අවැඩක් සිදු නොවෙයි. ජ්‍යොතිෂවේදියා සතු වගකීම මිනිසාගේ හිතසුව පිණිස තම කාර්ය ඉටුකර යහපත් මාර්ගය පෙන්වා දීමයි. අද සමාජයේ නොයෙක් ස්ථානයන්හි විනාඩියකටත් අඩු ඉතා කෙටි කාලයකින් පලාපල පවසමින් සහ ඉදිරියේ දී ඇතිවන නොයෙක් අනතුරු හෝ පීඩාකාරීත්වයන් ඒකාන්තයෙන් ම සිදුවන බව පවසමින් මිනිසුන් තවතවත් අපහසු තත්වයන්ට පත්කරයි. මෙසේ පැවසීම යහපත් ජ්‍යෙතිෂවේදියකු සතු වගකීම නොවෙයි. අප වෙත විශ්වාසයෙන් පැමිණෙන අය වෙනුවෙන් යම් කාලයක් මිඩංගු කර ඉදිරි කාලයේ ඇතිවන ග්‍රහ බලපෑම් වලට සහ ඒවා අවම කර ගැනීමට නිසි ප්‍රතිකර්ම පහදා දී ඉදිරි ජීවිත කාලය යහපත්ව ගෙන යාමට සදහම් මාර්ගයද පහදාදීම අප සතු කාර්ය වෙයි. එසේ කිරීමෙන් මෙම වටිනා ශාස්ත්‍රය තව තවත් දීර්ඝ කාලයක් ආලෝකමත් වනු නියතය.
ජ්‍යෙතිර්වේදී සමන් කලුආරච්චි,කෙරවළපිටිය - හැඳල
උපුටා ගැනීම ලක්බිම පුවත්පත
අග්ගෝ හමස්‌මි ලෝකස්‌සජෙට්‌ටෝ හමස්‌මි ලෝකස්‌සසෙට්‌ටෝ හමස්‌මි ලෝකස්‌ස අයමන්ති මා ජාති නත්ථිදානි පුනබ්භවෝමෙම ඉහත සඳහන් ගාථාවෙන් සුදු හඳුන් තෙල් හෝ නෑඹුල් පොල් හෝ...
හෙළ ඉතිහාසය සාක්ෂි සහිතව මීට වසර පන්දහසකටත් එහා දිවෙන බවට අද මුළු ලෝකයම පිළිඅරන් තිබෙනවා. මැණික් විද්‍යාව, ජොතීර්වේදය සහ හෙළ වෙදකම...
අතීත හෙළයා විශ්වයෙන් එන මහා ශක්තිය ජේ‍යාතිර් විද්‍යාව හරහා මිනිසාගේ ජීවිතය හා පරිසරය පිළිබඳ තේරුම් ගැනීම සඳහා හා ඒ අනුව කටයුතු...
සෙත්කවි යනු යම් පුද්ගලයකුට ග්‍රහ අපලයක්‌ නිසා හෝ වෙනත් ආකාරයකට කරදර ප්‍රශ්න ඇති වූ විටත් අසනීප ඇති වූ විටත් ශාන්තිය පිණිස...
ප්‍රධාන දොර දිග, පළල, එහි පාදය දොර ජනෙල් තිබෙන ප්‍රමාණය, නාන කාමරය තිබෙන දිශාව ආදී වැරැදි තැන් බොහොමයක් එහි තිබිණි. ඇගේ...
මීන ලග්න හිමි අයගේ දෙවැන්න වන ධනස්ථානය තුළ අඟහරු සිටීනම් මුදල් ලැබීමට භාග්‍ය ඇත. අඟහරු යෝග කාරක ග්‍රහයා බැවින් ධනස්ථාන ගතව...
