දියණියක මල්වරවීම
ඇයගේ අනාගතයට බලපාන හැටි මල්වර වීම යනුවෙන් හඳුන් වන්නේ දැරියක් ගැබ්ගැනීමට සුදුසු අවස්ථාවට පත්වීමයි. බොහෝවිට දැරියන් වයස අවුරුදු 10 සහ 13 සූනත් අතර කාලය තුළ ශරීරයේ ප්‍රජනන පද්ධතියේ ක්‍රියා කාරිත්වය පටන් ගනී. මෙම කාලය තුළ ශරීරයේ නොයෙක් වෙනස්කම් ඇතිවෙයි. විශේෂයෙන්ම ජ්‍යොතිෂ්‍යට අනුව බලන විට සඳු සහ කුජ ග්‍රහයන් දෙදෙනාගේත් බලපැවැත්ම ඇතිවෙයි. ස්ත්‍රියකගේ ජීවිත කාලය තුළ සිදුවන බොහෝ කටයුතුවලට කුජ සඳුගේ බල පැවැත්ම මූලිකව සිදුවෙයි. දැරියකගේ ජන්ම පත්‍රයේ 1-2-4-5-7-8-9-12 යන ස්ථානයන්ට ගෝචරයෙන් සඳු ග්‍රහයා, පැමිණිවිට සහ කුජ ග්‍රහයාගේ දෘෂ්ටියට ලක්වීම හෝ සංයෝග වූවිට මෙම ක්‍රියාවලිය සිදුවෙයි. මෙම අවස්ථාව ජ්‍යොතිෂ්‍ය වේදියකුට පැවැසූවිට ඔහු විසින් තනන ලද තක්කාල කේන්ද්‍රයට අනුව පලාපල විස්තර කරනු ඇත.
මල්වර නැකත් සහ දින අනුව පලාඵල
- 1. ඉරිදා මල්වර වී නම් - නපුරු ගතිගුණ ඇන, නිතර දඹර කරයි. ශරීරය එතරම් නිරෝගි නැත.
- 2. සඳුදා මල්වර වී නම් - සැප සම්පත් ලබයි, යහපත් චරිතයකට හිමිකම් කියයි. ගුණවන්තයි.
- 3. අඟහරුවාදා මල්වර වී නම් - නපුරු ගති ඇතිවෙයි, ඇවිදිලි වැඩියි කලබලකාරී වෙයි.
- 4. බදාදා මල්වර වී නම් - පින් ඇති දරුවන් ලබයි, පවු‍ලේ අයට හිතවත්ය. දියුණුවීමට උත්සහ ගන්තියකි.
- 5. බ්‍රහස්පතින්දා මල්වර වී නම් - යහපත් ගති ගුණ ඇත, ධනවත්වෙයි, සැමියාට යහපත්ය.
- 6. සිකුරාදා මල්වර වී නම් - සහෝදරයන්ට ලැදියි, සැප සම්පත් ලබයි පවුලට හිතවත්ය.
- 7. සෙනසුරාදා මල්වර වීනම් - මුදල් ප්‍රශ්න ඇතිවේ, නිරෝගී නැත. උත්සහය අඩුය.
මල්වර නැකත් පලාඵල
- 1. අස්විද නැකත - පුණ්‍ය වන්තියකි. යහපත්, පළ ලැබේ.
- 2. බෙරන නැකන - අයහපත් ගතිගුණ ඇතිවෙයි.
- 3. කැති නැකත - දරුවන් පිළිබඳ ප්‍රශ්න ඇති කරයි.
- 4. රෙහෙන නැකත - හොඳ යහපත් ගතිගුණ ඇති කෙනෙකි.
- 5. මුවසිරස නැකත - ගුණවන්තයි, ධාර්මිකයි.
- 6. අද නැකත - විශ්වාස වන්තයි, ස්වමියාට ලැදියි.
- 7. පුනාවස නැකත - වාසනාව ඇති යහපත් කතකි.
- 8. පුෂ නැකත - යහපත් දරුවන් ලබයි.
- 9. අස්ලිස නැතන - ප්‍රශ්න ඇති කර ගනියි, දරුවන් ලබයි.
- 10. මා නැකත - පියාට යහපත්, දියුණුව ඇතිවේ.
- 11. පුවපල් නැකත - මානසික ප්‍රශ්ණ ඇතිවෙයි.
- 12. උත්‍රපල් නැකත - යහපත් බුද්ධිමත් කාර්යශීලීවේ.
- 13. හත නැකත - බුද්ධිමත් දියුණුවට කැමැති දරුවන් ලබති.
- 14. සිත නැකත - ඉතා යහපත්, වැඩට දක්ෂයි.
- 15. සා නැකත - යහපත් ගති ගුණ ඇත.
- 16. විසා නැකත - යහපත් ගතිගුණ ඇත.
- 17. අනුර නැකත - වාසනාවන්තයි. යහපත් දරුවන් ලබයි.
- 18. දෙට නැකත - කරදර බාධා ඇතිවෙයි.
- 19. මුල නැකත - යහපත් ගතිගුණ ඇත, සැප ලබයි.
- 20. පුවසල නැකත - බොහෝදේට තරම් යහපත් නැත.
- 21. උත්‍රසල නැකත - යහපත් පිංවන්තයි.
- 22. සුවන නැකත - යහපත්, ධනලාබ ලැබේ.
- 23. දෙනට නැකත - යහපතය පවුලට සුබයි.
- 24. සියාවස නැකත - දරු සම්පත් ඇත. යහපත් ජීවිතයකි.
- 25. පුවපුටුප නැකත - මානසික ප්‍රශ්න හා කරදර ඇතිවේ.
- 26. උත්‍රපුටුප නැකත - ඉතා වාසනා වන්තයි.
- 27. රේවතී නැකත - ඉතා වාසනා වන්තයි, සැමවිටම යහපත්.
ලග්නය අනුව මල්වර ස්ථානය කිව හැකියි
- 1. මේෂ ලග්නයෙන් මල්වර වූ විට - ජනතාව ගැවසෙන ස්ථානයක.
- 2. වෘෂභ ලග්නයෙන් නම් - ගවගාලක් අසල.
- 3. මිථුන ලග්නයෙන් නම් - නිදාගන්නා විට.
- 4. කටක ලග්නයෙන් නම් - ජලය ඇති ස්ථානයක හෝ නානවිට
- 5. සිංහ ලග්නයෙන් නම් - නිවසේ පිළිකන්නේ.
- 6. කන්‍යා ලග්නයෙන් නම් - කැලයක් අසල හෝ කැලයක් තුළ.
- 7. තුලා ලග්නයෙන් නම් - වෙළෙඳාම් කරන ස්ථානයක.
- 7. වෘශ්චික ලග්නයෙන් නම් - නිවස තුළ.
- 8. ධනු ලග්නයෙන් නම් - නිවස තුළ.
- 9. මකර ලග්නයෙන් නම් - ස්ත්‍රීන් මධ්‍යයෙහි.
- 10. කුම්භ ලග්නයෙන් නම් - ස්ත්‍රීන් මධ්‍යයෙහි.
- 11. මීන ලග්නයෙන් නම් - වෙනත් නිවසක.
මල්වර කේන්දරයේ ග්‍රහයන් අනුව පලාඵල
- 1. තත්කාල කේන්ද්‍රයේ 7 වැන්නේ රවි සිටිනවිට - වැන්දඹුවක් වේ, අපල සහිතයි.
- 2. තත්කාල කේන්ද්‍රයේ 7 වැන්නේ සඳු සිටිණ විට - දරුවන් වැඩිපුර ලැබේ.
- 3. තත්කාල කේන්ද්‍රයේ 7 වැන්නේ කුජ සිටින විට - දරුවන්ට අයස ඇතිවේ.
- 4. තත්කාල කේන්ද්‍රයේ 7 වැන්නේ බුධ සිටිණවිට - පිරිමි දරුවන් වැඩිපුර ලැබිය හැකියි.
- 5. තත්කාල කේන්ද්‍රයේ 7 වැන්නේ ගුරු සිටිණවිට - දීර්ගායුෂ ඇත. යහපත් විවාහයක් ඇත.
- 6. තත්කාල කේන්ද්‍රයේ 7 වැන්නේ සිකුරු ඇති විට - සැපසම්පත් ඇතිවෙයි.
- 7. තත්කාල කේන්ද්‍රයේ 7 වැන්නේ ශනි සිටිනවිට - දුක් කරදර සහ විවාහ ප්‍රමාද වීම්.
- 8. තත්කාල කේන්ද්‍රයේ 7 වැන්නේ රහු සිටින විට - දුක් කරදර හා රෝග.
- 9. තත්කාල කේන්ද්‍රයේ 7 වැන්නේ කේතු සිටින විට - ස්වාමියිට රෝග දුක් කරදර.
උපුටා ගැනීම ලක්බිම පුවත්පත
