කළු කුමාර දෝෂය ඉවත් කළ හැකිද?
බුද්ධ රූප සහ දේව රූප නිවෙසේ උතුර, ඊශාන, නැඟෙනහිර දිශාවන්ගෙන් එකක තබන්න. අප නමන්කාර කළ යුත්තේ ඉහත කී දිශාවන් දෙස බලාගෙනය. බුදුන් වහන්සේට දල්වන පහනේ තිරය පැවැතිය යුතු දිශාව කුමක්ද?
අප පහන් දල්වන්නේ බුදුන්ටය. ඒ නිසා පහන් තිරය බුද්ධ රූපය දිශාමුඛව පැවැතිය යුතුය. සීවලී මහරහතන් වහන්සේගේ පින්තූරය ෙදාර උළුවස්ස මත තැබීම සුදුසුද?
නුසුදුසුය. දොර උළුවස්ස මත තැබීම හදිසි අනතුරු ඇතිවීමටද හේතු විය හැකියි. එසේම සංවර බවක්ද නැත. සීවලී මහ රහතන් වහන්සේගේ පින්තූරය බුදුරජාණන් වහන්සේගේ පින්තූරය අසල ඊට වඩා පහතින් තබන්න. සීවලී මහරහතන් වහන්සේගේ පින්තූරය පමණක් නිවෙස තුළ තැබුවාට වරදක් නැද්ද?
බුද්ධ පින්තූරයක් නොමැතිව සීවලී මහරහතන් වහන්සේගේ පින්තූරය තැබීම සුදුසු නැත. සීවලී මහරහතන් වහන්සේ බුදු පියාණන්ගේ ගෝලයෙකි. බුදුන් වහන්සේට පුද පූජා නොකර සිවලී හිමිට පමණක් පූජා පැවැත්වීම නුසුදුසුය. සීවලී හාමුදුරුවන්ගේ පින්තූරය සහ සීවලී යන්ත්‍ර දෙකෙන් වඩාත් සුදුසු කුමක්ද?
සීවලී මහරහතන් වහන්සේ වැදගත් වුවත් සීවලී යන්ත්‍රයේ ගුණ සීවලී මහරහතන් වහන්ස්ගේ පින්තූරයෙන් නොලැබේ. බුද්ධ රූප, දේව රූප තැබිය යුත්තේ කොපමණ උස ප්‍රමාණයකින්ද?
ඒවා තැබිය යුත්තේ තමාට ආයාසයකින් තොරව මල් පහන් පූජා කළ හැකි ස්ථානයකය. යම් උපකරණයක් මත නැඟ පහන් පූජා කිරීම අනතුරුදායක විය හැකියි. බුද්ධ ප්‍රතිමා ඕනෑම දෙයක් නිවෙස තුළ තිබුණාට කමක් නැද්ද?
සමාධි පිළිම, හිටි පිළිම කමක් නැත. එහෙත් පිරිනිවන් මංචකයේ පින්තූර, ප්‍රතිමා සුදුසු නැත. ඒවා සුදුසු විහාර, පන්සල් ආදියටය. ඇතුළත හිස් බුදුපිළිම සුදුසු නැත. අපට අපල කරනුයේ රාහු, කුජ, ශනි යන ග්‍රහයන් පමණද?
නැත. ග්‍රහයන් නවදෙනාම අපල සහ මාරක අපල ඇති කරවයි. සඳු ග්‍රහයාත් මිනිසාට අපල ඇති කරන්නේද?
සත්‍ය වශයෙන්ම ඔව්. පුර පක්‍ෂයේ උපන් ජන්මීන්ට වඩා අව පක්‍ෂයේ උපන් ජන්මීන්ට සඳු අපල ගෙනදෙයි. සඳුගේ මහදසා අන්තර් දසාවලදී සෙම් රෝග, ඇදුම, හතිය වැනි රෝගත් ජලයෙන් හානිත් සිදුවිය හැකියි. ගුරු ග්‍රහයා මාරක ග්‍රහයෙක් නොවන නිසා එම ග්‍රහයාගෙන් මාරක අපල සිදුනොවේද?
ගුරු ග්‍රහයා විශ්වසනීය ග්‍රහයකු බව සත්‍යයකි. ඒත් ගුරු ග්‍රහයා සතුරු වුවහොත් වේදනා නොදී එකවරම මරා දැමීමට තරම් සාහසිකය. ගුරු ග්‍රහයා අමනාප වීම් කිසිදු ලෙසකින් සුබදායක නැත. සෙනසුරු ඒරාෂ්ටක උදාවන්නේ ජීවිතයට එක් අවස්ථාවකදී පමණක්ද?
නැත. කිහිප වතාවක් උදාවිය හැකියි. ජන්ම ඒරාෂ්ටක, ලග්න ඒරාෂ්ටක, අෂ්ටම ඒරාෂ්ටක හා චන්ද්‍ර අෂ්ටම ඒරාෂ්ටක වරින් වර උදාවේ. ශනි ඒරාෂ්ටක දෙකක් එකවර උදාවිය හැකිද?
උදාවිය හැකියි. ලග්නස්ථානය, වැය ස්ථානය, ධන ස්ථානය, මාරකස්ථානය යන ස්ථානයක උපතේදී චන්ද්‍රයා සිටී නම් සෙනසුරු ඒරාෂ්ටක දෙකක් එකවර උදාවිය හැකියි. සෙනසුරු ඒරාෂ්ටක අවුරුදු 7 1/2ක් යැයි පැවැසුවද ඇතැම් විට ඊටත් වඩා දිගු කල් සෙනසුරු ඒරාෂ්ටක පවතින බව සත්‍යයද?
පැහැදිලිවම ඔව්. උපතේදී චන්ද්‍රයා තුන්වැනි රාශියේ හෝ හතර වැනි රාශියේ සිටීම. එකොළොස් වැනි රාශියේ සිටීම ආදී අවස්ථාවලදී සෙනසුරු අපල අවුරුදු 7 1/2 වඩා දිගු විය හැකිය. ග්‍රහ අපලවලින් කෙනකු මිය යා හැකිද?
අපල සහ මාරක අපල යනු දෙකකි. අපලවලින් බොහෝ කරදර විය හැකියි. මාරක අපල නිසා මිය යා හැකියි. මිනිසාට පීඩා කරන්නේ ග්‍රහ දෝෂ පමණක්ද?
නැත. භූමි දෝෂ, අමනුෂ්‍ය දෝෂ, වාස්තු දෝෂ, අණවින කොඩිවින, ඇස්වහ කටවහ ආදී රාශියක් ඇත. අමනුෂ්‍ය දෝෂ, ඇස්වහ කටවහ දෝෂ ඉවත් කළ හැකිද?
ස්ථිරවම නිමා කළ නොහැකිය. නිසි ලෙස යන්ත්‍ර මන්ත්‍ර පුද පූජා පැවැත්වීමෙන් දෝෂ ඉවත් කළ හැකිය. මල්වර දෝෂ යනු කවරේද?
දැරියක මල්වර වූ අවස්ථාවේ ඇය හුදකලාව සිටීම සහ මල්වර වූවාට පසු ඇය නිවෙසට පැමිණෙන තුරු හුදකලාව ගතකිරීම හෝ මල්වර වූවාට පසු පාළු ඉසව්, පාළු මාවත්, සොහොන් පිටි අසලින් ගමන් කිරීම හෝ කාන්තාවන් නොමැති ස්ථානයකදී මල්වර වීමයි. මල්වර දෝෂවල ප්‍රතිඵල මොනවාද?
මල්වර දෝෂ නිසා ඇතිවිය හැකි ගැටලු රාශියකි. ශරීරය කෙට්ටු වීම, මුහුණ විරූපී වීම, කේන්ති යෑම, අධ්‍යාපනය කඩාකප්පල් වීම, කළුකුමාර දෝෂ ඇතිවීම, විවාහය ප්‍රමාද වීම, බාලවයසේදී දූෂණයට ලක්වීම, දරුපල අහිමි වීම වැනි ගැටලු රාශියකි. කළු කුමාර දෝෂය මිථ්‍යාවක් පමණක්ද?
මෙය මිථ්‍යාවක් නොවේ. කළු කුමාර දෝෂය මානසික රෝගයක්ද නොවේ. මෙම දෝෂය ඇතිවුවහොත් උදේ අවදි වන විට ශරීරයේ සීරීම්, ලප කැළැල් දැකිය හැකියි. ආහාර අරුචිය, බඩපුරවා දැමීම පමණක් නොව දෝෂය ඉවත් කරන අවස්ථාවේ ඇඟේ හැසිරීම් රටාවේ ඇතිවන වෙනස නිසා මෙය සත්‍ය බව සනාථ වී ඇත. කළු කුමාර දෝෂය ඉවත් කළ හැකිද?
එය ඉවත් කළ හැකිය. ඉවත් කළ පසු නිරෝගී සුවය ලබනවා ඇත. කළු කුමාර දෝෂය ඉවත් කිරීමට බිල්ලක් දිය යුතුද?
නැත. බිල්ලක් දීම අවශ්‍ය නැත. එහෙත් අවශ්‍ය වෙනත් දොලපිදේනි දිය යුතුය. කිසිවකුට හානියක් නොකර දෝෂය ඉවත් කළ හැකිය. විශ්‍රාමලත් විදුහල්පති (විශ්ව කීර්ති ජේ‍යාතිෂ විද්‍යා ප්‍රසාදිනි) පේරාදෙණියේ එස්. වීරරත්න 0727430179 උපුටා ගැනීම මව්බිම පුවත්පත
