ශරීරයේ පිහිටන ඉන්නන් හා ලප තුළින් ඇය හඳුනා ගනිමු
ස්‌ත්‍රිය වූ කලී බොහෝ සෙයින් වර්ණනාවට භාජන වූ මාතෘකාවකි. සුන්දරත්වයෙන් මන දොල පිනවන වස්‌තුවක්‌ ලෙස ස්‌ත්‍රියල අතීතයේ කවීන්ගේ කවි සිතුවිලි වලද, ලේඛකයන්ගේ හරබර අදහස්‌වලද ගැබ් විය. කොතරම් වර්ණනාත්මක මුඛයෙන් වර්ණනා කළද ස්‌ත්‍රිය තුළ වාසනාවන්ත ගති ලක්‍ෂණ මෙන්ම අන්ත අවාසනාවන්ත ගති ලක්‍ෂණ ද නැතුවා නොවේ. ස්‌ත්‍රියකගේ කේශාන්තයේ සිට පාදාන්තය දක්‌වා ඇති සුබ අශුභ දේහ ලක්‍ෂණ පුරාණ සෘෂිවරුන් විසින්ල විවිධ අවස්‌ථාවල පුස්‌කොල පොත්වල ලියා ඇත. ඒ අතරින් ශරීරය පුරා විවිධ ස්‌ථානවල ඇති ඉන්නන් හා ලප විශේෂ ස්‌ථානයක්‌ ගනී. යම් අශුභ ස්‌ථානයක ලපයක්‌ පිහිටීමට වඩා ඉන්නෙක්‌ පිහිටීම අශුභය. එම ඉන්නා වටේ රෝම පිහිටීම මගින් ලැබෙන්නා වූ අශුභ ඵලය තව තවත් වැඩි කරයි. එමෙන්ම යම් සුබ ස්‌ථානයක ලපයක්‌ පිහිටීමෙන් සුභඵල ලැබෙනවා මෙන්ම ඉන්නෙක්‌ එම ස්‌ථානයේ පිහිටීම සුබඵල අඩු කරයි. එම ඉන්නා වටා හෝ ඉන්නා තුළ රෝම වේ නම් සුභඵල කිසිත් නොලැබෙන අතර අශූභ ඵල පමණක්‌ ලැබෙන පිහිටීමකි.
- ස්‌ත්‍රියකගේ නලලේ වම් පැත්තේ උපන් ලපයක්‌ ඇත්නම් ඇය බොරු කියන, තම සැමියාව පහත් කර සලකන, සැමියාගේ නුගුණම කියන, කොතරම් බව බෝග තිබුණද නැතිවාදම නිතර පවසන ස්‌ත්‍රියකි.
- නලලේ දකුණු පස උපන් ලපයක්‌ ඇති ස්‌ත්‍රිය වූ කලී නිතර ගෙදර දොර දබර ඇති කර ගන්නා, දිළිඳු වන, බලාපොරොත්තු කඩවන පිහිටීමක්‌ ඇති අයෙකි.
- යම් ස්‌ත්‍රියකගේ වම් ඇස තුළ ලපයක්‌ වේ නම් ඇය තම සැමියාගෙන් කරදර විඳින, කරදරකාරී දරුවන් සිටින තැනැත්තියෙකි.
- ඇහිබැම මත ලපයක්‌ ඇති ස්‌ත්‍රිය වූ කලීි කාමාදිකය. නමුත් ධනවත් වී රිසිසේ සැප සම්පත් බුක්‌ති විඳියි.
- දකුණු කන පිටුපස උපන් ලපයක්‌ ඇති ස්‌ත්‍රිය නිතර අසහනකාරී ජීවිතයක්‌ ගෙවන අතර මෙවන් ස්‌ත්‍රීන්ගේ විවාහයද බොහෝ කල් යයි.
- වම් කන පිටුපස උපන් ලපයක්‌ ඇති ස්‌ත්‍රිය කථාවට දක්‍ෂ, ප්‍රසිද්ධ, ආත්ම ගෞරවය රකින අයෙක්‌ වුවද, විවාහය අසාර්ථක වේ. නමුත් මෙවන් ස්‌ත්‍රිය තමන් කරන වෘත්තියෙන් ඉදිරියට යන්නේ විලිබියද ආරක්‍ෂා කරගෙනය.
- දකුණු කම්මුලේ ලපයක්‌ ඇති ස්‌ත්‍රිය උත්සාහවන්ත සැමියෙක්‌ ලබන අතර සැමියා ඵල නොදේ. බොහෝ කාමුක අදහස්‌ ඇති අතර මෙවන් ස්‌ත්‍රීන් පහත් පෙළේ ගණිකාවන් වීමටද හැකියාවක්‌ ඇත. බොහෝ හිතුවක්‌කාරී ගති ඇති ඇයට දරුවන්ගෙන්ද ඵල නොලැබේ.
- යම් ස්‌ත්‍රියගේ නිකටේ ලපයක්‌ වේ නම් බොහෝ කරදරකාරී ජීවිතයක්‌ හිමි, එම කරදර දුක්‌ කම්කටොලු මුළු ජීවිතය පුරාවටම විඳින, ජීවිතය පුරාවට දුක්‌ දෙන සැමියෙක්‌ ලබන පිහිටීමකි. බොහෝ විට මෙවන් ස්‌ත්‍රින්ගේ සැමියා හැර ගොස්‌ හෝ මිය ගොස්‌ සිටිය හැක.
- උඩුතොලේ උපන් ලපයක්‌ වී නම් ඇය නිතර අනුන්ගේ දේ සොයන, කේලම් කියන, කාමාධික තැනැත්තියකි. මෙවන් ස්‌ත්‍රීන්ටද සැමියා ඵල නොදේ.
- නාස්‌ පුඩුවේ උපන් ලපයක්‌ ඇති ස්‌ත්‍රියගේ විවාහ ජීවිතය සාර්ථක නමුත් සැමියාට අපල ගෙනදෙන පිහිටීමකි. මෙවන් ස්‌ත්‍රීන්ගේ සැමියන් වැඩක නොයෙදෙන නිකමුන් බවට පත්වන බව දේහ ලක්‍ෂණ විද්‍යාවේ සඳහන්ය.
- යම් ස්‌ත්‍රියකගේ වම් කම්මුලේ උපන් ලපයක්‌ වේ නම් ඇය ඉතා හිතුවක්‌කාරීය, තම විවාහයද අසාර්ථක කර ගනී. අසනීප තත්ත්ව බහුල අයෙකි.
- බෙල්ලේ උපන් ලපයක්‌ පිහිටි ස්‌ත්‍රිය පතිදම් රකින, ආදරබර සැමියෙක්‌ ලබන, පිංවන්ත අයෙකි.
- වම් ළය මත ලපයක්‌ ඇති ස්‌ත්‍රිය විවාහ ජීවිතයේ සැප හිමිකරගන්නා, වාසනාවන්ත දරුවන් ලබන අයෙකි.
- දකුණු ළය මත ලපයක්‌ ඇත්නම් ඇය නරක නපුරු දේ කියන, මායමින් ජීවත්වන, නිතර ඥතීන් සමඟ අඬදබර ඇතිකර ගන්නා අයෙකි.
- උදරයේ ලපයක්‌ ඇතිව උපන් ස්‌ත්‍රිය අධික ලෙස ලෝභයග සැප සම්පත් හිමි වුවද විවාහය අසාර්ථක වේ.
- යම් ස්‌ත්‍රියකගේ ළය මැද ලපයක්‌ ඇත්නම් යහපත් දරුවන් ලබන නමුත් අසාර්ථක විවාහ ජීවිතයකට හිමිකම් කියයි. නිතර පසුතැවිල්ලෙන් හා දුකෙන් ජීවත් වන අයෙකි.
- යම් ස්‌ත්‍රියකගේ රහසඟ ප්‍රදේශයේ උපන් ලපයක්‌ වේ නම් ඇය බොහෝ සැප සම්පත් විඳීමට භාග්‍ය ඇත්තියකි. මෙවන් ස්‌ත්‍රීන්ට ලැබෙන දරුවන්ද ඉතා යහපත්ය.
- තට්‌ටමේ උපන් ලපයක්‌ යම් ස්‌ත්‍රියකගේ ඇත්නම් ඇය උගත් දරු පරපුරක්‌ ලොවට දායාද කරන මවකි.
- යම් ස්‌ත්‍රියකගේ දකුණු කලවේ උපන් ලපයක්‌ වේ නම් ඇය කුමන දේ කළත් දියුණු වන, ප්‍රසිද්ධිය ඇය කරා නිරතුරුවම ළඟාවන ධනවත් සැමියෙක්‌ හා විවාහ වන වාසනාවන්ත කතකි.
- වම් කලවේ උපන් ලපයක්‌ හිමි ස්‌ත්‍රිය උසස්‌ අධ්‍යාපනය ලැබුවද පළමු ප්‍රේමයෙන් චරිතය කැළැල් කර ගනී. එනිසාම මැයගේ විවාහය අසාර්ථක වී දුකසේ ජීවිතය ගෙවයි. මෙම පිහිටීම ඇති ස්‌ත්‍රියගේ සහෝදර සහෝදරියන්ද මැයව නොසලකා හරියි.
- මැණික්‌ කටුවේ උපන් ලපයක්‌ වේ නම් මෙවන් අයට අතගසන ඕනෑම දෙයක්‌ කළ හැක. සැප සම්පත්ද නොඅඩුව බුක්‌ති විඳින අයෙකි.
- දකුණු දන හිසේ උපන් ලපයක්‌ යම් ස්‌ත්‍රියකගේ වේ නම් ඇය ඉගෙනීමට දක්‍ෂල ආගම දහමට ලැදි, යහපත් විවාහ ජීවිතයක්‌ හිමි, ධනවත් අයෙකි.
- වම් දනහිසේ උපන් ලපයක්‌ වේ නම් අන් පිරිමින්ට ඇලුම් කරන, සමාජයේ ගැරහීමට ලක්‌වන, හිතේ තෙතමනයක්‌ නැති දුෂ්ඨල පාපී ස්‌ත්‍රියකි.
- යටිතොලේ තොල් පෙත්තේ පවතින උපන් ලපය හිමි ස්‌ත්‍රිය බහු පුරුෂ සේවනයේ යෙදෙන, කටකාර, කාමාධික, නිතර සැමියා සමඟ දබර කරනල දෙබිඩි චරිතයක්‌ පෙන්නුම් කරන, වැරදි පිළිනොගන්නා කිසිවෙකුට යටත් නොවන, නිහතමානී නැති අයෙකි.
- නලල මැද උපන් ලපය අහංකාර, උඩඟු, පෙම් සබඳතා බිඳගන්නා නමුත් ගැළපෙන විවාහයක්‌ කර ගන්නා, සාමකාමී විවාහයක්‌ හිමිවන යුවතියක්‌ බිහිකරයි.
- නාසයේ දකුණු පස ලපයක්‌ ඇති ස්‌ත්‍රිය ඉගෙනීමට දක්‍ෂ තරමක්‌ කලබල, කථාවට දක්‍ෂ, දරුවන්ට අකැමැති, විවාහය අසාර්ථක කර ගන්නා අයෙකි.
- ඇහිබැම දෙක අතර පිහිටි උපන් ලපය හිමි ස්‌ත්‍රිය ඉතා වාසනාවන්තය. දෙමාපිය, සහෝදරයන්ගේ සැලකීම නොඅඩුව ලබයි. උගත් විනීත සැමියෙකු හා විවාහ වේ. උසස්‌ දරුවන් ලබයි. නමුත් කනවැන්දුම් වේ. මෙවන් ස්‌ත්‍රීන් පතිවත රකියි. වචනයේ පරිසමාප්ත අර්ථයෙන්ම උතුම් මවකි.
- යම් ස්‌ත්‍රියකගේ දකුණු අතේ උරපතු ඇටේ උපන් ලපයක්‌ වේනම් ඉගෙනීමට දක්‍ෂය, මොවුන් බැලූ බැල්මට මිටි යෑයි සිතුනද මිටි නැත. උදාර වනිතා ගති ඇත. සිනාව හා කථාව අඩුයග මදක්‌ උඩඟුය. විවාහය යහපත්යග මෙවන් අයගේ ජීවිතය සමස්‌තයක්‌ වශයෙන් ගත්කල වාසනාවන්තය.
ජ්‍යොතීෂවේදිනි පී. බී. මංජුලා පුෂ්පරාංගනී
උපුටා ගැනීම දිවයින පුවත්පත
