ලග්නයේ රවි සිටියදී උපන්නොත් මැරෙන්නෙ ගැහැනියක් නිසාලු
ජන්ම පත්ර පරීක්ෂාවේදී ඉතාමත්ම සුපරික්ෂාකාරීව කළ යුතු වන්නේ ආයුෂ පිළිබඳ සලකා බැලීමයි. කොතෙක් රූප සම්පත්තිය ඇතත්, වස්තුව ඇතත්, ආයුෂ හීන පුද්ගලයාගෙන් කවර නම් ඵලයක්ද?. මේ පිළිබඳ ජේයාතිෂයෙහි ඉමහත් කරුණු රාශියක් දැක්වෙතත්, මා මෙම ලිපියෙන් කරුණු ඉදිරිපත් කරන්නේ මරණය ගෙන දෙන ග්රහයෝග පිළිබඳ අවබෝධයක් ලබාගත හැකි කරුණුයි. දසවැන්නේ රවි ග්රහයාද, 4 වැන්නේ කුජ ග්රහයාද සිටියදී උපන් ජන්මියා උසකින් වැටී මරණයට පත්වන බව ජේයාතිෂයෙහි දැක්වෙයි. අව සඳු කුජ ග්රහයාගේ දෘෂ්ටියට ලක්වීමද, ශනි හෙවත් සෙනසුරු ග්රහයා අටවැන්නේ වීමද ගුද මාර්ගයේ රෝගයකින් හෝ ගින්නෙන් හෝ අවි ආයුධයකින් මරණ බිය ගෙනදීමට හේතුවේ.
රවි-කිවි හත්වැන්නෙහිද, අට වැන්නෙහි සෙනසුරුද, අව සඳු සිවුවැන්නෙහි සිටියදී යමෙක් උපන්නොත් පක්ෂීන් හේතුකොටගෙන මරණ බිය ගෙන දෙන බැව් ජේයාතිෂයෙහි දැක්වේ. සිවුවැන්නේ සඳු-ශනි ග්රහයන්ද හත්වැන්නේ කුජ ග්රහයාද ඇතොත් ළිඳක වැටීමකින් (ජලාශයකට වැටීමකින්) මරණය සිදුවන බව ආචාර්ය මතයයි. රවි-සඳු දෙදෙනා කන්යා රාශිගතව ලග්නය වීද, පාප ග්රහයන්ගේ දැකීම වේද, නෑයන් සම්බන්ධව ඇතිවන අරගලයකදී මරණ බිය ගෙන දීමට ඉවහල් වනු ඇත. මිථුන-කන්යා, ධනු-මීන රාශියක් ලග්නය වී රවි-සඳු ලග්නගතව ඇතොත් දියේ ගිලීමෙන් මරණය සිදුවනු ඇත. සඳු ග්රහයා පාප ග්රහයන්ට මැදිව ශනිගේ රැසක (මකර-කුම්භ) සිටියදී උපන්නේ නම් ගින්නකට ගොදුරු වීමෙන් හෝ උසකින් වැටීමෙන් මරණයට පත්වේ.
මීන රාශිය ලග්නය වී හත්වැන්නේ සඳුද, 12 වැන්නේ සිකුරුද, ලග්නයේ රවිද සිටියදී උපන් ජන්මියාට ස්ත්රියක් හේතුවෙන් මරණ බිය ගෙනදේ. ලග්න රාශියේ සඳුද, 5 වැන්නේ කුජ හා අටවැන්නේ ශනිද, ක්ෂීණ චන්ද්රයා 4 වැන්නේද සිටියදී උපන් ජන්මියා බිත්තියකට යට වීමෙන් හෝ ගලක් පෙරැළීමකින් හෝ මරණයට පත්වනු ඇතැයි පැවැසේ. ලග්නයේ රවි ග්රහයාද, 5 වැන්නේ ශනි හා අට වැන්නේ කුජ ග්රහයාද, 9 වැන්නේ සඳුද සිටියේ නම් හෙතෙම අකුණු සර වැදීමකින් මරණයට පත්වනු ඇත. අව සඳු 10 වැන්නේද, 4 වැන්නේ කුජ ග්රහයාද 7 වැන්නේ රවි ග්රහයාද සිටී නම් මඩක එරීමෙන් මරණ බිය ගෙන දීමට ඉවහල් වනු ඇත. රවි-සිකුරු 4 වැන්නේද, කුජ ග්රහයා 10 වැන්නේද ශනි ලග්නයේද සිටියේ නම් ගිනි මූලිකව මරණ බිය ගෙන දීමට හේතුවනු ඇත. ශනි-සඳු ග්රහයන් තුලා-මේෂ-මකර හෝ කුම්භ රාශිගතවේද නැතහොත් මකරයේ අව සඳුද, 7 වැන්නේ රවි ග්රහයාද, කටකයේ කුජ ග්රහයාද සිටියදී උපන් තැනැත්තා කසළ ගොඩකදී මරණයට පත්වේ යැයි දක්වා ඇත.
සෙනසුරු ලග්නයේද, රවි හා සිකුරු සිවුවැන්නේද අව සඳු අටවැන්නේද සිටියේ නම් දඬු මුගුරු ආදියෙන් පහර ලැබ මරණයට පත්වේ. මේ ආදී ග්රහයෝගයන් ජේයාතිෂයේ කොතෙකුත් ඇතත් ඔබගේ කේන්දරයෙහිත් මෙබඳු යෝග ඇත්දැයි විමසිලිමත් වීම ජේයාතිෂයට ගරු කරන ඔබට රැකවරණයක් සලසා ගැනීමට ඉවහල් වනු ඇත.
ජ්යෝතිෂ විද්යා පණ්ඩිත (ජනාධිපති සම්මානලාභී) කොස්ගොඩ ජේ.පී. ද සොයිසා 0779508270/071-4129589 උපුටා ගැනීම මව්බිම පුවත්පත
ජ්යෙතීර්වේදයේ කුම්භ ලග්නය රාශි චක්රයේ 11 වැන්නයි. කුම්භ ලග්න හිමියන්ට ශනි (සෙනසුරු) ලග්නාධිපතියා වන අතර සිකුරු ග්රහයා වැඩියෙන් ශුභ ඵල උදාකරයි....
ජන්මියකු උපත ලබන මොහොතේ උදාව තිබූ නැකැත එම ජන්මියාගේ උපන් නැකැත වෙයි. මෙම උපන් නැකැත අනුව ජීවිත පලාපල ප්රකාශ කළ හැකිය....
වසර හැත්තෑවකට ආසන්න වශයෙන් ජීවත් වීමට වරම් ලැබූ අය මේ යෝගයෙන් උත්පත්තිය හෙවත් ජන්ම දායාදය ලබති. මොවුන් බමුණන් මෙන් වේද ශාස්තෘයන්ගේ...
උඳුවප් මස පුර අටවක තිථිය ලත් සඳුදා දිනක මධ්යම රාත්රි 12.00ට පමණ බෙත්ලෙහෙමේ ගව මඩුවකදී ලොවටම අසිරිමත් වූ සුවිශේෂී උපතක් සිදුවිය....
උපන් දිනය, වේලාව, ස්ථානය නොදන්නා අයට ජන්ම කේන්දරයක්ද නොමැත. එහෙත් කේන්දරයක් (ජන්ම පත්රයක්) තිබුණේ නැත කියා ඔවුනට වුවද පහසුවෙන් හා විශ්වාසයෙන්...
සිංහල භාෂාවෙන් ජන්ම පත්රය, කේන්දරය, කේන්ද්රය සහ හඳහන ලෙස හඳුන්වන උපන් නැකතේ ග්රහ පිහිටීම ඉංග්රීසියෙන් "හොරස්කෝප්" යනුවෙන් හඳුන්වනු ලබයි. ග්රීක භාෂාවෙන්...