දෙව්ලොවෙත් අපායෙත් යතුරු ඇත්තේ සෙනසුරු අතේ ලු
කේන්දරයක හතර වැන්න පාතාලය නියෝජනය කරයි. පාතාලය ඇත්තේ පොළොව යටය. පොළොව යට ඇති දේ ලබා ගැනීමට නම් පාතාල වැසියන් (භෛරවයන්) සතුටු කළ යුතුය. යක්‍ෂයන්ගෙන් මනුෂ්‍යාට කිසිදා යහපතක්‌ සිදුවන්නේ නැත. මිනිසාට රෝ, දුක්‌, පීඩා හා උවදුරු පැමිණවීමට මොවුහු අතීතයේ සිටම දක්‍ෂයෝ වෙති. ඒ බව සෑම ආගමකම පෙන්වා දී ඇත. නව දෙනකුගෙන් යුත් ග්‍රහ මඬුල්ලේ "අශුභ ග්‍රහයා" යෑයි ප්‍රකටව ඇති සෙනසුරු ග්‍රහයා ඉටුකරනුයේ ද යක්‌ෂයා හෙවත් සාතන්ගේ කාර්ය භාරයයි.
එහෙත් මෑතක සිට ඊට හාත්පසින්ම වෙනස්‌ මතයක්‌ සෙනසුරු පිළිබඳව ඉදිරිපත් ව ඇත. සෞරග්‍රහ මණ්‌ඩලයේ "හිඟන්නා" ලෙස විරුදාවලි ලත් සෙනසුරු ග්‍රහ මණ්‌ඩලයේ අලංකාරම ග්‍රහයා ලෙස නම් කර ඇති බව දැනගන්නට ලැබී තිබේ. එතෙකින් නොනැවතී .ඛදරා දෙ එයෑ Rසබටි. යනුවෙන් නම්බුනාමයක්‌ සෙනසුරුට දීමට තරම් නූතන විද්‍යාඥයන් නිර්ලෝභී වී ඇත. එම ගෞරව නාමයට සෙනසුරු හිමි කම් කියන ලද්දේ ඔහු වටා පිහිටි සුවිශේෂී වූ අලංකාර වළලු පංතියේ බල මහිමය කරණකොට ගෙනය.
මෙම විචිත්‍ර වූ වර්ණයෙන් බබළන්නාවූ වළලු පද්ධතිය පිළිබඳව නවතම විද්‍යාත්මක පරීක්‍ෂණයක්‌ පසුගියදා ඇමෙරිකාවේ නාසා ආයතනයේ දී සිදු කෙරුණි. සෙනසුරු ග්‍රහයා මුලින්ම සොයා ගනු ලැබුවේ ලොව පළමු දුරදක්‌නය නිපදවීමේ ගෞරවය හිමිකරගත් ඉතාලි ජාතික ගැලීලියෝ ගැලිලි විසිනි. (1564-1642) ක්‍රි. ව. 1610 දී සාමාන්‍ය දුරේක්‌ෂයකින් ගැලීලියෝ ගැලිලි සෙනසුරුගේ වළලු නිරීක්‍ෂණය කළද ඔහුට එය නිවැරදිව හඳුනාගැනීමට අපහසු විය.
සෙනසුරුගේ මෙම විචිත්‍රවත් වළලු පද්ධතිය නිරීක්‍ෂණය කර නිවැරැදිව හඳුනාගැනීමේ ගෞරවය හිමිවන්නේ ක්‍රිස්‌ටියන් හොයිගන්ස්‌ නමැති ලන්දේසි ජාතික තාරකා විද්‍යාඥයාටය. ක්‍රි. ව. 1656 දී කරන ලද එම නිරීක්‍ෂණයේදී සෙනසුරු ග්‍රහයා වටා පිහිටි චන්ද්‍රයන් 18 ක්‌ ඔහු විසින් සොයාගන්නා ලදී. ඒ අතර වු විශාලම චන්ද්‍රයා ටයිටන් නමින් හැඳින්වේ. ටයිටන් නමැති උප ග්‍රහයා සොයා ගැනීමේ ගෞරවය හිමි වන්නේද ක්‍රිස්‌ටියන් හොයිගන්ස්‌ විද්‍යාඥයාටය. එම සොයා ගැනීම අගය කරනු වස්‌ ටයිටන් ග්‍රහයා වෙත 1977 දී පිටත් කර හරින ලද යානය කැසිනි හොයිගන්ස්‌ ලෙස නම් කරන ලදී.
ටයිටන් යනු ග්‍රීක පුරාණයට අනුව මහ පොළොව මුල් කාලයේ පාලනය කළ දෙවියාගේ නාමයයි. මෙම ග්‍රහයා වටා මීදුමක්‌ වැනි පටලයක්‌ ඇති බව 1940 දශකයේ දී නවීන දුරේක්‌ෂයක්‌ මගින් අනාවරණය කරගත් අතර සෙනසුරු ග්‍රහයා වටා චන්ද්‍රයන් 56 දෙනකු සිටින බව එහිදී පැහැදිලිව සොයාගෙන ඇත. ෙµdaබී උප ග්‍රහයාට පමණක්‌ මෙහිදී විශේෂත්වයක්‌ හිමිව ඇත්තේ අන් චන්ද්‍රයන් ගමන් කරන අතට විරුද්ධව පරිභ්‍රමණය වීම නිසා යෑයි පැවසේ.
සෙනසුරු විශාල ත්වයෙන් දෙවැනි වන්නේ බ්‍රහස්‌පති හෙවත් ගුරු ග්‍රහයාට පමණි. පෘථිවිය මෙන් 700 ගුණයක්‌ විශාල ග්‍රහයකු ලෙස සෙනසුරු ග්‍රහයා හැඳින්විය හැකිය. මෙම ග්‍රහයා සම්පූර්ණයෙන්ම නිර්මාණය වී ඇත්තේ "නයිට්‍රජන්" වලිනි. එම නිසා සෙනසුරු ජලයටත් වඩා බරෙන් අඩුය. ග්‍රහයන්ගෙන් තෙතමනය අඩුම ග්‍රහයා සෙනසුරු වන අතර විශාල සාගරයක ගිල්වුවද, නොගිලී, රබර් බෝලයක්‌ මෙන් උඩ පාවීම සෙනසුරු ග්‍රහයාගේ සුවිශේෂී වූ ලක්‍ෂණයයි.
කිලෝ මීටර් 1200536 පමණ සමක විෂ්කම්බයකින් යුත් සෙනසුරු, හිරුගේ සිට කිලෝමීටර මිලියන 142698 ක දුර ප්‍රමාණයකින් ඈත්ව සිටී. හිරු වටා එක්‌වරක්‌ පරිභ්‍රමණය වීමට සෙනසුරුට ගතවන කාලය පෘථිවි වර්ෂ 29 යි, මාස 05, දින 04 කි. සෙනසුරුට තම අක්‍ෂය වටා යැමට පෘථිවි පැය 10 යි, විනාඩි 14 යි, තත්පර 24 ක්‌ ගත වේ.
සෙනසුරු ග්‍රහයාගේ ස්‌කන්ධය පෘථිවියේ ස්‌කන්ධය මෙන් 95 ගුණයකි. මෙම ග්‍රහයාගේ වළලු ගණන හත (7) ක්‌ වන අතර, මෙම වළලු පද්ධතියේ එක්‌ කෙළවරක සිට අනෙක්‌ කෙළවර දක්‌වා ඇති දුර, පෘථිවියේ සිට චන්ද්‍රයාට ඇති දුර මෙන් තුනෙන් දෙකක්‌ (2/3) ක්‌ වේ යෑයි ගණන් බලා ඇත.
"කළු වළාකුලක රිදී රේඛාවක්‌ ඇති සේ" සෑම නරක දෙයකම හොඳ ටිකක්‌ හෝ ඇතැයි න්‍යායක්‌ පවතී. ඒ බව සනාථ කරමින් සෙනසුරු ග්‍රහයා තුළත් හොඳ ගති සොයාගෙන ඇත. එසේ වීමට නම් සෙනසුරු බලවත්ව, ශුභ ග්‍රහ දෘෂ්aටි ලබා යහපත් ස්‌ථානයක තැන්පත්ව සිටිය යුතු බව පූර්වාචාරීන් විසින් පෙන්වා දී තිබේ.
"සෙනසුරු" යනු ඕනෑම දුකක්‌ දරා ගැනීමට, මනුෂ්‍යයාට ධෛර්යය ලබා දෙන ග්‍රහයාය. ආත්ම දමනය, ආගමික භක්‌තිය, සත්‍යවාදී බව, ඉවසීම, අරපිරිමැස්‌ම, කරුණාවන්ත බව, පවට බියවීම, භාවනායෝගී වීම, තවුස්‌දම් රැකීම, ගිලනුන්ට උපස්‌ථාන කිරීම, පින්කම් කිරීම, විපත් කල් තියා හඳුනාගෙන එයට සූදානම් වීම වැනි යහගුණයන් මෙන්ම, මරණින් මතු පරලොව ජීවිතයට ඇවැසි වූ උසස්‌ ගුණධර්මවලට ජන්මියා යොමු කරවීම බලවත් ශනිගේ ක්‍රියා කලාපය වේ.
තාරකා විද්‍යාව පිළිබඳ ගවේෂණයන්හි යෙදුණු පුරාණාචාර්යවරුන්, ග්‍රහ මණ්‌ඩලය පිළිබඳවත්. සෙනසුරු ග්‍රහයා සම්බන්ධවත් නොයෙක්‌ තොරතුරු සොයාගෙන ඇත. සෙනසුරුගේ නෛසර්ගික ගති ගුණ පිළිබඳ නියමාකාරයෙන් පරීක්‍ෂා කර දැන ගැනීමට ඔවුන් විශාල කාලයක්‌ වැය කරන ලදී. ඔවුන් විසිsන් එහි ගුණ අගුණ මනුෂ්‍යයා හට බලපවත්වනුයේ කුමන ආකාරයෙන් දැයි විමර්ශනාත්මකව සොයා බලා, සංසන්දනය කර ඇති ආකාරය විස්‌මයානුකූලය.
ධනයෙන් හා බලයෙන්ද, සැප සම්පතින් හා යස ඉසුරින් ද, උසස්‌ තනතුරුවලින් හා සමාජ ගෞරවයෙන් ද ආඪ්‍යව සීටි ජන්මින් සතු චංචල හා නිශ්චල සියලු වරප්‍රසාදයන් හිටිහැටියේ ම උදුරා ගැනීම සෙනසුරුගේ සිරිතය. ඉන්පසු ජන්මියාව අවාසනාවන්ත, දුක්‌ත කාල පරිච්ඡේදයක්‌ කරා තල්ලු කර දැමීම අදහා ගැනීමට පවා අසීරුය.
දිළිඳුකම, අවාසනාව, කෙළවරක්‌ නොමැති දුක, දුක්‌විඳිද්දී, තව තවත් දුක්‌දීම, දරු පවුල් අනාථ කරවීම, දෙමාපියන් දූ දරුවන් සී සී කඩ විසුරුවා දැමීම, අලසකම, සීමාවක්‌ නැතිව කටයුතු කල් දැමීම, කරන කටයුතුවලට බාධා පැමිණවීම, බලාපොරොත්තු සුන්කර වීම, බර වැඩ, කටුක වැඩට ජන්මියා යොමු කරවීම, උපන් ගමෙන් හෝ පදිංචි ස්‌ථානයෙන් පිට කරවීම, ඈත නන්නාඳුනන ප්‍රදේශවලට ගෙන ගොස්‌ හුදකලා කරවීම, හිතවතුන් හා ඥතී මිත්‍රාදීන්ගෙන් ඈත් කරවීම සෙනසුරු අයහපත් ලෙස පිsහිටීමෙන් සිදුවන අනිටු විපාකයන්ය.
එමෙන්ම, කල් පවතින ලෙඩ දුක්‌ ඇති කරවීම, ශරීරය කෘෂ කරවා දුර්වර්ණ කරවීම, ඇස්‌ යට කළුවීම, බලය හා වීර්යය අඩු වීම, ණය ගැති වීම, තම ධනය විනාශ වූ ආකාරය පිළිබඳ සිතා ගැනීමටවත් නොහැකි වීම, පටන් ගත් වැඩ අවසන් කර ගැනීමට නොහැකිව ළතැවීම, නින්දා අපහසුවලට ලක්‌වීම, තම තත්ත්වයට නොගැලපෙන අයගේ ඇසුරට වැටීම, සමාජයට ද තම පවුලේ අයටද හෑල්ලු වීම, නඩු හබවලට පැටලීම. අස්‌ථි බිඳීම ආදී මෙකී නොකී අභාග්‍යසම්පන්න අවාසනාවන්ත සිදුවීම් රාශියකට ජන්මියා භාජනය කරවීම හෝ නැතිනම් මරා දැමීම සෙනසුරු ග්‍රහයා ජන්ම පත්‍රයක අයහපත් අයුරින් පිහිටීමෙන් නිසැකවම සිදු වේ.
ව්‍යාපාර බිඳ වැටීම, රැකියාව අහිමි විම හා දැඩි මානසික ආතතිය ද, අධික කෝපය, සිරගත වීම වැනි දේට අමතරව අත පය කැඩීම, අංශභාගය වැනි ලෙඩ සෑදීම සෙනසුරු ලබා දෙන දායාදයන්ය. වම් කකුල අයත් වන්නේ සෙනසුරුටය. එහෙයින් දෝ බොහෝ විට ජන්මීන්ගේ වම් කකුල බිඳීමට සෙනසුරු ග්‍රහයා මුල් වන බව අප අත් දැක තිබේ.
සිකුරු සෙනසුරුගේ මිත්‍රයෙකි. එබැවින් සිකුරුට අයත් වෘෂභ හා තුලා යන ලග්න දෙකෙන් උපත ලද ජන්මීන් හට සෙනසුරු අත පය කඩා දමන අන්දමේ විපාක බොහෝදුරට දෙන්නේ නැත. නමුත් පොඩි පොඩි රිදවීම් දෙපාවලට නොකර යන්නේ ද නැත. කෙසේ වෙතත් ග්‍රහලොව මනාලිය වූ සිකුරුට අයත් ලග්න දෙකටම සෙනසුරු අපල කරන්නේ නොකරම බැරිකමටය. එහෙත් වෘෂභ හා තුලා යන ලග්න දෙකට අපල සිදු කළද, තම යෝගකාරීත්වය හිමිවන එම රාශි දෙකෙන් උපන් අයට තම මහ දසා හා අතුරු දශා කාලය පැමිණි විට එකට සිය ගුණයකින් සුබ පල ලබාදී උසස්‌ තත්ත්වයක්‌ හිමිකර දෙන බව මගේ අත්දැකීම් ඇසුරෙන් පැවසිය හැක.
ජන්ම පත්‍රයක බලවත් ලෙසින් උච්චව හෝ ස්‌වක්‍ෂේත්‍රව, සුබ ග්‍රහ දෘෂ්ටි ලබා යහපත් ආකාරයෙන් පිහිටි "සෙනසුරු ග්‍රහයා" ජන්මියා වෙත වස්‌තුව, කීර්තිය හා බලය ලබාදී උසස්‌ තත්ත්වයට පත් කරවයි. රජ පුටුවේ හිඳුවා බොහෝ සැප සම්පත් ලබා දෙයි. එහෙත් හිටි හැටියේම තමා ලබා දුන් සියල්ල උදුරාගෙන ජන්මියා මහපාරට ඇද දැමීමට ද සෙනසුරු මැලි වන ග්‍රහයකු නොවේ. ඒ නිසා සෙනසුරුගෙන් වැඩිය ලබා ගන්නවාට වඩා ටිකක්‌ ලබා ගැනීම හෝ කිසිත් ලබා නොගැනීම වඩා හොඳ බව සෘෂීන් පවසා ඇත.
සෙනසුරු සුබපල දෙන්නේ බොහොම කලාතුරකිනි. වෘෂභ, තුලා, මකර හා කුම්භ ලග්නවල බලවත් ලෙසින් පිහිටා ඇති සෙනසුරු, ජන්මියාට උසස්‌ සුබපල ප්‍රදානය කිරීමට මූලිකව ක්‍රියා කරන බව අපගේ අත්දැකීම් ඇසුරෙන් පැවසීය හැකිය. "ස්‌වර්ගයේ හෝ අපායේ යතුර ඇත්තේ සෙනසුරු අතේ......." යෑයි පැරණි කියමනක්‌ ඇත. මෙයින් ගම්‍ය වන්නේ ජන්මියා රජෙකු හෝ හිඟන්නකු කරවීමට සෙනසුරුට හැකි බවය.
"සෙනසුරු" යනු කිසිවක්‌ නොකර, තම අපල කාලයේදී නිකන්ම යන ග්‍රහයකු නොවේ. අවස්‌ථාව පැමිණි විට හොඳ හෝ නරක ක්‍රියාත්මක කරවීම සෙනසුරුගේ නිසඟ ගතියයි. එම නිසා අනිකුත් ග්‍රහයන්ට වඩා සෙනසුරා යහපත්ව බලසහිතව සිටීම ජන්මියාට යහපත හා වාසනාව උදා කරවීමකි. මහදශාවේ අවසාන කොටසේදී හා වාරයේදී මෙන්ම රාශියේ අග කොටසේදී සෙනසුරු හොඳ හෝ නරක විපාක දෙන බව මා අත්දුටු සත්‍යයකි.
එමෙන්ම සෙනසුරුගෙන් යෙදෙන ඒරාටෂ්aකවලදී ජන්මියාව මරා ගැනීමට නොහැකි වුවහොත් නොමරා මරණ බව සහතිකව පැවසිය හැකිය. අනන්ත දුක්‌, වේදනා, පීඩාවන් හා මානසික ආතතිය නොඅඩුව ලබා දෙන සෙනසුරු, දුක්‌විඳින විට තව තවත් දුක්‌ පීඩා ජන්මියාට ප්‍රදානය කරනු ඇත. සෙනසුරුගෙන් මා ලද අත්දැකීම් අනුව මොන නම්බු නාමය ලැබුවද සෙනසුරා අනිවාර්යයෙන්ම හෙනහුරාමය, කොයි කවුරුත් ඒ බව අමතක නොකළ යුතු බව මම අවධාරණයෙන් පවසමි.
කොටදෙණියාවේ ඩී. ඩග්ලස්‌ නිමලවංශ ගුණවර්ධන
උපුටා ගැනීම දිවයින පුවත් පත
.jpg "ස්‌ත්‍රී නලල කියන රහස්‌")
