ඔබේ ලග්නය හා නවාංශකය වර්ගෝත්තම හා පුෂ්කර නවාංශකගත වේද?

ජන්ම පත්‍ර පරීක්ෂාවේදී වර්ග කේන්ද්‍ර අතරින් නවාංශක කේන්ද්‍රයට හිමි වන්නේ සුවිශේෂී ස්ථානයකි. යම් ජන්මියකු උපදින මොහොතේ ඔහුගේ ජන්ම ලග්නය සමඟ යෙදෙන නවාංශකය ජන්ම නවාංශකයයි. මෙකී නවාංශකයටම කර්මාංශකය යන නම ද යෙදේ. එනම් නවාංශකය තුළින් කර්මය පලදෙන ආකාරය විග්‍රහ වේ.

රාශියක් වන 300ක ප්‍රමාණය 9න් බෙදූ විට 30 20’ වන නවාංශකයක ප්‍රමාණය ලැබේ. සාමාන්‍යයෙන් 2,5,7,9 යන නවාංශක බලවත් වේ. කේන්ද්‍රයක එක රාශියකට නවාංශක 9 බැගින් මුළු නවාංශක සංඛ්‍යාව 108කි. එසේම රාශියක් යනු නැකැත් 2කුත් පාද 1කි. නැකැතකට පාද සතරකි. ඒ අනුව නැකැත් 27 තුළ නැකැත් පාද 108කි. එනම් නවාංශක ප්‍රමාණයට නැකැත් පාද ප්‍රමාණය සමානය. නැකැත් 27 රාශි 12ට බෙදූ කල එක රාශියකට නැකැත් 2 1/4කි. නැකතට පාද 4ක් නිසාවෙන් නැකැත් 2 1/4 යනු නැකැත් පාද 9කි. මෙම පාද 9 ඒ ඒ රාශි තුළ නවාංශක වේ. යමකුගේ විවාහය පිළිබඳව ප්‍රධාන වශයෙන්ම පරීක්ෂා කරනුයේ නවාංශකයෙනි. ‘නවමාංශ කලත්‍රානං’ යනුවෙන් පරාශර ඍෂිතුමන් සඳහන් කිරීමෙන්ම ඒ බව පැහැදිලි වේ.

යම් ජන්මියෙක් යම් රාශියක ඉපදී නවාංශකය ද එම රාශි නාමයෙන්ම වුවහොත් එය වර්ගෝත්තම නවාංශක උපතකි. උක්ත වර්ගෝත්තම ස්වභාවය වර්ග කේන්ද්‍ර අතරින් නවාංශකයටම සුවිශේෂ වූවකි. සෑම රාශියකටම වර්ගෝත්තම නවාංශකයක් ඇත.

වර්ගෝත්තම නවාංශක සේම පුෂ්කර නවාංශක ද වර්ග කේන්ද්‍ර අතරින් නවාංශකයටම සුවිශේෂ වූවකි.

වර්ගෝත්තම නවාංශක මෙන් නොව පුෂ්කර නවාංශක සෑම රාශියකටම 2ක් පවතී. පුෂ්කර යනු රත්‍රං යන්නට පර්යාය පදයකි. මෙම නවාංශකයේ වටිනාකම ඊට භාවිත කර ඇති නමින්ම ප්‍රකට වේ. මෙම වර්ගෝත්තම නවාංශකත් පුෂ්කර නවාංශකත් භූතයට හා රාශි නාමයට අනුව බෙදී යන ආකාරය සවිස්තරව පහත සටහනින් නිරූපණය වේ. ඒ මෙසේය.

භූතය රාශි නාමය වර්ගෝත්තම නවාංශකය පුෂ්කර නවාංශකය

මේ අනුව ඉතා බලවත් ලග්න හා නවාංශක 3ක් හඳුනාගත හැක. ඒ වර්ගෝත්තම හා පුෂ්කර යන දෙවර්ගයම ඇති නවාංශක හා ලග්නයි. එම ලග්න හා නවාංශක වනුයේ,

1. ධනු ලග්නයේ ධනු නවාංශකය
2. වෘෂභ ලග්නයේ වෘෂභ නවාංශකය
3. කටක ලග්නයේ කටක නවාංශකය

එනම් ධනුවට ධනු නවාංශකය වර්ගෝත්තම වන අතර පුෂ්කර නවාංශක ද වේ. එසේම වෘෂභයට වෘෂභ නවාංශකය වර්ගෝත්තම වන අතර පුෂ්කර නවාංශක ද වේ. එසේම කටකයට කටක නවාංශකය වර්ගෝත්තම වන අතර පුෂ්කර නවාංශක ද වේ.

තවද ඉහත සටහනින් පෙන්වනුයේ මේෂ රාශියට මේෂ රාශියේම මුල් නවාංශකය වර්ගෝත්තම වන බවත් 7 වන නවාංශකය වන තුලාවත් 9 වන නවාංශකය වන ධනුවන් පුෂ්කර නවාංශක වන බවය. එසේම සිංහ රාශියට සිංහ රාශියේ 5 වන නවාංශකය වන සිංහය වර්ගෝත්තම වන අතර 7 වන නවාංශකය වන තුලාවත් 9 වන නවාංශකය වන ධනුවත් පුෂ්කර නවාංශක වන බවය.

තව ද කිසියම් ග්‍රහයෙක් පුෂ්කර නවාංශකගත වූ කල එම ග්‍රහයා ඉතාම ඉහළ මට්ටමේ ශුභ ඵල ලබාදේ. එනම් බලය, ගෞරවය, ජයග්‍රහණය, ප්‍රසිද්ධිය ගෙන දේ. කිසියම් ජන්මියකුගේ ලග්නයට අදාළ පුෂ්කර නවාංශක 2කි. ඉන් එක් නවාංශකයක් අතිපුෂ්කර වේ. මෙම වර්ගෝත්තම හා පුෂ්කර නවාංශක දෙවර්ගයෙන් වඩා බලවත් වන්නේ පුෂ්කර නවාංශකයයි. එම නිසා යමකුගේ ලග්නයට අදාළව ඊට හිමි පුෂ්කර නවාංශක දෙකින් කවර නවාංශකයක් හෝ උදාවීම ඉතාම ශුභ දායකය. එහෙත් උක්ත අතිපුෂ්කර අංශකවලට අයත් වුනයේ 300 වූ රාශියෙන් එක අංශකයක් පමණි. එසේ නොමැතිව 30 20’ වූ නවාංශකයක ප්‍රමාණය නොවේ. එම පුෂ්කර අංශක ඒ ඒ රාශියට අනුව පහත ආකාර වේ.

මෙම පුෂ්කර අංශකය අදාළ වනුයේ ඒ ඒ රාශියට යෙදෙන පුෂ්කර නවාංශක දෙකින් එකකට පමණි. මීට උදාහරණයක් ලෙස මේෂ රාශියේ 7 වන නවාංශකය වන තුලාව දැක්විය හැක. එය පුෂ්කර නවාංශකයකි. එය මේෂ රාශියේ 7 වන නවාංශකය බැවින් ස්ඵුටය 200 00’-230 20’ අතරට වැටේ. ඉහත සටහනට අනුව මේෂ රාශියේ පුෂ්කර අංශකය වන 210 මෙම නවාංශක පරාසයට ඇතුළු වේ. මෙලෙස නවාංශකය පුෂ්කර නවාංශකගත වී පුෂ්කර අංශකයකට වැටීමක් ග්‍රහයන් මෙම පුෂ්කර අංශකයේ පිහිටීමත් ජන්මියාට ශුභ ඵල අධිකව ලබාදෙන පිහිටීමකි.

තව ද නවාංශක කේන්ද්‍රයේ ග්‍රහයන් උච්ච ස්වක්ෂේත්‍ර ආදී බලයෙන් සිටින අතරම එම ග්‍රහයන් පුෂ්කර නවාංශකගත නම් තව තවත් බලවත් වේ. එසේම පුෂ්කර නවාංශකවල වැඩිපුර ග්‍රහයන් තැන්පත් වීම ද ඉතාම ප්‍රබල පිහිටීමකි.

ආචාර්ය මහේන්ද්‍ර පල්ලෙබැද්ද
දු. අංකය 071-9282653