ප්‍රේමය තීන්දු කරන සිකුරුගෙ තැන…

සිකුරු ග්‍රහයා ආදරයට ප්‍රේමයට ප්‍රධානත්වයක් දරන ඊට ප්‍රබල බලපෑමක් කරන්නට හැකි ග්‍රහයෙකි. ඒ අනුව ඔබේ කේන්දරයේ සිකුරු ග්‍රහයා සිටින රාශිය කුමක්ද යන්න හඳුනාගත හොත් ඉතා පහසුවෙන් ඔබගේ ආදරය ගැන දැනගන්නට හැකි වේ.

සිකුරු මේෂ රාශියේ නම්කෙළින් තීරණ ගන්නා යුක්තිගරුක තරුණයකුගේ හෝ තරුණියකගේ ආදරය හිමිවේ. විවිධ බාධක කරදර මැද ආදරය ජයගනී. සාර්ථක සැපවත් විවාහ දිවියක් උරුම වේ.

සිකුරු වෘෂභ රාශියේ නම්පිවිතුරු ආදරයක් උරුම වන්නේය. තම පෙම්වතා හෝ පෙම්වතියගේ අවංක ආදරය හිමිවේ. නිතර හමුවීම සහ ආදරණීය වීමට අවස්ථාවන් ලැබෙන්නේය.

සිකුරු මිථුන රාශියේ නම්ආදරයට වඩා රාගයට මුල් තැන දී කටයුතු කරන්නකු හමුවේ. ප්‍රේම සබඳතා කිහිපයක් පවත්වන්නට අවස්ථාව ලැබෙයි.

සිකුරු කටක රාශියේ නම්දුටු දුටු තරුණයා තරුණිය ගැන ආදර හැඟීම් පහළ වේ. මේ අයගේ ප්‍රේමය ස්ථිර නොවූ හෙයින් කිහිප දෙනකුටම ආදරය කරන්නට පෙළඹේ. කිහිප දෙනකුට ආදරය කිරීමෙන් අපහසුතාවට පත්වන්නෝද වෙති.

සිකුරු සිංහ රාශියේ නම්නිතරම හිමිවන්නේ නොගැළපෙන ආදරයන්ය. නිලය බලය රූපය කුලය නොසලකා ආදරය කරයි. එහෙත් අවංක ආදරය ජයගනී.

සිකුරු කන්‍යා රාශියේ නම්ආදරය ස්ථිර නැත. මේ අය ආදරය අවංකව නොකරයි. පෙම්වතුන්ගෙන් පෙම්වතියන්ගෙන් උදව් උපකාර ගෙන අමතක කරයි.

සිකුරු තුලා රාශියේ නම්අවංක ආදරයක් හිමිවේ. සියලු බාධක බිඳ ආදරය ජය ලබයි. නිතරම අනෙකාගේ ගෞරවය ගැන සිතයි. අවංක ආදරයකටද උරුමකම් කියයි.

සිකුරු වෘශ්චික රාශියේ නම්දුටු තැන ආදරයට බැඳෙයි. රාගයටද මුල් තැනදී කටයුතු කරන පිරිසකි. විවාහයට පෙර සිටම කායික ඇසුරට මුල් තැනක් දෙයි.

සිකුරු ධනු රාශියේ නම්ආදරයට චපල වන්නන් බව පැවැසේ. එක විට කිහිප දෙනකුට ආදරය කරයි. එක් අයකුගෙන් සෑහීමකට පත් නොවේ.

සිකුරු මකර රාශියේ නම්ආදරයට බාධක කරදර අඩු නොවේ. එක් සබඳතාවක් කාලයක් පවත්වාගැනීම අපහසු වේ. එමෙන්ම චපල ආදරයන්ට රැවටෙනු ඇත.

සිකුරු කුම්භ රාශියේ නම්දුටු පමණින් පෙම් කිරීමට නොයන අතර ඔහු හෝ ඇය පිළිබඳ විමසා සොයා බලා ආදරයට එළඹේ. ආදරය ගැන සේම විවාහය ගැනද වගකීමෙන් කටයුතු කරයි. මේ නිසා ඉතා සාර්ථක විවාහ දිවියකට උරුමකම් කියයි.

සිකුරු මීන රාශියේ නම්ආදරය ලැබීමට වාසනාව ඇතත් නොසිතූ අයුරින් එය බිඳී යයි. මේ අයගේ ප්‍රථම ආදරයට වඩා දෙවැනි ආදරය සාර්ථක වන අතර විවාහය දක්වා එය වර්ධනය වනු ඇත.

ප්‍රවීණ ජ්‍යොතිෂවේදී, ජය ශ්‍රී නන්ද කුමාරමව්රට