රාහු අපල දුරු කරන්න මත් වෙන දේ අත්හරින්න
අප හමුවීමට පැමිණි එක්‌තරා සේවා දායිකාවක්‌ තම සැමියාගේ කේන්ද්‍ර පලාපල විමසුවාය. කේන්ද්‍රය අනුව ඔහුට විදේශ රටකට යැමේ වාසනාවක්‌ තිබේද? යනු ඇයගේ ප්‍රශ්නය විය. විදේශයකට යැමට නොවේ. නිතර නිතර විදේශ ගමන් යෙදෙන විදේශ සබඳතා ඇති කෙනකු වන්නේ යෑයි ග්‍රහ පිහිටීම අනුව මම පැවසීමි. ඇය ප්‍රශ්නය නැගුවේ ඇත්ත දැන ගැනීමට නොව ජ්‍යෙdaතිෂ අනාවැකිවල සත්‍ය අසත්‍යතාව දැන ගැනීමට බව පෙනුණේ ඇගේ සැමියා එක්‌සත් ජාතීන්ගේ සංවිධානයේ උසස්‌ තනතුරක්‌ දරමින් බොහෝ රටවල සංචාරය කර ඇති බව කීම නිසාය. කෙසේ නමුත් මගේ අනාවැකියට හේතු වූයේ බලවත් ග්‍රහ පිහිටීම් කිහිපයක්‌ සමග රාහු 12 තැන්පත්ව තිබීමයි.
ජ්‍යෙdaතිෂය මිථ්‍යාවක්‌ බවට තර්ක කරන ඊනියා උගතුන් "රාහු හා කේතු සිටින්නේ කොහේද? සූර්ය ග්‍රහ මණ්‌ඩලයේ එවැනි ග්‍රහයින් සිටින බව සොයාගෙන නැත." ආදී වශයෙන් උපහාස කරන කාලයක්‌ ද තිබිණි. පෘථිවිය සූර්යයා වටා ගමන් කරන රේඛාවත්, චන්ද්‍රයා පෘථිවිය වටා ගමන් කරන රේඛාවත් කැපෙන ලක්‍ෂ දෙක රාහු හා කේතු වශයෙන් සලකන අතර ඔවුන් ඡායා ග්‍රහයින් ලෙස හඳුන්වනු ලැබේ.
බුදු දහමේදී රාහු අසුරයෙක්‌ ගැන සඳහන් වේ. රාහු අසුරේන්ද්‍රයා විසින් සඳු ග්‍රහණය කර ගත් බවත් මෙහිදී චන්ද පිරිත දේශනා කළ බවත් එම පිරිත කියවන විට පැහැදිලි වන්නේය. කෙසේ නමුදු අප විසින් පෙර ආත්මවලදී කරන ලද කුශලාකුශල කර්ම ගැන සොයා බැලීමේදී රාහුගේ සංඥ මගින් පෙන්වන කරුණු ද අති විශාලය. රාහු නයි පෙනයක්‌. හිසට ඉනෙන් උඩට සර්ප ශරීරයක්‌ හා ඉනෙන් පහළට මනුෂ්‍ය සිරුරක්‌ ද ඇති කෙනකු ලෙස සඳහන් වේ. එසේ ඇත්තේ රාහු ග්‍රහයාගේ ස්‌වභාවය හඳුනා ගැනීමේ පහසුව පිණිසය.
නයෙකුට මෙන් ඉක්‌මනින් කේන්ති යැම රාහු අපලයේ එක් ලක්‍ෂණයකි. ජ්‍යෙතිෂයේදී රාහුට කියන්නේ ඔළුව නැති ග්‍රහයා කියාය. ඊට හේතුව ඇස්‌, කන් නැති හෙවත් අදූරදර්ශී බවයි. අදූරදර්ශීව කතා කිරීම, නොගැලපෙන ආශ්‍රය, මත්ද්‍රව්‍යවලට ඇබ්බැහිවීම, නිරර්න ගමන් බිමන් යැම හෙවත් ඇවිද්දවීම, ඉගෙනීමට බාධා පැමිණවීම හෙවත් සිත එකඟ කරගෙන වැඩ කිරීමට නොහැකිවීම, අවුල් වියවුල් ඇතිවීම ආදී අපල ඇති වේ.
මෙකල බහුලව දැකිය හැකි ගැස්‌ට්‍රයිටිස්‌ රෝගය ද රාහු අපලයේ හේතුවක්‌ බව පෙනේ. වතුර බීම අතපසු කිරීම, කට්‌ලට්‌, රෝල්ස්‌, පැටිස්‌, වඩේ, මුරුක්‌කු, පපඩම් ආදී තෙම්පරාදු ආහාර ගැනීමට ඇති කැමැත්ත, නියමිත ආහාර ගැනීමට අතපසුවීම් නිසා උදරාබාධ ආශ්‍රිත හා හිසේ රෝග හට ගනී. නියමිත ආහාර ලෙස සඳහන් කළේ බත් හෝ ධාන්‍ය වර්ගය. තෙම්පරාදු කෑම රාහු හිමි බැවින් රාහු අපලයට ඒවා ගැනීම නුසුදුසුය.
"විෂඝෝර සර්පයා - දැක නාරු මෝඩයා" යෑයි පැරණි කියමනක්‌ සඳහන් කරමින්, සර්පයකු දුටු තැන තලා මරා දැමීමට පෙළඹීමේ කර්ම විපාකය රාහු අපලයට විශේෂ හේතුවකි. සර්පයින් හා බල්ලන්ගෙන් පැමිණෙන උපද්‍රව, ඒ සතුන් ඝාතනය හෝ හිsංසා කිරීමේ විපාකයයි. මත්ද්‍රව්‍ය භාවිතය ද මතු භවයේ රාහු අපල උදා කරයි.
රාහු ග්‍රහයා කේන්ද්‍රයේ පිහිටීම අනුව ශුභ ඵලද, අශූභ ඵලද උදා කරයි. මේ සඳහා අනෙකුත් ග්‍රහයින්ගේ දෘෂ්ටි, සංයෝග ආදී බලපෑම් ද සැලකිය යුතුය.
ලග්නය හෙවත් පළමුවෙන් භාවයෙන් රාහු සිටී නම්, ඔබ ඉතා ඉක්‌මනින් අන්‍යයන් අතර ප්‍රකට දන්නා හඳුනන කෙනකු වනු ඇත. එහෙත් හිස නියෝජනය කරන පළමුවැන්නේ රාහු සිටින අය රහස්‌ සඟවාගෙන සිටීමට දක්‍ෂ, උපන් ගමේ නොව පිට පළාතකදී දියුණුවට පැමිණේ.
රාහු දෙවැන්නේ ධනය ඉතිරි කර ගැනීමට බාධා ඇති කරයි. දුර දිග නොබලා කතා කරන නිසා අනුන්ගේ අමනාපවීම්වලට හේතුයි. මුහුණේ ලප කැලැල් ඇති කරයි.
තුන්වැන්නේ රාහු බොහෝවිට ශුභ ඵල දේ. උත්සාහය, ධෛර්යය ඇති කෙනෙක්‌ වේ. බාල සහෝදරයන් නැති කෙනෙක්‌වීමට හෝ ඔවුන් සමග අවුල් ඇති කරගන්නා කෙනෙක්‌ විය හැක. එහෙත් වෙනත් අශුභ ඵල ද තුනේ රාහු විසින් භංග කරන බව කියා තිබේ.
හතර වැන්නේ රාහු, මුල් ඉඩකඩම් දේපළවලට හානි ඇති කරයි. දශාවේදී ඒවා අහිමිවීමට හෝ ගම රට හැර යැමට සිදුවන නිසා රාහු හතරේ පිහිටි අය උපන් ගමෙන් පිට ස්‌ථිර පදිංචිය සඳහා සැලසුම් කර ගැනීම මැනවි.
පස්‌ වැන්නෙන් ඉගෙනීම ගැන කියන නිසා රාහු පහේ ඉගෙනීමට ශුභ නැත. එසේම විවාහයට පෙර නුසුදුසු ප්‍රේම සබඳතා ඇති විය හැකියි. බලවත් නම් ලොතරැයි දිනුම් හිමිවේ.
හය වැන්නේ නම් සතුරන්ගෙන් ජය ලබයි. නිරෝගී වෙයි. එහෙත් රෝග හඳුනා ගැනීමට අපහසු විය හැකිය. රාහු 5, 6 භාවවල සිටින අයට අම්ල පිත්ත හෙවත් "ගැස්‌ට්‍රයිටිස්‌" රෝගය සෑදීමට ඉඩ තිබේ. රහස්‌ සතුරන් ඇතිවේ.
හත් වැන්නේ රාහු විවාහයට ශුභ නැත. විවාහය අවුල් කළ හැකිය. අනුන් සමග සහයෝගයෙන් කටයුතු කිරීමට බාධා ඇතිවේ. බඩ වියළීම හෙවත් මළ බද්ධය, අර්ශස්‌ වැනි රෝග සෑදීමට ඉඩ තිබේ. විවාහ සහකරුට අපලයි.
රාහු අට වැන්නේ උෂ්ණාධික රෝග ඇතිවීමට ඉඩ තිබේ. දශාවේදී බොහෝ අපල ඇති කරයි. ඉගෙනීමට බාධා, ඇවිද්දවීම, ධනය විනාශ කරගැනීම, පාප මිතුරන්ගේ ඇසුරට පත්වීම, මත්පැන් මත්ද්‍රව්‍යවලට ගොදුරුවීමට හේතුයි. රාහු 8 සිටින අයගේ රාහු දශවේදී ග්‍රහ ශාන්ති කර්ම කරගත යුතුය.
නව වැන්නේ රාහු පිහිටි අය ආගම භක්‌තිය අඩු අය වේ. එහෙත් විදේශ ගමන් යෙදෙනවා ඇත. සඳුගේ රාශියක්‌ වන විට නාවික අංශයට අදාළ
රැකියාවක යෙදෙන අතර එයින් ශුභඵල ඇතිවේ.
දහයේ රාහු සිටින අයට එක තැනක සිට රැකියාවක්‌ කරන්නට ලැබෙන්නේ කලාතුරකිනි. නිතර ගමනේ යෙදෙන රැකියා හිමිවේ. එමෙන්ම රැකියා නිතර වෙනස්‌ වේ. කොඳු නාරටිය සම්බන්ධ රෝග හට ගනී. පියා සමගත්, රැකියා ස්‌ථානයේ ප්‍රධානියා සමගත් අමනාපකම් ඇති කරගනී.
එකොළොස්‌ වැන්නේ රාහු භූමි ලාභ ලබා ශුභ ඵල උදාකරයි. භූමිගත මැණික්‌, මිනිරන් ආදියෙන් ධනවත් විය හැකිවේ. උත්සාහය ධෛර්ය නිර්භීත බව නායකත්ව ගති ලක්‍ෂණ ඇති කරවයි. එමෙන්ම රටේ සෑම තැනකම දන්නා හඳුනන මිතුරන් රාශියක්‌ ඇතිවේ.
දොළොස්‌වැන්නේ ද රාහු විදේශ ගමන්වලට වාසනාව උදා කරයි. ගමෙන් පිට කරයි. සමහරවිට රාහු දුර්වලව තැන්පත් වුවහොත් නඩුවලට පැටලී බන්ධනාගාරගත වීමට ද ඉඩ තිබෙන නිසා එසේ ඇති අය රාහුගේ දශාවත ලබන විට ශාන්ති කර්ම කරවාගත යුතුය.
ඉහත සඳහන් ප්‍රතිඵල ලැබෙන්නේ ජීවිතයේ රාහුගේ දශාවක්‌ හෝ වෙනත් පාප ග්‍රහයකු සමග අන්තර් දශාවන් ලබන කාලයකදීය. දශාවන් නොලබා ශුභ ග්‍රහ දශාවන් ගත වන්නේ නම් අපල පල දීමට හේතු නොමැති වෙයි. එය "අහෝසි කර්ම" බවට පෙරළෙන බැවිනි. තවද ඉහත රාහු තැන්පත්ව සිටින තැන අනුව ප්‍රතිඵල කියන විට කේන්ද්‍රයේ කොටුව අනුව "භාවය" අනුව සැලකීමට අවශ්‍ය නිසා පලාපල කීම සඳහා නිවැරදි කේන්ද්‍රයක්‌ සාදාගත යුත්තේය. ග්‍රහයා සිටින භාවය හඳුනාගත යුතුය.
මේ හැර රාහු අපලයකදී නයි පොළොං ආදී සර්පයින්ගෙන් උපද්‍රව පැමිණීම ගෝනුසු, පත්තෑ ආදී සතුන් දෂ්ට කිරීම මෙන්ම භෛරව දොaෂය නමින් හඳුන්වන භූත දොaෂය ද ඇති විය හැකිය. එවිට අධික වියදම් යෙදේ. මෙවැනි රාහු අපලයක්‌ ඇති වන අවස්‌ථාවක ඒ සඳහා කළ යුතු ශාන්ති කර්ම තිබේ. "ගෝමේද" නම් මැණික්‌ ගල රාහු හිමි මැණික වන අතර රාහු අපලයට ගෝමේද මැණික පැළඳීම බොහෝ අය කරන බව දක්‌නට ලැබුණ ද එයින් සිදුවන්නේ අපලය වැඩි වීමයි. මැණික්‌ පැළඳිය යුත්තේ කේන්ද්‍රය පරීක්‍ෂා කර බලා බලවත් ග්‍රහයා සොයාගෙන ඒ අනුවය.
රාහු හිමි අංක 8 එකතු වන 8, 17, 26, 35, 44 ආදී සංඛ්‍යා වලින් කොඩි, පහන්, මල් ආදිය පූජා කිරීම නිර්දේශ කර තිබේ. වැටකේ මල් විශේෂ වන්නේ රාහු හිමි ගස වන බැවිනි. බෝධි පූජා තබන විට මුචලින්ද නාග දරණය සහිත බුද්ධ රූපයක්‌ ඇති ස්‌ථානයක්‌ නම් වඩාත් ශුභය. පූජා තබා අවසානයේ "චන්ද පිරිත" ඉහත සඳහන් වාර ගණන කියවන්න. රාහු අපලයට චිත්ත ඒකාග්‍රතාව බිඳී යන නිසා සිත එකඟ කරන "භාවනාව" නිසා අපල යටපත් වේ. අනාපානසතිය, මෛත්‍රිය, බුද්ධානුස්‌සති භාවනා ඉතා සුදුසුය. මීට අමතරව පිරිත් පොතේ ඇති "බන්ද පිරිත" උදේ සවස කියවීම් මගින් සර්ප බිය දුරු කරගත හැකි වන්නේය.
කෑගල්ලේ සුනිල් කුමාර ගම්ලත් දිවයින පුවත්
ඉහත පිරිතක්‌ මගින් 800 හෝ 8000 වරක්‌ ජීවං කරගත් සුවඳ ධූපයක්‌ යොදා නිවසේ දුම් ඇල්ලීම විශේෂ ශාන්ති කර්මයක්‌ වන්නේය. තවද රාහු අපල ඇති අය "අළු"පාට ඇඳුම් පැළඳුම් භාවිතය අත්හැරීම ද ඉතා වැදගත්ය. නවගුණ, නවග්‍රහ මණ්‌ඩල යන්ත්‍ර පැළඳීම ශූභය. අදූරදර්ශී බව නියෝජනය කරන රාහු ග්‍රහයාගේ අපල දුරලීමට දූරදර්ශී උගත් නැණවත් අයගේ උපදෙස්‌ ලබා ක්‍රියා කිරීම අතිශයින් මහෝපකාරී වන බව අවසාන වශයෙන් සඳහන් කරනු කැමැත්තෙමි.
