බුධ වෙනත් ග්‍රහයකු සමඟ සංයෝග වූ විට
සෞරග්‍රහ මණ්‌ඩලයේ බුද්ධිකාරක සුරතලා වශයෙන් ජ්‍යෙතිෂයේදී හඳුන්වනු ලබන බුධ ට අස්‌ලිස, දෙට, රේවතී යන නැකැත් හා මිථුන, කන්‍යා යන රාශිවලට අධිපතිව සිටින බුධ වෙනත් ග්‍රහයකු සමඟ සංයෝග වූ විට එහි ප්‍රතිඵල විග්‍රහ කර බලමු.
රවි බුධ සංයෝගය :
රවි බුධ සංයෝගය බලවත් ලෙස පිහිටා ඇති නම් එම ග්‍රහයන්ගේ මහ දශා, අතුරු දශා, කාලයන්හි වඩාත් ප්‍රතිඵල ගෙන දෙන මුත් යම් විටක තේජෝ බල රවිට බුධ අප්ත වී නම් බුධගෙන් ලැබෙන ප්‍රතිඵල අඩුවනු ඇත.
සඳු බුධ සංයෝගය :
සංවේදීශීලීතාවයද ඉතාම යහහපත් ඥාණ කාරක යෝගයක් වශයෙන් මෙය හැඳින්විය හැකිය. චිත්‍ර මූර්ති ශිල්ප සඳහා මෙය වඩාත් උපකාරී වේ. සියලු ශාස්‌ත්‍රයන්හි මතක ශක්තිය මෙයින් ඇතිවුවත් වෘශ්චික , මීන රාශියන්හි මෙම සංයෝගය ඇතිනම් කපටි රහස්‌ කුමන්ත්‍රණ, අපරාධ සැලසුම් ගත දේ සඳහා සිත යොමුවීමේ ප්‍රවනතාව වැඩි වේ.
කුජ බුධ සංයෝගය :
කාර්මික, ඉංජිනේරු, ගණිත ශිල්පය, සැලසුම් ඉදිකිරීම් අංශයේ උසස්‌ රැකියාවන්හි නිරතවීමටද, දුටු දේ කළ හැකි පුද්ගලයන් බිහි කිරීමට මෙම යෝගය සුබ වුවත් තම කේන්ද්‍රය තුළ අසුබවාදීව පිහිටා ඇතිනම් නමගිය අපරාධයක්‌ සඳහා බුධගේ සහයෝගය වැඩිවේ.
රාහු බුධ සංයෝගය :
රාහු ග්‍රහයා වේගවත් ලෙස ක්‍රියාදාමයන් කෙරුවද බුද්ධියකින් තොරව වැඩ කරන අයෙකි. එයට බුධගේ බලපෑම ලැබුණු විට යම් තරමක සහනයක්‌ පමණක්‌ ලැබෙනු ඇත. මෙම යෝගය අසුබ ලෙස පිහිටි කල කථාවේදී ගොත ගැසීම, ගොළු බව මානුෂික උමතු රෝග කාරකයන්ට ලක්‌වීමට ඉඩකඩ වැඩිය.
ගුරු බුද සංයෝගය :
යම් කේන්ද්‍රයක මෙම යෝගය බලවත් වූ විට පරිනත බුද්ධියක්‌ හිමි උගත් දාර්ශනික වියොතුන් ලොවට දායාද කෙරේ. මෙම අයගේ මරණින් පසු තම නාමය වඩාත් බැබලේ. ගුරු නීචව බුධ සමඟ සිටියොත් යම් තරමක ලෞකික වශයෙන් දියුණුවකට මග පෑදේ.
සෙනසුරු බුධ සංයෝගය :
යම් ජන්ම කේන්ද්‍රයක යහපත් ස්‌ථානයක්‌ වී විශේෂයෙන් නව වැන්නේ මෙම ග්‍රහ පිහිටීම යෙදී ඇතිනම් තම ආගම දහම වෙනුවෙන් යහපත් දෙයක්‌ ඉටුකිරීමට සිතුවිලි පහළ වේ. නරක ස්‌ථානයක පිහිටි කල කෲර සිතුවිලිවලින් පෝෂිත වනමුත් යම් යම් ස්‌නායු දුර්වල රෝගකාරකයන්ටද මෙම අය භාජනය වීමට ඉඩ තිබේ.
කේතු බුධ සංයෝගය :
කටක, වෘශ්චික යන රාශියක මෙම යෝගය පිහිටියේ නම් වඩාත් ගුප්ත දේ සම්බන්ධව සොයන, කියන අයෙක් වේ. යම් විටෙක 6 වැන්න, 8 වැන්න යන ස්‌ථානයන්හි පිහිටියේ නම් සොයාගත නොහැකි ලෙඩ රෝගයන්ට මෙම අය ගොදුරුවීමට ඉඩ ඇත.
සිකුරු බුධ සංයෝගය :
යම් කේන්ද්‍රයක යහපත්ව මෙම යෝග පිහිටි කල ප්‍රවීණ ලේඛකයන්, සාහිත්‍ය සූරීන්, කලාත්මක විවිධ දේ තුළින් දක්‌ෂතා පෙන්නුම් කරන අයවලුන් වේ. මෙම යෝගය අයහපත් ලෙස පිහිටි කල අන්සතු ස්‌ත්‍රී පුරුෂයන් සමඟ රහස්‌ සම්බන්ධතා පවත්වාගෙන යැමට පෙළෙඹෙන අයවලුන් වේ.
උපුටා ගැනීම දිවයින
ග්‍රහ ලොවේ සුන්දර සුකුමාල තරුණියක ලෙස හැඳින්වෙන සිකුරු ග්‍රහයා සමානත්වය හා ප්‍රමාණය අතින් බොහෝ දුරට පෘථිවියට සමානය. සාමාන්‍ය ව්‍යවහාරයේදී ඉරබටු තරුව...
යෞවනයේ පසුවන සියලුදෙනාගේම එකම අපේක්‍ෂාව යහපත් විවාහයක් කරගැනීමයි. සමහර තරුණ තරුණියන්ගේ විවාහය ඔවුනොවුන්ගේ හඳුනාගැනීමක් තුළින් සිදුවන අතර ඇතැම් අයගේ විවාහය යෝජිතව...
අපේ ළමයට අඟහරු දෝෂය තියෙනවා. මංගල්‍යයක් කෙරෙනවා නම් හොඳට කේන්දර ගළපලා තමයි කරන්න කියලා තියෙන්නේ” එය බොහෝ දියණියන්ගේ සහ පුතුන්ගේ මව්වරුන්...
ඔබට මේ ගත වෙන්නේ තදබල අපල කාලයක් නම් ඒරාෂ්ටක අපල කාලයක් නම් මෙම කාලයේ විවාහ වෙන්න හොඳ නැහැ. ඔබගේ හෝ ඔබගේ...
කේන්ද්‍රයක ග්‍රහයන්ගේ පිහිටීම අනුව පුද්ගලයාට එක් එක් යෝග ලැබීමට පුළුවන. ඇතැම් යෝග නිසා තමන් ලැබූ සැප සම්පත් පවා අහිමිවී දුක්බර ජීවිත...
කේන්දරයක විවිධ යෝග පිහිටීම් දක්නට ලැබේ. ඒ ඇතැම් යෝග ජන්මියාට වාසනාව කරපින්නාගෙන එන ග්‍රහ සම්බන්ධතාවයක් බව ජ්‍යොතිෂයේ මනාව සඳහන් වෙයි. එහෙයින්...
