ග්‍රහයෝත් රාශිත් එකතු වෙලා ඔබට දමන ලෙඩ
මෙම චිත්‍ර සටහනේ දැක්වෙන අයුරින් රාශි 12 සිරුරේ ඒ ඒ ස්ථානයට අයත්වේ.
මේෂ රාශිය - හිස, වෘෂභ - මුහුණ, මිථුන - පපුව, කටක - හෘදය, සිංහ - උදරය, කන්‍යා - තුනටිය, තුලා - යටිබඩ, වෘශ්චික - ලිංගේන්ද්‍රිය, ධනු - කලවා, මකර - දෙදණ, මීන - පිටපතුල් පාදවලටද අයත් වේ. ශාරීරිකව සෑදෙන විවිධ ව්‍යාධි යම් යම් වකවානුවල හා මහ දශා අතුරු දශාවන්ගෙන් දැනගත හැකිවේ. ඉහත සඳහන් රාශීන් සිරුරේ අවයවවලට මේෂ - මුහුණ, වෘෂභ - ගෙල හා උගුර, මිථුන - උරහිස් හා බාහුවටද කටක - පපුව, පයෝධර ආමාශය හා වැළමිටත් සිංහ - පිට හා අත්ද කන්‍යා - උදරය, තුලාව - තට්ටම් හා තුනටියත්, වෘශ්චිකය - උත්පාදක හා මුත්‍රාශයත් (වකුගඩු), ධනු - උකුල, මකරය - සම (චර්මය), කුම්භ - කකුල් දෙපා වළලුකර, මීන - පිටිපතුල් හා ඇඟිලිවලටද හිමිවන්නේය. මේ අනුව සිරුරේ ඇතුළත අභ්‍යන්තරිකවද ඉන්ද්‍රිය පද්ධතියට ඒ ඒ භාවයන් සම්බන්ධ වේ.
රාශි දොළොසේ හිමිවන ව්‍යාධි රෝග මෙසේ දැක්විය හැකිය.
- මේෂ -
හිසරුදාව, උණ, විෂමජ්ජරවය, මැලේරියාව, ස්නායු රෝග, සිහිමඳකම, අපස්මාරය, ඇස් රෝග, විදුරු මස් දියවීමත්ය.
- වෘෂභ -
තරබාරුකම, ගෙඩි, ඉදිමීම, ගණ්ඩමාලය
- මිථුන -
පෙණහලු රෝග (ප්ලුරසි) දියර වැඩිවීම, ආමවාතය හන්දිපත් ඉදිමීම, ඇදුම - සෙම බහුලවීම
- කටක -
උදරගත හා බඩවැල් රෝග උදර පිළිකාවලට බලපානු ඇත.
- සිංහ -
අජීර්ණාබාධ, ආහාර නොදිරවීම, ග්‍රහණිය, දියවැඩියාව, වකුගඩු අක්‍රිය වීමත්ය.
- කන්‍යා -
මල බද්ධය, ශුක්‍ර ධාතුව ශක්තිය පිරිහීම ශුක්‍රාණු හා ආර්තව සම්බන්ධය
- තුලා -
සන්ධි ඉදිමීම, ගුද රෝග, අර්ශස්, උපදාංශය
- වෘශ්චික -
ගුද පිළිකා, බඩවැල් හා උදර ඇතුළත බිත්තිවල ආසාදනය, නහර ගත රෝග, ගුදයේ පීඩා
- ධනු -
වාත රෝග, තුනටියේ වේදනාව කටී වාතය
- මකර -
චර්මාබාධ, කුෂ්ඨ රෝග, සුදු කබර, පොතු කබර දරුණු චර්මාබාධයන් වේ.
- කුම්භ -
ස්නායුගත රෝගයන්ද අපස්මාරයද වේ.
- මීන -
ක්ෂය රෝග පෙණහලු රෝග සෙම් බහුල වීමේ ව්‍යාධිවලට අයත් වේ.
නවග්‍රහයන්ගෙන් උපාදාන කොටගෙන වැලඳෙන විවිධ ශාරීරික ව්‍යාධි මේ අන්දමට බලපා ඇත.
- රවි -
පිත මානසික රෝග, අස්ථි, රුධිරය පෙණහලු ආමාශගත ව්‍යාධි පපුව ගර්භාශය ශුක්‍රාණු හදවත් ව්‍යාධි ආදිය වේ.
- චන්ද්‍ර -
පියයුරු ගර්භාශය රජස්ග්‍රන්ථි හෘදය හා පිහිටි සිවිය - ශිරා බඩවැල්, නේත්‍ර, ආහාර දිරවන ඉන්ද්‍රියන්, අණ්ඩකෝෂ රෝග, වාත පීඩා, බඩේ කැක්කුම, ප්‍රතිශ්‍යාව, උමතුව - දෘෂ්ටි විතාන ආබාධ ආදියයි
- කුජ (අඟහරු) -
පිත කන නාස් මාංසපේශි සිවි පපුවේ ආබාධ ලේ වමනය හෘදය හා සම්බන්ධ රෝග මාංස පේශි ගනත්වයට පත්වීම කෙණ්ඩා පෙරළීම අධික ලේ වහනය වීම, රක්තාතීසාරයම් _ විටමින් හීනවීම, කැපුම් තුවාලවල ලේ නවතා ගැනීමේ අපහසුව ඇතිවේ.
- බුධ -
යටිබඩ දිව පෙණහලු පිත්තාශය ශ්වසන පද්ධති රෝග, මොළයේ නහරගත රෝග, සිහි නැතිවීම, හිසරුජාව, උමතුව, මානසික අව පීඩනය _ පණු රෝග, ලිංගික රෝග, මුත්‍රාශයේ ආසාදන, ස්නායුගත ආබාධවලට අයත් වේ.
- ගුරු (බ්‍රහස්පති) -
සෙම ලේ වකුගඩු කලවා මාංසපේශි ධමනි නහර ශිරා හෘදය වස්තුව පෙණහලු වටා ඇති සිවිය, කන්, අපස්මාර, ප්ලුරසි (ජලෝධරය) මස්දලු දියවැඩියාවට අයත් වේ.
- සිකුරු -
ශුක්‍ර - ගර්භය, ඇස්, ශුක්‍ර, සෙම, වකුගඩු, හෘදයේ ධමනී, මස් ඇටමිදුලු, සම, කම්මුල්, මුත්‍රා අඩස්සිය, නේත්‍ර පටලය, ඇස්වල සුද, මස්දලු, පෙනීම අඩුකම හා රහස් ගුප්ත රෝගවලට බලපෑම් ඇත.
- ශනි -
පාදය වාතය, අම්ලගතිය, දණහිස, ඇට මිදුලු, ගී්‍රවය, පිලාව, ආමාශයේ අභ්‍යන්තරික බිත්ති ඉළ ඇට, අස්ථි කපාල නියපොතු ආමවාතය, ක්ෂය රෝගය, ඇදුම, මල බද්ධය, වකුගඩු රෝගයන්ට අයත් වේ.
කේන්දර විනිශ්චයේදී රෝග කාරකීය තත්ත්වය මැනවින් අධ්‍යයනය කළ හැක්කේ 6 වැනි භාවයෙනි. මේෂයේ සිට ගණින කල 6 වැන්න වැටෙනුයේ කන්‍යාවටය. කන්‍යාව බුධට අධිපතිකම නිසා බුද්ධි ගෝචර වේ. බඩවැල් උදරයට අධිපති වන අතර උදරය අඩපණ වීමෙන් ශාරීරිකව විවිධ රෝග උත්සන්න වනු ඇත. ලග්නාධිපතියාත් 6 වැන්න අධිපතියා ගැනත් මනා සැලකිලිමත් වීමද අනිවාර්ය වේ. සුබයන් නැතිව 6 වැන්නේ පාපීන් සිටීමෙන්ද නිත්‍ය රෝගියෙක් වන්නේය. කන්‍යාවේ රවි චන්ද්‍ර යෙදීමෙන් යටි බඩේ රෝග මෙන්ම (ඇපන්ඩිස්ටයිටිස්) හටගැනේ. 6 වැන්නේ සිටින රවි ශනි දැක්මෙන් උණ සන්නිපාතය බඩවැල් ආබාධ වහා හටගනී.කුජ ශුක්‍ර ලග්නය දැකීමත් යෝගවීමත් 6 වැන්නේ නම්ද ලග්නය සත්වැන්න දැකීම නිසාද දරුණු මල බද්ධ රෝගයෙන් පෙළේ. වකුගඩු ව්‍යාධිවලට බලපෑම් ඇතිවේ. මේෂයේ සිටින සඳු ශනි හා කුජ දැකීම හරහා සමේ රෝග චර්ම බාධ වැලඳේ. කඩුවේගන් සුදු කබර හා ලාදුරු වැනි රෝගකාරක වේ. සත්වැන්නේ කුජ ශුක්‍ර හැසිරීමෙන් පාපීන් දකීනම් මුත්‍රාශ රෝග අණ්ඩ කෝෂ ගත ව්‍යාධි හටගනී. ශනි කුජ දෙදෙනා මධ්‍යයේ චන්ද්‍රයා රවි මකරයේද සිටීම හරහා ඇදුම වැලඳෙන සුලුය. පෙණහලු ඉදිමේ. ප්ලුරසි වැලඳේ්. ගලනාලයේද රෝග හටගනී. රවි චන්ද්‍ර දෙදෙනාම කේන්ද්‍රයේ හෝ නවාංශකයේ තැන් මාරුවී සිටීම නිසා ක්ෂය රෝග කාරකීය තත්ත්වයට ඇද වැටේ. රවි - චන්ද්‍ර කුජ සහ ශනි පිළිවෙළින්ම 6 - 8 - 2 හා 12 වැනි භාවයන්හි හැසිරීම නිසා පෙනීම අඩුවේ. නේත්‍ර රෝග අධික වේ. සමහර විට පාපී දැක්ම අධික වීම හරහා අන්ධ බවටද පත්විය හැකි වන්නේය. දුබල සඳු ශනි සමඟ 12 වැන්නේ සිටීම නිසා උන්මත්තක තත්ත්වයට පත්වීමට ඉඩ තිබේ. මේෂ, සිංහ, වෘශ්චික, මකර, කුම්භ මෙයින් එකක් වී බලවත් පාපීන් දැක්මෙන් හිසකෙස් අඩුවේ. කෙස්වල වැඩීම ඇනහිටී. තවද සෙනසුරු 5 වැන්නේ හෝ 9 වැන්නේ සිට පාපීන් දුෂ්ට ගතවීමෙන්ද විවිධ ශාරීරික ව්‍යාධිවලට භාජන වන බැව් ජේ‍යාතිෂයේ දැක්වේ. ශාරීරික රෝග මෙන්ම මානසික රෝග තත්ත්වයන්ට ගොදුරු වීමද ග්‍රහ හැසිරීම් රටාවට අනුගතව සිදුවෙන බැව් සත්‍යයකි. කායික හා මානසික රෝග සනිටුහන් වන එකම දත්ත රැස කේන්දරයේ ගැබ් වී ඇත්තේය.
ප්‍රවීණ ජේ‍යාතිෂවේදී, දේශබන්ධු ටී. හෙන්රි බෙම්මුල්ල
077 1892842
මව්බිම
