නැකැතකට අවශ්‍යම සුබ හෝරාව

ජේ‍යාතිෂ විද්‍යාව තුළ සඳු ග්‍රහයාට විශේෂ තැනක් හිමි වෙයි. රාත්‍රියේ උපදින ජන්මීන්ට සඳු මවු ලෙස හඳුන්වයි. පුර පක්ෂයේ බලවත් සඳු කේන්දර හිමියාට සුබව පිහිටීම මත මවු මෙන් ආරක්ෂා කරයි. අව පක්ෂයේ දුර්වලව කේන්දරයේ අසුබව සිටි විට නපුරු කුඩම්මා කෙනකු මෙන් හැම තැනදීම කරදර කරයි. හිතට දුක දෙයි. සෙම් කෝපවීම, ඇදුම, පීනස වැනි දුක් විඳින රෝග සාදයි. සඳුගේ මහ දශාව, අන්තර් දශාව විදසාව තුළ මේ කියන ලෙස ගුණ හෝ අගුණ බලපානු ලබයි. පුර පක්ෂයේ සඳු, රවි ග්‍රහයාගෙන් ටික ටික අෑත් වී ගමන් කරන අතර අව පක්ෂයේ අමාවක දින වන විට රවිට කිට්ටුව ගමන් කරයි. සඳුගේ රාශි ගමන එක රාශියක් තුළ දින දෙකක් හා මාරක කාලයක් ගත කරයි. එබැවින් සඳුගේ බලපෑම වේගවත්ව දැකිය හැකි වෙයි.

සුබ හෝරා තුළ සුවිශේෂී බලයක් උදා කරන බලවත් පුර පක්ෂයේ සඳු ඕනෑම සුබ වැඩකට යෝග්‍ය බව සඳහන් වෙයි. උදාහරණ ලෙස සඳුදා දින ඉර උදාව උදේ 6 ලෙස ගත් විට සඳුදා දින උදේ හයට සඳු හෝරාව උදා වෙයි. සඳු හෝරාව තුළ මුල්ම විනාඩි 12 සඳුටම හිමි වෙයි. එම සඳුගේ හෝරාව තුළ සඳු පංචම කාල හෝරාව සුබ වැඩට සුදුසු නැති බව වෙන් කර ඇති අතර මගේ අත්දැකීම අනුව ජලය මඟින් කරන සුළු දේට නම් අසුබ මතු වී නැති බව පෙනී ගොස් ඇති අතර ජේ‍යාතිෂය අන්තර්ගත විශේෂ නීති පද්ධතියට අමතරව අත්දැකීම පර්යේෂණය මත දැනුම වර්ධනය කරගත හැකි වනු ඇත.

ඊළඟට උදා වන්නේ සඳු හෝරාව තුළ අඟහරු හෙවත් කුජගේ හෝරාවයි. කුජ පංචම හෝරාව තුළ සුබ වැඩ අත්හැරීම කරන අතර තමා යම් විශේෂ යමක් අලුතින් පටන් ගන්නා සුබ කටයුත්තක් සඳහා මේ කුජ පංචම හෝරාව තුළ ආරම්භ කිරීම මඟින් කරදර, බාධා මතු වීම හවුලේ යමක් කළොත් හිත් අමනාප වීම, තරහකරුවන් හා තමාට විරුද්ධවාදීන් ඇති වීම, බොහෝ විට පටන්ගත් සුබ දේ කෝලාහලයකින් නිමාවට පත්වීමට ඉඩ ඇති බැවින් මේ අඟහරුගේ පංචම කාල හෝරාව සුබ ලෙස ගණන් ගැනීම සිදු වෙයි.

ඊළඟට උදා වන්නේ සඳු හෝරාව තුළ බුධ ග්‍රහයාගේ පංචම කාල හෝරාවයි. මේ බුධගේ පංචම කාල හෝරාව සුබ ලෙස පිළිගන්නා අතර මේ වේලාව තුළ පොරොන්දු පත්‍ර, ගිවිසුම් අස්සන් තැබීමට, ඉඩම් මිලදී ගැනීමට, ලිපි ලේඛන කටයුතු ආරම්භ කිරීමට හා විවාහය ලියාපදිංචියට අස්සන් තැබීමටද සුදුසු වන අතර විශේෂයෙන් සනීපාරක්ෂාව පිළිබඳ, සෞඛ්‍ය සම්බන්ධව කරන සුබ කටයුතු එනම් බෙහෙත් වර්ග සැකැසීමට, තෙල් වර්ග සිඳීමට, බෙහෙත් වර්ග අඹරා ගැනීමට, රෝගී අයට සුවය පතා බෙහෙත් වර්ග දීමට හා රෝගී අයට සුවය පතා කරන සෙත්කවි ලිවීමට කියවීමට හා යන්ත්‍ර පැලඳීමට, ශාන්ති කර්මවලටද සුබ වන අතර ශරීර සනීපය සඳහා බෙහෙත් වර්ග ඇඟ ගැල්වීමටද සුබ වෙයි.

ඊළඟට බලගතුම සඳු හෝරාව තුළ බ්‍රහස්පති හෙවත් ගුරු පංචම හෝරාව උදා වෙයි. පුර පක්ෂයේ සඳු බලවත් වීම තත්කාල කේන්දරයේ 4 වැනි 9-11 වැනි භාවවල සුබව තැබීම, බ්‍රහස්පති ග්‍රහයා සුබව ලග්නයේ හෝ පස්වැන්න 9 වැන්නේ බලවත්ව සුබව තත්කාල කේන්දරයේ තබා සාදාගත් සුබ හෝරාව ජේ‍යාතිෂයේ හෝරා තුළ අති විශිෂ්ට ගණයේ සලකන මේ හෝරාව තුළ බොහෝ ප්‍රයෝජන ගත හැකි වෙයි. දේව ආශීර්වාදය ලැබෙන හෝරා අතර ප්‍රමුඛස්ථානය හිමි වෙයි. ඒ බව සනාථ වීමට හේතු වන්නේ, දේවාල ආරම්භයට මුල්ගල් තැබීමට, දේවාලවල වැඩ නිමවා අභිනව පහන් දැල්වීමට, පුද පූජා තැබීමට සුදුසු වූ රුක් රෝපණය කිරීමට.මෙහි වැදගත්ම දේ නම් සඳු බලවත් වීම හා රෙහෙන හා සුවණ යන සඳුගේ නැකැතක්ම ගැනීමයි.දියුණුවට වාසනාවට බලගතු යන්ත්‍ර ජීවම් කිරීම ආරම්භය. බලගතු යන්ත්‍ර කර පැලඳවීම හා මැණික් ඇල්ලූ මුදු අතේ පැලඳීම මෙන්ම සුබ හෝරාව තුළ තව බොහෝ දේ කළ හැකි වෙයි. අලුත සාදන නව නිවෙසට ගෙවැදීමට, නව නිවෙස තුළ බුදු පහන දැල්වීමට, ඔබ අලුතින් ගන්නා වාහනයේ යතුර භාර ගැනීමට, අලුත ගත් වාහනයට බාරයක් වී ආරක්ෂාව ලබා ගැනීමට.

සඳු කාල හෝරාව තුළ ගුරු පංචම කාල හෝරාව ගැන අපේ පැරැන්නෝ මහ ඉහළින් පිළිගත්තා. ගුණ දැන ගත්තා. එහි බලයට විශේෂ නමක් පවා යොදා ගත්තා. මේ හෝරාව තුළ විශේෂ යෝගයක් උදා වෙනවා. එම යෝගයට යොදා ඇති නමින්ම මෙහි බලය කියාපානවා. මේ ලිපි පෙළ අවසානයේ මේ විශේෂ යෝගයේ බලය සත්‍ය බව කියාපෑමට උතුම්ම ගරු තත්ත්වයේ සුබ දේකට යොදා ගන්න බව පැහැදිලි කරමි. ඒ මඟින්ද මෙහි දේව සමූහයාගේ ආශීර්වාදය ලැබෙන බව පෙනී යනවා. අවබෝධ වෙනවා. මෙහි සඳහන් නොකළ තව බොහෝ සුබ දේට මේ හෝරාව යොදා ගැනීමට පුළුවන්. සුබ හෝරා අතර බලගතුම සුබ හෝරාව වෙයි. ඊළඟට සඳු හෝරාව තුළ අවස් පංචම කාල හෝරාව වන සිකුරු ග්‍රහයාගේ පංචම හෝරාව උදා වනවා. පෙර කීවා සේම සඳු පුර පක්ෂයේ බලවත් වීම හා සිකුරු ග්‍රහයා සුබ ත්‍රිකෝණගතව බලවත් නම් වඩා සුබයි. සිකුරු ලග්නයේ බලවත් වීම සිකුරුට දිග්බල ස්ථානය වන 4 වැනි භාවයේ සිටීම හෝරාවේ පංචම කාල හෝරාවේ බලය වැඩි කර දෙයි.

වෙළදාම් ව්‍යාපාර සඳහා යෝග්‍ය වූ ඉහළම ගණයේ සුබ හෝරාව මෙය වෙයි. රූපලාවණ්‍ය කටයුතු ආරම්භ කිරීමට, රූපලාවණ්‍යාගාර විවෘත කිරීමට, මල්වතු ලියගොමු ලස්සනට කරන හැම දේටම සුබ වෙයි. මනාලියට වේල් එක හෝ තැල්ල දැමීම, අලංකාර රෙදි වර්ග හා සාරි වර්ග විසිතුරු භාණ්ඩ, මැහුම්, සම්භාණ්ඩ මෝස්තර නිර්මාණයෙන් කරන දේට සුබයි. වෙළදාම් සඳහා පිටත් වීමට, වෙළෙදාම් පිණිස අලුත ගත් වාහනයේ පිටත් වීමට, මල් වර්ග වෙළදාමට, නිර්මාණ කැටයම් කළ බඳුන් වෙළෙ¼දාමට ආදී තව බොහෝ දේට මෙහි ගුණය ලබාගත හැකි වෙයි. නුවණින් බලා ඒ ඒ තැනැත්තාට අදාළ වන පංචම හෝරාව තෝරාගත යුතු වෙයි. මෙහි විශේෂ කරුණ නම් නැකැත් හැදීමට එන්නේ කලබලයෙන් බැවින් නැකැත හදා ගැනීමට එන අයම දිනය තීරණය කරයි. මට හෙටම නැකැතක් ඕන. නැති නම් දින 7ක් ඇතුළත හොඳ දවසක් බලන්න යැයි පෙරැත්ත කරයි. එසේ නොවුණු කල ඔහු උරණ වී යන්නට යයි. නමුත් නැකැතක අවසාන ප්‍රතිඵලය හෝරාව තෝරා ගැනීමයි. හෝරාවෙන් මේ සා විශාල දෙයක් වේ නම් නැකැත ශුද්ධ කිරීම ගැන කොපමණ වෙහෙස ගත යුතුද?

ප්‍රවීණ ජේ‍යාතිෂවේදී නිහාල් හේවා බටගොඩගේමව්බිම