සඳුගෙන් ලැබෙන පල අපල
ඔබේ ජන්මපත්‍රයේ සෞම්‍ය ග්‍රහයා ලෙස සැලකෙන “සඳු” ග්‍රහයාගේ බලපෑම සහ සඳු ගැනත් ඉගෙන ගැනීම වැදගත්ය. පාසලේදී සඳු පෘථිවියේ උපග්‍රහයකු ලෙස පිළිගත්තද ජේ‍යාතිෂයේ “සඳු” ප්‍රධාන ග්‍රහයෙකි. ග්‍රහ මණ්ඩලයේ “මව” ලෙස මෙන්ම “කුඩම්මා” ලෙසද, සඳු ග්‍රහයා යෙදෙන අවස්ථා පවතී. “සඳේ සාවුන්” ගැන මෙන්ම “සඳේ ලප” ගැනද කවි සීපද ලියා ඇතත් සඳ නැතහොත් චන්ද්‍රයා ගැන බොහෝ දේ ඉගෙන ගන්නට අවශ්‍යය. නමින් ග්‍රහයකු වුවත් අවුරුදු 10 (දහයක්) පුරා සඳුගේ මහා දසාව පවතින කාල සීමාවන් හා සඳු ග්‍රහයා ජන්ම පත්‍රයේ ගෝචර වන ස්ථාන අනුවත් ඔබේ ජීවිතය, චරිතය වෙනස් වේ.
එසේම සඳු ග්‍රහයා තවත් ග්‍රහයකු සමඟ එකම රාශියක සිට ඔබ ඉපදී ඇත්නම් එය “ද්විග්‍රහ” පිහිටීමක් ලෙස සැලකේ. සඳු ග්‍රහයා සමඟ සිටින අනෙක් ග්‍රහයා නිසා ඔබේ ජීවිතයට බොහෝ බලපෑම් එල්ල වීමට ඉඩ ඇත. සඳු ග්‍රහයාට “චන්ද්‍රයා” “සීතංගු” ර්ධධද ලෙස ජේ‍යාතිෂයේ කියැවුමකි. කවි ලෝකයේ බොහෝ නම් ඇත. ඒවා සොයා බලන්න. දිනකට අංශක 13 කලා 20ක දුර ගමන් කරන සඳු එක් රාශියක සිට අනෙක් රාශියට දින 02 1/2 ක් තුළ ගමන් කරන වේගවත් ග්‍රහයෙක්.
නායකත්වය නොව දෙවැනි තනතුර දීමට සඳු සමත් වේ. (උපනායක තනතුර) ජලය ආශ්‍රිත රැකියාවලටත් රුධිරය ආශ්‍රිත රෝගවලටත් සඳු හේතුවේ. සඳුගේ මහ දසාවේදී ඇදුම – පීනස, සෙම්රෝග වැඩිපුර සෑදුනු බව පැහැදිලි වේ. ‘මව“ නියෝජනය කරන්නේ සඳුගේ සඳු බලවත් නම් ජන්මියාගේ මවට සුබපල ගෙන දේ.
සඳු උපතේදී ජන්ම ස්ථානයේ හෝ කලත්‍රස්ථානයේ ගෝචර වූයේ නම් ප්‍රසන්න පෙනුමක් උදාකරන අතර ප්‍රේම සබඳතා ඇතිවීමටත් අන්‍යයන්ගේ ආදරය දිනාගන්නත් සමත් පුද්ගලයෙකි. උපතින් සඳු “වෘෂභ” රාශියේ ගෝචරව “සස” යෝගය උදා වී ඇත්නම් ඔහු හෝ ඇය වාසනාවන්තය. ප්‍රසන්නය. මාතෘ ස්ථානයේ සඳු පිහිටියේ නම් සිත චංචල වන අතර මවට ඉතාම ආදරය කරයි. සඳු රෝගස්ථානයේ ගෝචරව උපත ලබා ඇත්තේ නම් සෙම් රෝග සතුරු කරදර අධිකය. මාරක ස්ථානයේ සඳු ගෝචර වූයේ නම් සෙම් රෝග, පීනස, ඇදුම ආදියට ඉඩ ඇති අතර ජලයෙන් විපත්, අනතුරු වීමට අවස්ථා පවතී. අනියම් ප්‍රේම සබඳතා ආදියටත් සඳුගේ බලපෑම පවතී.
සඳුගේ මහදසාව අවුරුදු දහයක් වේ. “පුර පක්‍ෂයේ” උපන් අයට සඳු මහ දසාව සුබපල ගෙන දෙන අතර “අව පක්‍ෂයේ” උපන් අයට සඳු මහදසාව අසුබ පල ගෙන දේ.
ජේ‍යාතිෂයේ නැකත් සාදන්නේ සඳු මුල් කරගෙනය. සඳු නිසා “තිථිය” ඇතිවේ. චන්ද්‍ර මාස ක්‍රමය අනුව සෑම මාසයකටම දින තිහකි (30)කි. ඒ නිසා ඉංග්‍රීසි ක්‍රමයට මෙන් ඇතැම් මාස අඩු දින ගණනක් හෝ ඇතැම් මාසවල වැඩි දින ගණනක් නොමැත. සඳුට එක් රාශියක සිට නැවත එම රාශියට ඒමට දින 30 (තිහක්) ගතවේ.
සඳුගේ මහදසාවේදී ඇතිවන අපල අඩු කරගන්නට පත්තිනි මෑණියන්ට පූජා පවත්වන්න. ඒත් මෙහිදී පත්තිනි මෑණියන්ට “බාරවීම” සහ “පූද පූජා” පවැත්වීම දෙකක් බව දැනගන්න. පලතුරු සහ එළකිරි පූජා කිරීම සෑහේ. ඒත් “බෙලි” පලතුරු විශේෂය පූජා නොකරන්න. පත්තිනි දේවිය “බෙලි” පලතුරු අප්‍රිය කරයි. රාත්‍රියේ පිපෙන මල් එනම් සමන්පිච්ච, කුමුදු වැනි මල් පූජා කිරීම (බුදුන්ට) වඩා සුබයි. එසේම සුදු සහල්වලින් උයන ලද දානය දන්දීම, රතන සූත්‍රය දිනපතා කියවීම හා රතන යන්ත්‍රය පැලඳීම වැදගත්ය.
ජේ‍යතිෂවේදී පේරාදෙණියේ එස්. වීරරත්න
උපුටා ගැනීම මව්බිම
.jpg "ස්‌ත්‍රී නලල කියන රහස්‌")
