ලග්නය කුම්භ නම් සෙනසුරු බලපාන හැටි

ජ්‍යෙතීර්වේදයේ කුම්භ ලග්නය රාශි චක්‍රයේ 11 වැන්නයි. කුම්භ ලග්න හිමියන්ට ශනි (සෙනසුරු) ලග්නාධිපතියා වන අතර සිකුරු ග්‍රහයා වැඩියෙන් ශුභ ඵල උදාකරයි. ගුරු සහ සඳු ග්‍රහයින්ගෙන් ශුභ ඵල අපේක්‍ෂා කිරීම නිශ්ඵල වුවද ඔවුන් පිහිටි රාශි අනුව තීරණය කළ යුතු වන්නේය. කුජ ද එසේමය. එහෙත් කුජ ගුරු සංයෝගයෙන් ශුභඵල අපේක්‍ෂා කළ හැකිය. කුම්භ ලග්නයෙන් 2 වැන්න (මීන) සහ 11 වැන්න (ධනු) හිමි ගුරුගෙන් ශුභ තත්ත්වයන් ඇති කරයි. සෙනසුරුට රවි- චන්ද්‍ර – කුජ ග්‍රහයෝ සතුරු වෙත්.

කුම්භ ලග්නයෙන් උපන් අයගේ ලග්නයට (01) සහ 12 ට ශනි ලග්නාධිපතියා වන අතර ලග්නයේ (01) ශනි සිටීම යහපත්ය. මේ නිසා ආයුෂ වැඩිවේ. අනුකම්පා සහගතයි. ආත්ම ගෞරවය රකී. සමාජ සේවා කටයුතුවල යෙදේ. විවාහ – පවුල් ජීවිතයද යහපත් වන්නේය. ආගම දහමට කැමැතියි. ඉඩකඩම් දේපල ලැබීමේ භාග්‍යය උදාකරයි. ශනි කුම්භ සේ සිටීම ලග්න ඒරාෂ්ඨක වේ.

ශනි 02 වැන්නේ වූ විට ඒරාෂ්ඨකයේ අවසාන අදියර වේ. මෙවන් කුම්භ ලග්න හිමියන් කම්මැලි කමින් කාලය ගත කරන්න සිතයි. ඉගෙනීම – අධ්‍යාපන කටයුතුවලට ද හිතකර නොවේ. අත මිට හිඟයි. සහකරුට හෝ සහකාරියට ශරීර අසනීප ඇති වේ. විවාහ දිවියද සැපවත් නොවන තරම්ය. කුජට අයත් මේෂ රාශියේ නොහොත් 03 වැන්නේ ශනි සිටින කුම්භ ලග්න හිමියන්ට පිට පළාත්වලින් ආදායම් ලැබිය හැකිය. එසේ වුවත් විවාහ ජීවිතයෙන් පාඩු ලැබේ. තමාට සමාජයේ කැපී පෙනී සිටීමට ඕනෑ කරයි. පදිංචි ස්‌ථානය කීප වරක්‌ම වෙනස්‌ කිරීමට සිදුවේ. එහෙත් තමාට උරුම හිමිකම් ලැබීමට පුළුවනි. 04 වැන්නේ ශනි සිටීම නිසා වෙළහෙළ¹ම් , කර්මාන්ත ගොවිතැන් කටයුතුවලින් ආදායම් ලබයි. දෙමාපියන්ට අශුභදායකයි. සකසුරුවම තිබුණත් වියදම වැඩියි. නෑයින් නිසා කරදරවලට පැටලීමට සිදුවේ. බුධට අයත් මිථුනයේ (05) ශනි සිටිවිට චාම් දිවි පෙවෙතකට හුරුවේ. ඉවසිලි බවින් තම කාර්යයන් කර ගනී. ඉගෙනීමට බාධක යෙදුණත් බුද්ධිමත්ව කටයුතු කරයි. ප්‍රායෝගික දැනුම තිබේ. නඩු හබවලට පැටලේ. බුධ ග්‍රහයා 01 නම් අපල අඩු කරයි. ශනි 06 වැන්නේ සිටින විට, කුම්භලග්න හිමියෝ බාලවියේදී ලෙඩ රෝගවලට භාජන වෙති. ගෘහ ජීවිතයේ කරදර ඇති කරයි. පෙම් සබඳතා නිසා සිතේ අසහනය ඇති කරයි. බඩේ රෝග සාදයි. ඉගෙනීමේ කටයුතුවලටද බාධක යෙදේ. ශනි 06 ට අශුභ වුවත් 07 ට ශුභයි. නිර්භීත තේජවන්ත අයකු ලෙස ක්‍රියා කරයි. දුක්‌කරදර ඇතත් ඒවා මැඬගෙන ඉදිරියටම යයි. අධ්‍යාපන කටයුතුවලටද වරදක්‌ නැත. තරමක්‌ ආඩම්බරයි. විවාහ කටයුතු ප්‍රමාද වේ. විවාහය සිදුවන්නේ කලින් ආශ්‍රය කළ අයකු සමඟය. තමා සුළු පිරිසක්‌ පමණක්‌ ආශ්‍රයට ගනී.

ශනි 08 සිටීම නිසා අෂ්ඨම ඒරාෂ්ඨකය ඇති වී ලාබාල වියේ ලෙඩ රෝග ඇති කරයි. ඉඩකඩම් දේපල ලැබීමට මෙය හොඳ පිහිටීමකි. ආගම දහමට ලැදිව කටයුතු කරයි. ගුප්ත රහස්‌ දේවල් කෙරෙහි සිත යොමුවේ. ශනි 09 වැන්නේ වූ විට ඉතාමත් ශුභ දායකයි. 09 ට ශනි (තුලා) උච්ච නිසා උසස්‌ අය ආශ්‍රයට ලැබේ. සමාජ සේවා කටයුතු ආගමික කටයුතුවල යෙදේ. අධ්‍යාපන කටයුතුවලටද හිතකරයි. අන් අය තමාගෙන් උපදෙස්‌ ලබා ගැනීමට පැමිණේ. මව -පියාගේ ආදරය ලැබීම අඩුයි. විවාහ දිවිය සාර්ථක වේ. ශනි කුජගේ රාශියක්‌ වූ 10 වැන්නේ (වෘශ්චික) සිටිවිට ආගම දහමට එතරම් කැමැත්තක්‌ නොදක්‌වයි. කපටිකම් ප්‍රොaඩාකම්වලට දක්‍ෂයි. ආත්මාර්ථකාමීයි. සකසුරුවම්කම තිබේ. දුර බැහැර ප්‍රදේශවල රැකියාව කිරීමට සිදුවේ. උපන් තත්ත්වයට වඩා දියුණු වෙයි. රහස්‌ ප්‍රේම සබඳතා ඇතිවුවත් ඒවා අක්‍රීය වේ.

ශනි 11 ටද යහපත්ය. ගුරුගේ රාශියක්‌ වූ ධනුවේ ශනි සිටීමෙන් ගෞරවය හා ප්‍රසිද්ධියට පත් වේ. ආගම දහමට ලැදිවේ. ආදායම් තත්ත්වය යහපත්ය. පිරිස්‌ බලය තිබේ. කියන කරන දේ එළිපිටම කිරීම නිසා පාඩු සිදු කරගනී. අධ්‍යාපන කටයුතුවලින් ඉහළ තැනක්‌ හිමි කර ගනී. සමාජයෙන් ගරු සැලකිලි ලබයි. ශනි 12 සිටීම මකර රාශි ගත වීමයි. ස්‌වක්‍ෂේත්‍ර බලයකි. තමාගේ වාසිය පිණිසම කටයුතු කරයි. ආත්මාර්ථකාමීයි. නාස්‌තිකාර ලෙස වියදම් නොකරයි. විවාහය ප්‍රමාද වේ. පිට ප්‍රදේශවල වාසය සිදු වේ.

ශනි සිකුරු ලග්නගතව (01) සිටීම නිසා ගේදොර ඉඩකඩම් යානවාහන ලැබීමේ භාග්‍යය තිබේ. ගුරු ශනි 01 සිටීමද ශුභයි. රෝග පීඩාවලින් මිදේ. විවාහ දිවියද යහපත් වේ. කුජ ශනි 01 සිටීමද හොඳයි. සෘජුව කටයුතු කරයි. සාහිත්‍ය කලා කටයුතුවලට ලැදිවේ. රවි ශනි ලග්න ගතවීමද භාග්‍යය උදාකරයි.

උපුටා ගැනීම දිවයින