කටක ලග්නයට හිමි රැකියාව
කටක ලග්නය හිමි ඔබගේ ලග්න අධිපතියා සඳු ග්‍රහයා වන අතර දහවැන්න වන කර්මස්ථානය නියෝජනය කරන ග්‍රහයා අඟහරුයි. මේෂ රාශිය දහවැන්න වන අතර අඟහරු එහි සිටියානම් පංච මහා පුරුෂ යෝගය වන රුචක යෝගය උදාකරයි.
- හොඳ රැකියාවකට ග්‍රහ බල ඇත.
- උනන්දුවෙන් උත්සාහයෙන් යුක්තව රැකියා අංශවල නිරත වෙයි.
- වගකීම් පැහැර නොයවා අවංකව කටයුතු කරන අයෙකි.
- රැකියා ක්‍ෂේත්‍රය තුළ ප්‍රධානියකු ලෙස කටයුතු කරයි.
- උගත් දෙයින්ද උපරිම පල ප්‍රයෝජන හිමියි.
- නොසිතූ ආකාරයට ඉහළ තනතුරු හිමි වෙයි.
බුධ ග්‍රහයා දහවැන්න තුළ නම්,
- විදේශ ගමන්වලට වාසනාව ලබයි. එමඟින් ධනය උපයයි.
- ලිපි ලේඛන, පොත්පත් ආශි්‍රතව වෘත්තියක නියැළෙයි.
- තමන්ගේ තත්ත්වය ආරක්ෂා කර ගනිමින් රැකියා කරන අයෙකි.
තුලා, වෘශ්චික, ධනු යන නවාංශකයක් හිමි අයෙක් නම්,
- රැකියාව ගැටලුවක් වන නීතිමය ප්‍රශ්නයකට මුහුණ දීමට සිදුවෙයි.
ගුරු දහවැන්න තුළ නම්,
- භාග්‍යස්ථාන අධිපති කර්මස්ථාන විට හොඳ රැකියාවක් ලබයි.
- පෙර ආත්ම භාවයක් තුළ කර ඇති රැකියාවකට සමාන රැකියාවක් ලබයි.
- ගුරු වෘත්තිය වැනි අංශයකින් තමන්ගේ දැනීම අන් අයට බෙදා දෙන අයකු වෙයි.
- ව්‍යාපාර අංශ තුළින්ද ලාභ ප්‍රයෝජන ලබයි.
- ගොවිතැන්, හාඩ්වෙයාර් උපකරණ, සිල්ලර බඩු වෙළෙඳ සල් පිහිටයි.
- හොඳ ආත්ම අභිමානයෙන් යුක්තව රැකියාව කරන අයෙකි.
සිකුරු දහවැන්න තුළ නම්,
- අයස්ථාන අධිපති ධනස්ථාන ගතවෙයි.
- රැකියා අංශ තුළින් ඉතා හොඳ ආර්ථික ස්ථාවරයක් ගොඩනඟා ගනී.
- දහ දාහක් වියදම් කළොත් දහදාහක් ලාභ ලබයි.
- දේපොළ වෙළෙදාම යානවාහන ඊට අදාළ උපකරණ අලෙවිය තුළින් සාර්ථක පල අත්කර ගනී.
- රෙදිපිළි, හෝටල් කර්මාන්ත, පලතුරු වෙළෙදාම්වලින් සාර්ථක ලෙස ලාභ ප්‍රයෝජන ලබයි.
මකර, කුම්භ, මීන නවාංශකයක් හිමි අයකු නම්,
- සිකුරුගේ දශා කාලය තුළ දේපොළ පාඩු වීම් ඇතිවිය හැකියි.
ශනි ග්‍රහයා දහ වැන්නට නීච වෙයි නම්,
- තමන් කුඩා කල සිටම අපේක්ෂාවෙන් සිටි රැකියා නොලැබෙයි. වෙනත් රැකියාවක් කිරීමට සිදුවෙයි.
- වෙහෙස මහන්සි වී වැඩ කරන රැකියාවක නිරත වෙයි.
- ඉහළ නිලතල දරන අයගෙන් දෝෂාරෝපණ නිතර නිතර අසන්නට ලැබෙයි.
- සමහර අවස්ථාවලදී සතුරු කරදරද ඇති කරයි.
ඔබ කටක, සිංහ, කන්‍යා නවාංශක හිමි අයකු නම්,
- කුමක් හෝ ප්‍රශ්නයක් මත රැකියාව අහිමි වෙයි.
රාහු දහවැන්න තුළ නම්,
- රැකියා අංශවලට හොඳයි.
- නිතර ගමනේ යෙදෙමින් වෘත්තීය අංශවල නිරත වෙයි.
- වාහනවල ගමන් බිමන් ඇතිකරන අතර විදේශ ගමන්වලටද හිමිකම් ලබයි.
කේතු දහවැන්න තුළ නම්,
- ලබන රැකියාව තුළින් සිතට සතුටක් නැත.
- අකැමැත්තෙන් හෝ රැකියාව කරයි.
- ඉහළ තනතුරු ලැබීමට අසීරුයි.
- ලැබීමට ඇති මුදල්ද දිනෙන් දින කල් යයි.
රවි ග්‍රහයා දහවැන්න තුළ නම්,
- ධනස්ථාන අධිපති කර්මස්ථාන ගතවෙයි.
- රජයේ ඉහළ තනතුරු ලබයි.
- රජයේ රැකියාවක් ලැබීමට භාග්‍ය උදාකරයි.
- ප්‍රධානියකු ලෙස කටයුතු කරයි.
- දේශපාලන අංශවලට අවතීර්ණ වුණොත් ස්ථිරවම ජයග්‍රහණයක් ලැබිය හැකියි.
- හොඳ ආර්ථික ස්ථාවරයක් ගොඩනඟා ගනී.
සඳු ග්‍රහයා දහවැන්න තුළ නම්,
- තමන්ට ගැළපෙන ආකාරයේ තමන් අපේක්ෂා කළ ආකාරයට සරිලන අයුරින් රැකියාව ලබයි.
- අවංකව රැකියා අංශවල නිතරවන අයෙකි.
- සාධාරණව කටයුතු කරයි. රැකියාවට බාධක නැත.
- සතුරු කරදර නැත.
- අන් අයගේ උදවු උපකාර මත එම අංශ දියුණුවෙයි.
ඔබගේ දහවැන්න අධිපති වන අඟහරු 5, 2, 9, 11 ස්ථානවල සිටී නම්,
- රැකියා ව්‍යාපාර අංශවලින් දියුණුවක් ලබයි.
ප්‍රවීණ ජේ‍යාතිර්වේදී සරත්චන්ද්‍ර බෝතලාගේ
උපුටා ගැනීම මව්බිම
