මල්වරයෙන් දියණියගේ අනාගතය කියවමු
සිකුරු තරුව පායන නව යොවුන් විය කරා පා තබන දියණියකගේ ස්වාභාවික දායාදයක් වූ මල්වරය ජ්‍යොතිෂය හා බැදෙන්නේ එය ග්‍රහ පිහිටීමක් මත සිදුවන නිසයි. නර රාශියක චන්ද්‍ර යා අනුපවය වී අගහරු විසින් දෘෂ්ටි හෙළීම ඊට හේතුවයි. දින, නැකත්, තිථී, ලග්න, කරණ මූලික කොටගත් ඵලවිපාක ඇතුළත් "කිලිසක" නම් වූ මල්වර චක්‍රයක් පුරාණාචාර්යවරුන් විසින් මේ අරභයා නිර්මාණය කර ඇත. ස්ත්‍රියකගේ උත්පත්ති කේන්ද්‍රවය තරමටම මල්වර කේන්ද්‍රතයද ඇයගේ විවාහය කෙරෙහි සෘජුව බලපායි. තවද මව්පදවිය ලැබීමේ ප්‍රරථම උපාධිය ලෙසින්ද හැඳින්වෙන ප්‍රථම මල්වරය කුමරියකගේ පෙර පව් පින් විදහාලන කැඩපතකි. තවද පුර්වාචාරීන්ට අනුව ස්ත්‍රී කේන්දරයක් සියුම්ව විග්‍රහ කිරීම සඳහා ලග්න තුනක් ඇවැසි වේ. එනම් උත්පත්ති ලග්නය, මල්වර ලග්නය, ප්‍රථම ලිංගික සංසර්ගයේදී උදා වූ ලග්නයයි. මෙම ලග්නය කවර දිනකදී කවරාකාරයෙන් තම නීත්‍යායනුකූල සැමියා සමග හෝ අන්‍ය පුද්ගලයකු සමග හෝ යෙදෙන සංසර්ගයේදී උදාවන ලග්නයයි. මෙම එක් වීම තම සැමියා, ප්‍රේමවන්තයා හෝ කාමාතුර සල්ලාලයකු අතින් විය හැක. මල්වර අවස්ථාවේ උදාවන රාශි, නැකැත්, තිථී, යෝග, කරණ, දින, චන්ද්‍රසමාස, ග්‍රහ පිහිටීම් ප්‍රකාරව අධ්‍යාපනය, රැකියාව, යුගදිවිය, දරුඵල, ලෙඩදුක් ආදී පලාඵලද දෙමව්පියන්ගේ ශුභ අශුභද දියණියගේ භාග්‍යද අභාග්‍යයද මැනවින් විග්‍රහ කළ හැකිය. තවද මල්වර කේන්ද්‍රයේ සියලූම අශුභ කාරණා අරභයා සර්ව දේවපූජා පවත්වා සර්ව දේවතා මණ්ඩලයට පින් අනුමෝදන් කරවීම, ගුප්ත විද්‍යායනුකූලව උචිත යන්ත්‍ර පැළැන්දවීම, නවග්‍රහ පූජා, බෝධි පූජා පැවැත්වීම, කපුටුදාන දීම, යාචකයන්ට, අසරණයන්ට පිහිටවීම යනාදී ගුප්ත ශාස්ත්‍රීය හා ආගමානුකූල කටයුතු සිද්ධ කර ගැනීමෙන් අශුභ තත්වයන් සමනය කරගැනීමේ හැකියාව පවතී.
මල්වරය සිදු වූ දිනය අනුව ශුභාශුභ මෙසේය :
- ඉරිදා - දුක් කරදර, විපත්තිදායක, ශෝකාකූල තත්ත්වයන්ට මුහුණ පෑමට සිදුවේ.
- සඳුදා - තම මව්පියන්ගේ විශේෂයෙන්ම තම මවගේ ඥාති හිතමිත්‍රාදීන්ගේ ප්‍රසාදයට ලක් වේ.
- අඟහරුවාදා - තම සහෝදරාදීන්ට අපල විපත් ගෙන දේ. මල්වර දියණියට ලේ ආශ්‍රිත රෝගී තත්ත්වයක් ඇතිවේ.
- බදාදා - සෞම්‍ය ගති පැවතුම් හා යහපත් බව ඇතිවේ.
- බ්‍රහස්පතින්දා, සිකුරාදා - සතුට, සෞභාග්‍යතය, වාසනාව, සැප සම්පත් ගෙන දේ.
- සෙනසුරාදා - අලස බව, නිදිමත ගතිය, ශාරීරික හා මානසික පීඩාකාරී බව ඇති වේ.
තිථී අනුව මල්වර ඵල :
- පෑලවිය - දරුඵල හීන කරයි. බොහෝ අවස්ථාවන්හිදී යහපත් බවද ඇති කරයි. ස්වාමිභක්ති වේ.
- දියවක - සතුට සොම්නස මද වශයෙන් ඇති කෙරේ. යහපත්ය. පිණැත්තියෙකි.
- කියවක - සැප සම්පත්, ධනය, සෞභාග්‍යය, දියුණුව ඇති කරයි. බොහෝ විට ජීවිතයේ හිස් බව ඇති කරයි. දරුලාභ ඇත.
- ජලවක - අඥාන, සැඩපරුෂ, කෘෘරතර බව ඇති කරයි. දේපල වස්තු විනාශය සිදු වේ. වැන්දඹු බවට පත්වෙයි.
- විසේනිය - වාසනාවන්ත යුගදිවියකට උරුමකම් කියයි. පින්වත් දූ පුතුන්, සොම්නස, සෞභාග්‍ය ය ලබයි. බොහෝ විට ස්වාමි සැප නොලැඛෙන අවස්ථාද වේ. ධනපතිනියක් වෙයි.
- සැටවක - දුක් විඳින, අසතුටින් කල් ගෙවන, කෘෘර අදහස් ඇත්තියකි. පියාට විපත්ති කරය.
- සතවක - දියුණව, සුමිහිරි බව, ධනවත් බව, දේපල වස්තුව, රන්රිදී මුතුමැණික් ආභරණ ළගාකර දේ.
- අටවක - රාක්ෂ ගති ඇත. කනවැන්දුම් වේ. අචිනීත ප්‍රවේසම් රහිත තැනැත්තියකි.
- නවවක - පව්කාරියක් වේ. ස්වාමියාට මාරාන්තික මාරක වේ. දුක් කරදර, අසහන, ඇතිවේ.
- දසවක - සතුටින් කල් ගෙවයි. ආගිය තැන ප්‍රසධානත්වය දරයි. ධන සම්පත්, සැප සම්පත් ළඟාකර දේ.
- එකොළොස් වක - දරුඵල ඇත. පතිදම් රකී. සැප සම්පත් ලැබේ.
- දොළොස් වක - දුර්භාග්යේය ඇත්තියෙකි. අන්‍යසයන්ට ගරහයි. කලාතුරකින් සැප සම්පත් ලබයි.
- තෙලෙස් වක - රන්රිදී, මුතුමැණික්, ආභරණ, වස්තු ලාභ ඇති වේ. සතුට සැපත ඇති කරයි.
- තුදුස් වක - ගෑනු දරුලාභ වේ. ඇතැම්විට ගණිකාවක් වේ. අයථා ක්‍රියාවන්ට යොමුවෙයි.
- පසළොස් වක - පිනැති දරුලාභ වේ. දියුණුව අභිවෘද්ධිය, නීරෝගී බව, ශක්තිමත් බව ගෙනදෙයි.
- අමාවක - අන්සතු වස්තුවට ලෝභ බඳින සෙරක් වේ. දරුවන්ට මාරාන්තික අඵල ගෙන දේ.
මල්වර ලග්නයට ඵලාඵල :
- මේෂ - දරුලාභ, වස්තු ලාභ වේ.
- වෘෂභ - දරුලාභ, ධනලාභ වේ.
- මිථුන - දරුලාභ, තම සහෝදරාදීන්ට අපල ඇති කරයි.
- කටක - පින්වත් පුතුන්, ධන සම්පත් ලබයි.
- සිංහ - පිනැති දරුවන්, සැප සම්පත් ලබයි.
- කන්‍යා - තම ස් වාමියාට, ඥාතීන්ට විපත්තිදායකය.
- තුලා - සැප සම්පත් ලබයි.
- වෘශ්චික - ලෙඩදුක්, දුක් පීඩා ඇතිවේ.
- ධනු - ස් ත්‍රී දරුලාභ, සතුට, සම්පත ඇති වේ.
- මකර - දරුලාභ ඇති වේ.
- කුම්භ - මව්පියන්ට අපල ගෙන දේ.
- මීන - නිතරම වරදෙහි බැදෙන, පිරිමි සේවනයෙන් කල් යවන, අධික රාගාධික තැනැත්තියකි. පිරිමි දරුලාභ බහුල වේ.
මල්වර වූ ස්ථානය අනුව ඵලාඵල :
- නිවසින් පිටදී - අනාචාරයේ හැසිරේ.
- ගවහල් හා වෙනත් සත්වගාල් - පතිදම් මනාව රකී.
- නිරුවතින් වී නම් - දුක්ඛිත ජීවිතයකි.
- ජලය සමීපයෙහි - දීර්ඝායුෂ වේ.
- ඇවිදිමින් සිටින විටදී - ගරු බුහුමන් ධන සම්පත් ලබයි.
- අන් නිවසකදී නම් - දුසිරිත්හි ඇලේ.
- තම නිවසේදී - යහපත්, සිල්වත් වේ.
- පිරිසක් අතරේදී - විළිබිය රහිත වේ.
- ස්ත්‍රීන් මධ්‍යයෙහි නම් - ධන සම්පත් වේ.
- ධන ධාන්‍ය මධ්‍යරයෙහි නම් - භව භෝග සම්පත්තිය ලබයි.
- පාළු අදුරු හුදකලා පෙදෙසකදී - තම ස්වාමියාට මරු කැඳවයි.
- සොහොනකදී නම් - අමනුෂ්‍ය දෝෂ, ලෙඩ රෝග ඇති වේ.
- පූජනීය ස්ථානයකදී - සැප නොලබන දුක් ලබන තැනැත්තියකි.
- අඩු කුල නිවසකදී - දුක්ඛිත වේ.
- නිදමින් සිටින විට - නිරෝගී වේ.
- සෙල්ලම් කරන විටදී - මද ආයුෂ වේ.
මල්වර වූ මාසය අනුව ශුභ අශුභ :
- ජනවාරි - පතිදම් නොරකියි.
- පෙරවාරි - දරුලාභ, ධනලාභ ලබයි.
- මාර්තු - නිවසට ශ්‍රීයා කාන්තාවක් බදුය.
- අප්‍රේල් - වැන්දඹුවක් වේ.
- මැයි - ප්‍රතිලාභ, ධන ලාභ වෙයි.
- ජුනි - ලෙඩරෝග බහුලය.
- ජුලි - මළ දරු උපත් වේ.
- අගෝස්තු - ධන සම්පත් වේ.
- සැප්තැම්බර් - මද ආයුෂ ඇති, ලෙඩ රෝග ඇත්තියෙකි. ස්වාමි භක්තිය නැති අභාග්‍ය වන්තියෙකි.
- ඔක්තෝම්බර් - ආගමික භක්තිය ඇත.
- නොවැම්බර් - මද ආයුෂ ඇත.
- දෙසැම්බර් - බොහෝ දරු ලාභ වේ.
මල්වර වූ කාලය අනුව ඵලාඵල :
- උදේ කාලය - දරුලාභ, සතුට, වාසනාව, සෞභාග්‍යය, දියුණුව ලබන ස්වාමි භක්තිය ඇති පින්වන්තියෙකි.
- මධ්‍යානහ්නය - දරුලාභ, ධනලාභ වෙයි.
- පස් වරුව - පතිදම් නොරකියි. පරදාර සේවනයේ යෙදේ.
- සන්ධ්‍යාත කාලය - බොහෝ පුරුෂයන් ඇසුරු කරන වෙසඟනක් වේ.
- හිමිදිරිය - පතිවත නොරකින වෛශ්‍යාවකි.
- මධ්‍යදම රාත්‍රිය - සැමියාට මාරකයි, වැන්දඹුවක් වේ.
- මධ්‍යදම රාත්‍රියට පෙර - දීර්ඝායුෂ වේ.
මල්වර අවස්ථාවේ ඇඳ සිටි වස්ත්‍රය අනුව ශුභාශුභ :
- සුදු ඇඳුමක් - ස්වාමි භක්තිකයි.
- රතු ඇඳුමක් - නිතර රෝගී වේ.
- නිල් ඇඳුමක් - වැන්දඹු වේ.
- කිලූටු ඇඳුමක් - දුක් විඳින දිළින්දියකි.
- තද ගොරෝසු දළ ඇඳුමක් - පතිදම් රකියි.
- සිනිඳු ඇඳුමක් - සැප සම්පත් ලබයි.
- කපු ඇඳුමක් - ආගිය තැන ප්‍රධානත්වය දරයි.
- දිරාගිය පරණ ඇඳුමක් - අභාග්‍යවන්තියක් වේ.
යුගදිවිය හා සම්බන්ධයෙන්ද මල්වර කේන්දරය ඛෙහෙවින් ඉවහල් වෙයි. විවාහය ප්‍රමාද වීම, අසාර්ථක වීම, ප්‍රේම සම්බන්ධතා බිඳවැටීම්, දරුඵල නොමැති වීම, අභාග්‍යය, සතුරු කරදර, අමනුෂ්‍ය දෝෂ, ලෙඩදුක්, අධ්‍යාපනයට හා දියුණුවට බාධක, මාරාන්තික මාරක යනාදී අශුභ හා ශුභවාදී කරුණු කාරණා රාශියක් මනාව පිළිබිඹු කරන කැඩපතක් වැන්නකි මල්වර කේන්ද්‍රය. මෙහි දක්වා ඇති සියලූම අශුභ කාරණා සඳහා පූජා සෙත් ශාන්ති ආගමික වත්පිළිවෙත් අප්‍රමාදව නිසියාකාරව සිදුකොට ගෙන තම සෙනෙහෙබර දියණියන් ආරක්ෂා කර ගත හැකි බවද කියා සිටිමි.
කොත්මලේ නාරද ඩී. ලියනාඅරච්චි
