සහකරු සහකාරිය ගැන හත්වැන්නෙන් දැනගන්න

හත්වැන්න අධිපතියා විවාහය ගැන බැලීමේ දී සුවිශේෂී කාර්යභාරයක්‌ ඉටුකරයි. හත්වැන්නාධිපතියා තැන්පත්භාවය අනුව විවාහ දිවියේ රස නීරසතාව පිළිබඳ යම්තාක්‌ දුරකට තොරතුරු සපයාගත හැකිය. ඒ අනුව මෙහි කියෑවෙන පලාපල එලෙසම නොවන බවද ශුභ සංයෝග, ශුභ දෘෂ්ටි ආදියෙන් ඒවා වැලැක්‌වීමද (අශුභ ඵල වෙතොත්) අශුභව තත්ත්වයක්‌ වේ නම් එය (අශුභ ඵල) ඉස්‌මතු කරවීමේ ඉඩකඩද වේ. එහෙත් සාමාන්‍ය පොදු පලාපලය මෙයයි. එක්‌ එක්‌ ලග්නයට හත්වැන්නාධිපතියා ද වෙනස්‌ වන අතර එය දැනගැනීම පිණිස මෙහි පහත සටහනක්‌ වේ. එය උපයෝගී කරගෙන ඔබගේ ලග්නය අනුව හත්වැන්නාධිපතියා කවුදැයි හඳුනාගත හැකිය. කේන්දර කොටුවේ එය එක්‌ අකුරකින් දක්‌වා තිබේ. රවි නම් ලරල වශයෙනුත් චන්ද්‍රයා නම් ලචල වශයෙනුත් යන ආකාරයට වේ. එයද මෙහි ග්‍රහයාගේ නමට ඉදිරියෙන් වරහන් තුළ ඔබගේ පහසුව පිණිස දක්‌වනු ලැබේ.

හත්වැන්නාධිපතියා ලග්නයේ නම් අධික වීර්යයෙන් යුත් කෙනෙකි. ඥනයෙන් ධනයෙන් උසස්‌ වේ. එහෙත් කලත්‍රයාට අපලයි. අන්‍ය අඹු සැමියන් කරා සිත් බඳින්නේය. විටෙක දුෂ්ට සහගත සිතිවිලිය. විවාහ දිවිය කඩාකප්පල් කරගන්නා පිහිටීමකි. හෘදය අමාරු, වාත වේදනා ඉස්‌මතු වේ. අධර්මිෂ්ඨය.
හත්වැන්නාධිපතියා දෙවැන්නේ නම් විවාහය නොපමාව සිදුවේ. නැතොත් බාල කාලයේදීම ලිංගික සැප ලබයි. විකෘති ලිංගික ආස්‌වාදයේ යෙදෙන්නෙකි. ස්‌ත්‍රීන් හේතුකොටගෙන නොයෙක්‌ ආකාරයේ කරදරද පැන නගී. වැඩකටයුතුද ඔවුන් හේතුවෙන්ම ප්‍රමාද කරගනී. උපක්‍රමශීලිය. නිතර ස්‌ත්‍රීන් ගැන සිත සිතා කාලය ගතකරන්නෙක්‌ වෙයි. අන්‍ය අඹුසැමියන් කරා යන පිහිටීමක්‌ද වන මෙය විවාහ දිවිය නීරස කරන පිහිටීමක්‌ කියතොත් වැරදි නොවේ.
හත්වැන්නාධිපතියා තෙවැන්නේ නම් ස්‌වකීය භාර්යාවට අපලයි. දරුඵල අඩුය. පිරිමි දරුවන් ලැබුණොත් මිය යන පිහිටීමකි. දියණිවරු ජීවත් වෙති. ළඟම ඥතියකු සමග නොමනා සම්බන්ධකම් ඇතිකරවන ග්‍රහ පිහිටීමකි.
හත්වැන්නාධිපතියා සිව්වැන්නේ නම් යහපත් ගති පැවතුම් ඇතිවේ. කාන්තාවක්‌ නම් පතිවත රකී. පුරුෂයකු නම් යුග දිවියේ ගූණධර්ම රකින්නෙකි. වාසනාවන්ත විවාහයක්‌ සිදුවේ. ධෛර්යමත් කෙනකු වෙයි. යහපත් වචන ඇති ධර්මයට ලැදි තැනැත්තෙකි. දන්තාබාධ ගෙනදෙන පිහිටීමකි.
හත්වැන්නාධිපතියා පස්‌වැන්නේ නම් අන්‍යයන්ගේ ගෞරවාදරයට පාත්‍ර වේ. නුවණ ඇති ධෛර්යමත් කෙනෙක්‌ වෙයි. ධන ධාන්‍යාදී සැප සම්පත්වලට හිමිකම් කියයි. යුගදිවිය සාර්ථකයි. මනුෂ්‍ය ගුණයෙන් යුක්‌ත වන අතර නිතර ප්‍රීතියෙන් කල් ගෙවයි.
හත්වැන්නාධිපතියා හයවැන්නේ නම් කම් සැප හීනයි. රෝග සහිත සහකාරයකු හෝ සහකාරියක ලබයි. කේන්ද්‍ර හිමියාද රෝගියෙකි. ලිංගික දුබලකම් ඇති කරයි. ඊර්ෂ්‍යා සහගත සිතිවිලිය. නිතර සිත කනගාටුවෙන් පිරී පවතී, ආයුෂ අඩු කිරීමට බලපාන පිහිටීමකි. බහු විවාහයටද නෑකම් තිබේ.
හත්වැන්නාධිපතියා හත්වැන්නේ නම් ධෛර්යමත්ය. උගත්ය. නමුත් අධර්මිෂ්ටය. විවාහ ජීවිතය කඩාකප්පල් කරගනී, ස්‌වකීය භාර්යාවට අපලයි. අන්‍ය අඹු සැමියන් කෙරේ සිත් අලවයි. වාත රෝගවලින් පෙළෙන්නෙකි. හෘද රෝග ඇති කරන පිහිටීමකි.
හත්වැන්නාධිපතියා අටවැන්නේ නම් නිතර දුක්‌මුසුව කාලය ගත කරයි. බිරිඳ හෝ සැමියා රෝගියෙකි. කේන්ද්‍ර හිමිකරුගේ ශරීර සනීපයටද නිතර බාධා පැමිණේ. ලිංගික දුබලකම් ඉස්‌මතු වේ. ආයුෂ අඩුය. කෙසේ වෙතත් විවාහ දිවිය නීරස කරවන ග්‍රහ පිහිටීමකි.
හත්වැන්නාධිපතියා නවවැන්නේ නම් නිතර ස්‌ත්‍රීන් කෙරේ සිත් ඇලුනේ වේ. හෙවත් නිතර හුදකලාව ස්‌ත්‍රීන් ගැන සිතන කෙනෙක්‌ වේ. ඒ හේතුවෙන් කටයුතු ද ප්‍රමාද වේ. නොයෙක්‌ කරදර ද වේ. වැඩිකල් නොගොස්‌ම විවාහයක්‌ සිදුවන අතර එය වැඩි කාලයක්‌ සාර්ථකව ගෙන යැම අසීරුය. විකෘති ලිංගික ආස්‌වාදයේ යෙදෙන්නෙකි. මෙයම දෙවැන්නාධිපති හත්වැන්නේ සිටින විටත් විවාහකාරක සිකුරු දුබලව නවවැන්නේ සිටින විටත් ඉස්‌මතු වන බවට අත්දැකීම් වේ.
හත්වැන්නාධිපතියා දහවැන්නේ නම් යුග දිවියේ ගුණධර්ම රකින්නෙකි. පහත් ක්‍රියා නොකරයි. රූප ලක්‍ෂණයෙන් යුක්‌ත කෙනෙකු විවාහයට ලැඛෙයි. අධික වීර්යයෙන් යුත් කෙනෙකි. සත්‍යවාදී ධර්මයෙහි ඇලුන කෙනෙකි. රැකියාවක නියුතු බිරිඳක්‌ ලැබීමේ ඉඩකඩ පවතී, දන්ත රෝගවලින් පෙලෙන්නෙකි.
හත්වැන්නාධිපතියා එකොළොස්‌වැන්නේ නම් විවාහයේ සාර්ථකත්වයට බාධාවකි. බහු භාර්යා සේවනයේ යෙදෙන්නන්ගේ ජන්ම පත්‍රවල මෙය දැකිය හැකිය. ස්‌ත්‍රියක වුව එසේමය. දෙදෙනා අතර නිතර ආරවුල් පැන නගී. ආත්ම දමනයෙන් තොරය. හෙවත් හැඟීම් පාලනය කරගැනීමේ අපොහොසත්ය. විවාහය බිඳවැටීමට ඇති ඉඩකඩ වැඩිය. අන්‍යයන් තමා වෙත ඇදගැනීමේ විශේෂ හැකියාවක්‌ ද පවතී, දරුඵල වෙතත් කලාතුරකින් ජීවත් වන පිරිමි දරුවන් ලබන පිහිටීමකි.
හත්වැන්නාධිපතියා දොළොස්‌වැන්නේ නම් දුක්‌බර ජීවිතයකි. දිළිඳු බවට පත්වේ. ලෝභය, වීර්යවන්ත නොවේ. ගුණමකු බිරිඳක්‌ ලැබේ. යුග දිවියේ සතුට වැඩි කලක්‌ ගෙන යැමට ඉඩ නොලැබේ. නිතර අසමගිකම් ඇතිවීම වැළැක්‌විය නොහැක. මිල මුදල් නැති නාස්‌ති කර දමයි.

ලග්නය හත්වැන්නාධිපතියා