පමාවන විවාහය ඉක්‌මනින් කරගන්න අත්දුටුම පිළියමක්
අධ්‍යාපන කටයුතු හමාර කර රැකියාවකට යොමුවී විවාහ වීමට සුදුසු වයසට පැමිණි තම දරුවන්ට යහපත් විවාහයක්‌ කරදී තමන්ගෙන් දරුවන්ට සිදුවිය යුතු යුතුකම් ඉටුකර සැඳෑ සමයේ නිස්‌කලංක දිවියක්‌ ගත කිරීම බොහෝ දෙමාපියන්ගේ බලාපොරොත්තුවකි. එහෙත් සමහර අවස්‌ථාවන්හිදී තම දරුවන්හට පවතිනා වූ විවිධ අපලකාරී තත්වයන් නිසා සිදුවන විවාහ ප්‍රමාදවීම් හේතුවෙන් බොහෝ දෙමාපියන්ට දැඩි ශෝකයෙන් කනස්‌සල්ලෙන් සුසුම් හෙළමින් දිවි ගෙවීමට ඉඩකඩ සැළසේ. එවැනි අවස්‌ථාවලදී පසුතැවිලි නොවී දෛවඥ මහතකු ලවා තම දියණියගේ පුතණුවන්ගේ ජන්මපත්‍රය පරීක්‍ෂාකරවා ඊට අදාළ ශාන්තිකර්ම සිදුකරන අතරතුර දිනපතා සවස්‌ කාලයේ උදාවන ගෝධූලි හෝරාවෙන් (මෙය දිනපතා සවස හිරු බැසීමට විනාඩි 12 කට ප්‍රථම හා හිරු බැස ගොස්‌ විනාඩි 12 ක්‌ යනතුරු පවතී) පළමුව බදුරජාණන් වහන්සේ වෙනුවෙන් මල්, පහන්, පැන්, සුවඳදුම් පූජා කර වන්දනාමාන කර සෙත්පිරිත් සඡ්ඡායනය කර දෙවියන්ට පිං අනුමෝදන් කරන්න. අනතුරුව දුර්ගා මෑණියන්, කතරගම දෙවියන් පත්තිනි මෑණියන් ඇතුළු දේවතා මණ්‌ඩලයේ සියලු දෙවියන් උදෙසාද තිර වැඩි ප්‍රමාණයක්‌ යොදා දැල්විය හැකි කුඩා පිත්තල පහනකට එළඟිතෙල්, අබ තෙල්, තල තෙල් මිශ්‍රකර දමා දල්වා නිල්, කහ, රතු, සුදු ආදී විවිධ වර්ණයෙන් යුතු මල් සමඟ සුවඳ දුම් පූජාකර පහත සඳහන් ස්‌තෝත්‍රය 21 වර බැගින් ගායනා කර තම දරුවාට බලපාන්නා වූ විවාහ බාධාව දුරුකර යහපත් විවාහ දිවියක්‌ ගතකිරීමට අවශ්‍ය පසුබිම සලසා දෙන මෙන් ඉල්ලා සිටින්න.
රක්‍ෂ රක්‍ෂ ජගත් මාතා දේවි මංගල චණ්‌ඩිකේ
හරිකේ විසදං රාසෝ පරිස්‍ය මංගල කාරිකේ
හර්ෂ මංගල දක්‍ෂේච හර්ෂ මංගල දායිකේ
ශුභේ මංගල දක්‍ෂේච ශුභේ මංගල චණ්‌ඩිකේ
මංගලේ මංගලාර්සේව සර්ව මංගල මංගලේ
සදා මංගල දේ දේවි සර්වේ සාං මංගලාලයේ
පූජ්‍යෙ මංගල කාරේච මංගලා භිෂ දේවකේ
පූජ්‍යෙ මංගල භූපස්‌ස මනුවංසස්‍ය සංතතං
මංගලාධීර් ශාන්තදේවි මංගලා නාංච මංගලේ
සංසාර මංගලාධාරේ මෝක්‍ෂ මංගල දායිනී
රේව මංගලාධාරේ සාරේච සර්ව කර්මනං
ප්‍රතිමංගල වාරේව පූජ්‍යෙ මංගල සුඛෙඃ ප්‍රදේ
මෙම අත්දුටු අති ප්‍රබල ස්‌තෝත්‍රය පන්සිල් රකිමින් නිර්මාංශව ඉතා භක්‌තිමත්ව හැකිතාක්‌ දුරට අක්‍ෂර හා වචන නොවරදවා ගායනා කිරීමෙන් ඔබේ දරුවාගේ විවාහ ප්‍රමාදය වළක්‌වා යහපත් විවාහයකට මග සැළසෙනු ඇත.
ජ්‍යොතිෂවේදී රංජන් සිසිර කුමාර
උපුටා ගැනීම දිවයින පුවත් පත
විවාහය පුද්ගලයකුගේ උපතේ සිට මරණය දක්වා අතර කාලය තුළදී සිදුවන සුවිශේෂි සිදුවීමකි. එහෙත් දහසක් බලාපොරොත්තු පොදි බැඳගෙන ඉතා උත්කර්ෂවත් ලෙස උත්සව...
මෙලොව උපත ලබන ස්ත්‍රී පුරුෂ දෙපක්ෂයම සුදුසු වයසට එළඹීමත් සමඟම විවාහයට පා ඔසැවීමට සිහින මවයි. සමහරු විවාහ අපේක්ෂාවෙන් ප්‍රේම සබන්ධතා ගොඩනගා...
කේන්ද්‍රයක ග්‍රහ පිහිටීම් දෙස බලා ප්‍රතිඵල ප්‍රකාශ කිරීම ලේසි පහසු කාරණයක්‌ නොවේ. ඇතැම් විට ජ්‍යෙතිෂඥයා මුළාවට පත්විය හැකිය. එවිට සිදුවන්නේ සාවද්‍ය...
ඔබට මේ ගත වෙන්නේ තදබල අපල කාලයක් නම් ඒරාෂ්ටක අපල කාලයක් නම් මෙම කාලයේ විවාහ වෙන්න හොඳ නැහැ. ඔබගේ හෝ ඔබගේ...
නම ඇසූ පමණින් ජන්මීන් බියවන සෙනසුරු ග්‍රහ වස්තුවක් ලෙස අර්ථකථනය කළ හැකිය. සෙනසුරුගේ කිසිම තෙතමනයක් දක්නට නොලැබේ. ඝනත්වයෙන් සහ බරින් අඩු...
කේන්දරයක විවිධ යෝග පිහිටීම් දක්නට ලැබේ. ඒ ඇතැම් යෝග ජන්මියාට වාසනාව කරපින්නාගෙන එන ග්‍රහ සම්බන්ධතාවයක් බව ජ්‍යොතිෂයේ මනාව සඳහන් වෙයි. එහෙයින්...
