දුකට අධිපති සෙනසුරු ඔබේ ජීවිතයට සැපත් උදා කරනවා...
සෞරග්‍රහ මණ්‌ඩලයේ දුකට අධිපතියා වශයෙන් විරුදාවලිය ලද සෙනසුරු ගැන නම ඇසූ පමණින් ඕනෑම කෙනෙක්‌ බියට පත්වේ. මෙම ග්‍රහ වස්‌තුව නියගකාරී ග්‍රහකාරකත්ව ගුණයෙන් නපුංශක පාපයෙක්‌ වන අතර ග්‍රහ වස්‌තූන් අතර නෛශර්ගික ගුණය ඇති වරදට දේව නියමය පරිදි නිසි දඬුවම් මිනිසාට උරුම කරුම කරන ග්‍රහයෙකි. තවද සෙනසුරුගෙන් බේරී නරක වැඩ පව්කර ගැලවීමක්‌ ඔහු නොදෙයි. එයට හේතුව ශනි ඇති නැති කරන, නැති දේ ඇතිකරන ග්‍රහයෙකි. මිනිසාගේ ආත්ම පැවැත්මේ ජීවිත රටා බොහෝ ඉක්‌මනින්ම වෙනස්‌ කරන රජ පුටුව මිනිසුන්ට අහිමිකර පාරේ හිඟාකන තත්ත්ව ඇති කිරීමට මූලික වන ඔහු මහලු කොර ගසන හැරමිටියක්‌ අතේ ඇති කපුටෙක්‌ වාහනය කර ගනිමින් ඔහු පිට නැග ගමන් යන කකුලේ දද, කුෂ්ට, කඩුවේගන්ද ඇති අයෙක්‌ද වෙන අතර දුක, ශෝකය, මරණ, මිනී, සොහොන් පිටි, පිළිකා, වණ, කුෂ්ඨ, ලෝහ, ලවන, ඛණිජ වස්‌තු යනාදියට ඔහු නෑකම් කියයි. සෙනසුරුගේ දරුණු ගතිය ඉස්‌මතු කර පෙන්නා ග්‍රහ මණ්‌ඩලයේ සෙනසුරුගේ වීර වික්‍රම බලය දසත පතුරා, සෙනසුරු බුදු පියාණන් වහන්සේට දුක අවබෝධ කර දීමට, දුෂ්කර ක්‍රියා කිරීමට, බුදු පියාණන්ට වැඩ ද සෑදූ සේක. විෂ්ණු දෙවිදුන්ට අවු 7 ක මාරක ඒරාෂ්ටක කාලයක්‌ තුළ ඇතෙක්‌ වී, කැලේට ගොස්‌ බට කොල කෑමට වැඩ සැදූ සේක. ගණ දෙවියන් පමණක්‌ සෙනසුරු ඒරාෂ්ටකයෙන් බේරුනු සේක. ඔහු සෙනසුරු ඒරාෂ්ටකයෙන් බේරුණේ මාලිගා වේ ඉස්‌සරහ දොරේ සෙනසුරු ලබන්නේ අද නොවේ, හෙට යනුවෙන් ලියා තබමින්ය.
මෙම කථාව දිගය. ඒ ගැන කරුණු කෙටියෙන් මම ඔබට මතක්‌ කර දුනිමි. මොහු අද්භූත ජනක ගතිගුණ ඇති වාතයට, පිතට, සෙමට අධිපති වන අතර පඨවි වායු රාශිවලට නායකත්වය ද වාතය, පිතට අධිපති කමද දරයි. මොහුට රාශි වළල්ලේ මකර කුම්භ රාශි දෙකට අධිපතිකම මොහු විසින් දරයි. ඒවාගේම ග්‍රහ මණ්‌ඩලයේ ග්‍රහයින් නම දෙනාගෙන් නීතිය අකුරට ක්‍රිියාත්මක කරන ලෞකික ජීවිතේ පිළිකෙව් කරන, ලෝකෝත්තර සැපත අගය කරන ග්‍රහයෙක්‌ වන අතර මිනිසාට ජීවිතේ දුකද, දුකේ සත්‍ය වූ යථාර්ථය අවබෝධ කිරීමද මොහු විසින් සම්පාදනය කර මිනිසාට ගෙන දෙවනු ලබයි. තවද සෙනසුරු රාශි වළල්ලේ එක රාශියක්‌ තුළ අවු. දෙකයි මාසයක්‌ සිටී, එම කාලවල ඔහුට හිමි මිත්‍ර රාශී තුළදී ජන්මියාට අනේක විධ සැප සම්පත් උදාකර දීමද සතුරු රාශිවල ගමන් කිරීමේදී ජන්මියාගේ දේපළ, ඉඩකඩම්, වස්‌තු ලාභ, විවාහය කැඩීම් අවුල් වියවුල් කිරීම් පිළිකා වකුගඩු රෝග සෑදීම්ද ඇති කරන අතර රජගෙදරින් මිනිසා හිඟාකන හිර ගෙදරට යෑවීමද අතපය කකුල් කැඩීම්ද සිදුකරවන අතර, නිධන් ගත සුවකර නොහැකි ලෙඩ සෑදීම්ද ඇති කරයි. දෙමව්පියන්ගේ, සහකරුගේ, සහකාරියගේ මරණය සිදුවීම දරුවන්ගේ මරණද, සෙනසුරුගේ මහ දශා අන්තර් දශා විද්‍යාතුල ජන්මියාට දුකම උරුම කර දේ. තවද මොහුට හිමි අවු. 7 1/2 ක ඒරාෂ්ඨක කාලය තුල දුකින් මිනිසා පරිපීඩනයට අසුකර මරණය ඇති කිරීම හෝ මිනිසාව නොමරා මරන්නේත් සෙනසුරු විසිනි. ග්‍රහ මණ්‌ඩලයේ ග්‍රහයින් සමග සංසන්දනය කිරීමේදී සෙනසුරුගේ ගති පැවතුම් ගැන සරාවලිය, වරාහ මිහිර, නාරද සංහිතා, වෞහන් සංහිතා දෙවඥ්ඥම ෙනුව, දෛව වල්ලභායා යන පොත්වල ඔහු ගැන වටිනා විස්‌තර ප්‍රකාශ කර ඇත. සෙනසුරු මට ලැබුවා. මාව නැති කෙරුවා, සෙනසුරු මට මාරකයි කියා ජ්‍යොතීර්ෙවීදීන් කියනවා, තවද මගේ දේපළ ඉඩකඩම් නැතිකෙරුවා. මගෙ දරු පවුල් නැති කෙරුවා. මම හිරේ ගියා. මගේ අතපය කකුල් කැඩුවා යයි කියන මිනිසුන් රටේ කොතෙක්‌ ඇද්ද? සෙනසුරු ලැබුවා එහෙනම් මම ඉවරයි. මරණයත් ළඟයි කියන අයද සිටිති. එතරම්ම වැරදි කරන මිනිසුන් ඔවුන්ට හරියාකාරව දඬුවම් ගෙන දෙවන නිසා සෙනසුරුට භයය. සෙනසුරු ලෞකික ජීවිතේ සැප ඉවතලා ලෝකෝත්තර ජීවිතේ සැප මිනිසාට තදින්ම අවබෝධකර දෙවන ග්‍රහ මණ්‌ඩලයේ සිටින කදිම ග්‍රහයෙකි. ජීවීතයක ගෑණුන් ගණිකා වෘත්තිවල යෙදෙමින් නරක වැඩ, කුඩු ගැසීම් කරමින් ජීවත්වීමද, කරන අතර පිරිමින් රා අරක්‌කු, මත්පැන් බොමින්, සොරකම් මිනී මැරුම් මං පැහැරීම් කරමින් දිවි ගෙවන විට සෙනසුරුට හිමි මහ දශාවක්‌ ලැබූවිට කරපු වැරදිවලට සෙනසුරු දඬුවම් දී එම අය පන්සල වෙතට යවමින් එම අයට කරපු වැරදි පෙන්වා දෙමින් දහමක ඇති සත්‍ය පෙන්වා එම අයට ආත්ම සංයමය ඇතිකර මිනිසා හොඳ මඟට ගන්නේත් සෙනසුරරු විසිනි. එනිසා සෙනසුරු ලැබුවාම නරක යෑයි ඔබ කියන්නේ කෙසේද? තවද සෙනසුරු ලබා වට තුනක්‌ තුල ඒරාෂ්ටකයකදී මිනිසෙක්‌ පළමු වටයෙන් හෝ දෙවැනි වටයෙන් ජීවිතය බේරා ගත්තත් 3 වැනි වටයේදී සෙනසුරු පුද්ගලයාව මරණය කරා ඇද දමයි. අංශභාග ලෙඩ සැදී, මල මුත්‍ර බුදියන ඇඳන් උඩම හෙලමින් නොකා නොබී ඉන්නට අසාධ්‍ය වූ ලෙඩ සාදමින් මිනිසාට දුක දෙන්නේද සෙනසුරුය. ඔහු අනිවාර්යෙන්ම වරදට සමාව නොදෙන ග්‍රහමණ්‌ඩලයේ සිටින ග්‍රහයා වේ. මොහුට හිමි මකර, කුම්භ රාශි තුළදී දිග්බල ලැබුවොත් මොහුට බස්‌නාහිර පළාත අයිති කියා සුවිශේෂ වූ වැඩ රැසක්‌ ග්‍රහ බල මත ඔහු විසින් ක්‍රියාවට නගයි. තවද මොහු උච්ච වන තුලා රාශියේදී මඩ සෝදා ගත්කළ ගොවියා රජකමට සුදුසුයි කිව්වා සේ මොහු දිළිඳු අන්ත අසරණයන්ට රජ සැප ගෙන දීමටද රජ ගෙදර හිඟන්නා නොසැලකිලිමත් නොවේ. තවද මොහුට මිත්‍ර මිථුන, වෘෂභ, කන්‍යා ධනු රාශි තුළදීද, ජන්මියාට අනේක විධි ශුභ ඵල ඔහුගේ දශා තුළදී උදාකර ජන්මියාට දෙයි. රවිගේ පුත් ලෙස විරුදාවලිය ලද සෙනසුරු චන්ඩාල කුලයට අයිති ග්‍රහයෙකි. සෙනසුරු, අඟහරු සමඟ සංයෝග වීමෙන් ශනි මංගල යෝගය උදාවේ. මෙම මංගල යෝගයේ විශාල බලයක්‌ ගොඩනැගුණත් රවි, ගුරු, බුද, කුජ, කේතු, රාහු වැනි ග්‍රහයන් උපතේ බලවත්ව ඔබේ කේන්දරයේ යෙදී නොතිබුණොත්, ශනි මංගල යෝගයේ විශේෂ වාසනා උදා කිරීම ගෙන දී විවාහය නිසා දික්‌කසාද, වෙන්වීම්, කරදර ඔබට ගෙනදෙවයි.
සෙනසුරු උත්පත්ති කේන්දරයක වර්ගෝත්තම පල ලබා මකර කුම්භ ලග්න වලින් ඉපදුණු අයට සෙනසුරුගේ බලය මත රන්, රිදී, මුතු, මැණික්‌ වාසනාවන්ත විවාහ සිද්ධ වීම්ද පිංවත් දූ දරුවන් ලැබීමද යාන වාහන, ගෙවල් දොරවල් ලැබීම් දැසි දැස්‌සන් ලැබීම්ද, ගෙන දෙවයි. ලංකාවේ ප්‍රසිද්ධ දේශපාලන නායකයන්ට සෙනසුරු මහ දශාවද, සෙනසුරු ඒරාශ්ටක ලබා ලංකාවේ දේශ අංශවල ජනනායකයන් වෙමින් රට පාලනය කරපු අයුරුද අපට මතකයේ ඇත. ඒ අය ඩඩ්ලි සේනානායක, සිරිමාවෝ බණ්‌ඩාරනායක, ඡේ. ආර්. ජයවර්ධන, ආර්. ප්‍රේමදාස, චන්ද්‍රිකා බණ්‌ඩාරනායක යන අය වෙති. මෙම නිදර්ශන මතින් ගෙනහැර දැක්‌වීමේදි දුකට අධිපති සෙනසුරු මිනිසාට දුකම නොදේ. දුක සේම ඔහු ගුරු, සිකුරු, බුද, සඳු යන ශුභයින්ගේ මිනිසාට සැපද උදාකරන බව ජෝතීර්සිද්ධාන්ත මතින් ද පෙන්වා දී ඇත. එනිසා සෙනසුරු ලැබුවාය කියන මානසික වශයෙන් සිත කලකිරී පිස්‌සු හදාගෙන අංගොඩ නොගොස්‌ බුදුපියාණන් පෙන්නුව සම්‍යදෘෂ්ටි මෙනෙහි කර බුදු දහම අනුව ඔබ දිවි ගෙවන පස්‌පව් දස අකුසල්වලින් බැහැරව ජීවත්වන අයෙක්‌ නම් ඔබට සෙනසුරුගෙන් දුක නොව සැප උදාවීම ඒකාන්ත වේ. සෙනසුරුගේ ආශ්චර්යමත් ග්‍රහ උදාව තුළ ඔහු විසින් මිනිස්‌ මානව වර්ගයාට ගහ කොළ තුරු ලතාවලට ඔහුගේ ආකර්ශණ, විකර්ශණ වාතධික පඨවි ගුණය උද්දීපනය කිරීම ශුභ සහ අශුභ ක්‍රම දෙකින්ම එකට ක්‍රියාත්මක කරයි. තෙත් ගුණයක්‌ නොමැති වියළි ස්‌වභාවයක්‌ ඔහුගේ ග්‍රහ ආකර්ෂණ විකර්ශණ බලය ක්‍රියාවට නැඟේ. මිනිස්‌ ජීවිතවලට හරි දැක්‌ම හරි කල්පනාව හොඳ නරක මිනිස්‌ ජීවිතවලට වටහාදීමේදී සෙනසුරු එයට ආත්ම පාලන සංයමයක්‌ දී මිනිසාට වැරදි මඟ යන්ට නොගෙස්‌ හරි මාර්ගයට ගනී. මෙතනදී අපි දැනගතයුතු සෙනසුරුගේ වැදගත් වූ කාරණාවක්‌ ඇත. එනම් ඔහුට හිමි මකර රැස තුළදී ලෞකික ජීවිතේ සැපතට මිනිසා ගිජුකොට ලෝකෝත්තර බලය සුණුවිසුණු කර දමන සැටිත් ඔහුට හිමි කුම්භ රාශිය තුළදී මිනිසාට පරිත්‍යාගශීලි උපාය ක්‍රම දත් පරහිතකාමි දැයට ආගමට ජාතියට තදින් හිතවත් දුකට නිතර පිහිට වන මිනිසෙකු බිහිකිරීම අනිවාර්යෙන්ම ඔහු සිදුකරයි. මේ ලෙසින් සෙනසුරුට හිමි මකර කු}ම්භ රාශි දෙක තුළදී සෙනසුරුගේ ක්‍රියාකාරි ගුණය සෙනසුරු, මකර, කුම්භ, ලග්න හිමියන්ට දෙයාකාරයෙන්ම ගෙන දේ. සෙනසුරු බුද, ගුරු, කේතු, කුජ, සිකුරු යන ග්‍රහයින් උපන් ජන්ම කේන්දරවල බලවත් වී උපත ලද මහා සංඝයා බහුශ්‍රැත පඬිවරුන් ධර්මය ගැන මනා පරිශීලනය කෙරූ ධර්මධර, විනයධර උගත් භික්‌ෂූන් වහන්සේලාද මෙලොවට බිහිවූයේද, ඔවුන් ශීල, සමාධි, ප්‍රඥා විඥානය ප්‍රගුණ කළේද සෙනසුරු උපතේ අනිත් ග්‍රහයන් සමඟ බලවත්ව සිටි ආකාරය අනුවය. සසර කලකිරී ජීවිතේ අනිත්‍ය මෙනෙහි කර සිද්ධාර්ථ කුමරුන් ලොව්තුරු බුද්ධත්වය ලැබුවේද අමාමහ නිවන් ලැබීමට සසර මඟ කෙටි කිරීමටද එය ක්‍රියාත්මක කිරීමට ඉවහල් වූයේද සෙනසුරු ග්‍රහයා බවද ඔබට මතක්‌කර දිය යුතුය. එනිසා මෙම නිදර්ශන රැසක්‌ ඔබට පෙන්වා දුන්නේ සෙනසුරු හොඳ නරක දෙක ගැනය. එනිසා සෙනසුරු උපතේ ඔබේ ජන්ම පතේ බලවත්ව යෙදී ඇති අයුරු අනුවද ඔහු ලැබූ ශුභ අශුභ යුග බලකාරකත්ව අනුව ඔහුුගෙන් ඔබට ශුභ අශුභ පල උදාකර දෙයි.
දිවුලපිටියේ එන්. ජී. පියසෝම
උපුටා ගැනීම දිවයින පුවත් පත
