ඉන්ජිනේරුවෙක් බඳින්න වාසනාව
යෞවනයේ පසුවන සියලු දෙනාගේම එකම අපේක්ෂාව යහපත් විවාහයක් කරගැනීමයි. සමහර තරුණ තරුණියන්ගේ විවාහය ඔවුනොවුන්ගේ හඳුනා ගැනීම මත සිදුවන අතර ඇතැම් අයගේ විවාහය යෝජිතව සිදුවෙයි. මේ අතර සදහටම යුග දිවිය අහිමි අයද සිටිති. තරුණ වියේ පසුවන ඔබ ඔබගේ විවාහය පිළිබඳ තොරතුරු දැනගැනීමට මහත් උනන්දුවක් දක්වයි. ඔබගේ ජන්ම ලග්නය අනුව ලබන සහකරු හෝ සහකාරිය ගැන තොරතුරු ඔබට මෙතුළින් අනාවරණය වෙයි. යම් අයකුගේ විවාහය පිළිබඳ තොරතුරු ජන්ම කේන්දරයේ හත්වැන්න තුළින්ද චන්ද්‍රයාගෙන් සහ සිකුරුගෙන්ද හත්වැන්න තුළින්ද විමර්ශනය වෙයි.
- කුම්භ ලග්න හිමියන්ගේ හත්වැන්න සිංහ රාශියයි. සිංහයට අධිපති ග්‍රහයා රවි ග්‍රහයා වන අතර හත අධිපති හත්වැන්න තුළ නම් ඔබ ලබන අය එඩිතර කාර්යශූර අයෙකි. පෙනුමෙන් තේජවන්ත බවක් පෙන්වයි. තරමක් අහංකාර හා ආඩම්බර ගතියද ඇත. කෙසේ නමුත් යුක්තිගරුකව කටයුතු කරයි. ඔබ පුරුෂයකු නම් ඔබ ලබන සහකාරිය ඔබට වඩා උසින් වැඩි අයකු විය හැකියි. ස්ථීර රැකියාවකට හිමිකම් දරයි. තරමක් උෂ්ණ රෝග ඇති අයෙකි.
- හත අධිපතියා අටවැන්න තුළ නම් දැනීම, බුද්ධිය ඇති අයෙකි. කලබලකාරී ගතිවලින් තොර බුද්ධිමත්ව සිතා කටයුතු කරයි. සමහරවිට ආයු බල අඩු අයකු විය හැකියි. සුව කළ නොහැකි රෝගයක් ඇතිවීමට ඉඩකඩ පවතී. ඔබට වඩා පිටස්තර අය කියන දේවල් විශ්වාස කරයි. අන් අයගේ කේලාම් මුසාබස්වලට රැවටෙයි. බුද්ධිමත් වුවත් දුරදිග නොබලා කටයුතු කරන අවස්ථාද ඇත.
- හත අධිපතියා නවවැන්න තුළ නම් විනෝදයට ප්‍රියකරන නිතරම විනෝදයෙන් ජීවත්වන අයෙකි. යානවාහන ලබයි. නිතර පිරිසුදුව සිටීමට කැමැත්තක් දක්වයි. අතමිට දිගහැර වියදම් කරන අවස්ථාද ඇත. ධාර්මිකව ධනය උපයන අතර විදේශගත රැකියාවලට හිමිකම් දරයි. අසල්වාසීන් සමඟ ඉතාමත් මිත්‍රශීලීව කටයුතු කරයි.
- හත අධිපතියා දහවැන්න තුළ නම් ඉන්ජිනේරු අංශය, ආරක්ෂක අංශ හා කාර්මික ක්‍ෂේත්‍රවල රැකියාවක නිරත අයකු විය හැකියි. තරමක් කේන්ති යන ස්වභාවය ඇති කරයි. ඉක්මන් ගතිය නිසා කලබලකාරී වැඩවලට යොමුවිය හැකියි. ස්ථිර රැකියාවකට හිමිකම් දරන මෙම අය කම්මැළිකමෙන් තොරව කටයුතු කරයි.
- හත අධිපතියා එකොළොස්වැන්න තුළ නම් ව්‍යාපාර අංශවලට යොමුවෙයි. මුදල් ඉපයීමට දක්ෂයි. ධනවතකු වුවත් මුදල් උපයන්නේ ඉතාමත් ධාර්මිකවයි. උස, මහත ශරීරයක් හිමි අයෙකි. පිරිසක් අතරේ ප්‍රධානත්වයක් උසුලන මෙම අය සමාජ සේවය කරන අයෙකි. නිතරම ධනාත්මක සිතුවිලි ගොඩනඟාගෙන එදිනෙදා කටයුතුවල නිරත වෙයි.
- හත අධිපතියා තුළ නම් ඔබගෙන් දුරස්ව සිටීමට පුළුවන. විවාහ වුවත් වැඩි කාලයක් දුරස්ථව සිටී. තරමක් කම්මැළිකමෙන් යුක්ත වන අතර අදට නියමිත වැඩ කොටස හෙටට කල් දමන සිරිතක් ඇත. නිතර පිරිසුදුව සිටීමට කැමැත්තක් නොදක්වයි. රෝගයක් ඇතිවුවොත් ඉක්මන් සුවය නොලබයි.
- හත අධිපතියා ලග්නය තුළ නම් වැඩ කිරීමට ඉතාමත් දක්ෂ අයෙකි. වැඩකට මුල පිරුවොත් එහි අවසානයක් දක්වාම කරයි. මහන්සි වී මුදල් උපයයි. පිරිවර සම්පත් ලබන අයෙකි. තමන්ගේ මතයට අනුව වැඩකරන අතර තමන්ගේ අදහස්වලට ගැළපෙන අයෙකි.
- හත අධිපතියා දෙවැන්න තුළ නම් ඔබගේ හිමිකරු හා හිමිකාරිය ධනවත් අයෙකි. ස්ථිර තැන්පත් මුදලක් නිතරම ළඟ ඇති රජයේ ස්ථිර රැකියාවකට හෝ ව්‍යාපාර අංශවලට යොමුවෙයි. නිතර කතා කිරීමට දක්ෂයෙකි. තර්කානුකූලව ප්‍රශ්න විසඳීමේ හැකියාවක් පවතින මෙම අය හැඩි දැඩි ශරීරයක් හිමිය. හත අධිපතියා තෙවැන්න තුළ නම් සමාජයේ ප්‍රසිද්ධියක් උසුලයි. කිසිවකුට යටත් නොවන එඩිතර ගති ඇති නිර්භීත අයෙකි. සමහර අවස්ථාවලදී සීමාව ඉක්මවා කටයුතු කරයි. දේශපාලන ක්‍ෂේත්‍රවලට යොමුවුවොත් එහි කැපීපෙනෙන චරිතයකි. ප්‍රසිද්ධිය උදෙසා ඕනෑම කටයුත්තක් කරන අතර සමාජය තුළ කැපීපෙනී සිටීමට උත්සාහ දරයි.
- හත අධිපතියා සිවුවැන්න තුළ නම් යානවාහන ලබන අයෙකි. ගේ‍ෙදාර ඉඩකඩම් ලබයි. යානවාහන පිළිබඳ ව්‍යාපාරවලට රැකියා අංශවලට යොමුවෙයි. තමන්ගේ තත්ත්වය ආරක්ෂා කර ගෙන කටයුතු කරයි. පවුල් ජීවිතය තුළ ආලය, ආදරය ගැන ගැඹුරින් සිතන නිසා ප්‍රශ්න ඇතිකර ගනී. තම බිරිය හෝ සැමියා පිළිබඳ නිතර සැකයෙන් බලයි.
- හත අධිපතියා පස්වැන්න තුළ නම් ඉගෙනීමට දක්ෂ නිතර පොත්පත් කියවීමට කැමැති අයෙකි. මුළු ජීවිතය පුරාම යමක් ඉගෙන ගැනීමට උත්සාහ දරයි. බුද්ධිමත්ව සිතා කටයුතු කරයි. ලිපිලේඛන ආශි්‍රතව රැකියාවක හෝ කුඩා ව්‍යාපාර ආශි්‍රතව රැකියාවක නිරතවිය හැකියි. තමන්ගේ උගත්කම අන් අයට බෙදාදීමට දක්ෂයෙකි. බිරිය හෝ සැමියාට අවංකව ආදරයක් දක්වයි.
- හත අධිපතියා හයවැන්න තුළ නම් ඉතාමත් රූමත් අයෙකි. සියුමැලි සිතුවිලිවලින් යුක්තයි. ජලයට ප්‍රිය කරන අතර සුරතල් සතුන්ට කරුණාව දක්වයි. ඥාතීන් සමඟ ඉතාමත් සුහදශීලීව කටයුතු කරන මෙම අය ඔවුන්ගෙන් උදවු උපකාර ලබයි. සුළු දේටත් සිත කම්පා වන අතර සැරපරුෂකමින් තොරව ජීවිතය ගෙවයි.
ජේ‍යාතිර්වේදී සරත්චන්ද්‍ර බෝතලාගේඋපුටා ගැනීම මව්බිම පුවත්පත
