කුසලය පලදෙන්න නිවස සාදාගන්න
මේ ලෝකයේ ජීවත්වන මිනිසුන්ගෙන් ගෘහයක හිමිකාරිත්වය ලැඛෙන්නේ යම් කිසි කොටසකට පමණයි. තමාගේම කියා ගෙයක් දොරක් සාදා ගැනීමේ සිහිනයක් තිබුණද, එය ඉටුකර ගැනීමට හැකියාව ලැඛෙන්නේ අතළොස්සකට පමණි. කුලී නිවාසවල, හිතවතුන්ගේ නිවාසවල මෙන්ම මහ පාර හා පදික වේදිකාව තම වාසස්ථානය කරගත් කොතරම් පිරිසක් මේ ලෝකයේ සිටිනවාද? තමන්ගේම කියා නිවසක හිමිකාරිත්වය ලැඛෙන්නේ අතළොස්සකට පමණි. ඒ සඳහා කුසල් තිබිය යුතු බව ආගමික දර්ශන තුළින් ද කියා දී තිඛෙනවා. වාස්තු ශිල්පය නමැති සෘෂි දහම තුළ ද තමාගේම ගෘහයක් පරිහරණය කිරීම සඳහා කුසල් තිබිය යුතු බව පෙන්වා දී තිඛෙනවා. එහෙත් නිවසක් ලැබීමට වාසනාව තිබුණ ද එම නිවස වාස්තු දෝෂවලින් තොර කර ගැනීමට ද වාසනාව තිබිය යුතුයි. මෙම ලිපියෙන් ඔබට පෙන්වා දීමට උත්සහ ගන්නේ ගෘහයක් යහපත් වර්ග අඩි ප්‍රමාණයකට බලගන්වා ගැනීම සහ එහි ඇති වැදගත්කම පිළිබඳව අවධානය යොමු කිරීමයි.
වාස්තු විද්‍යාවේදී ගෘහයක වර්ග ක්ෂේත්‍රය මූලික වාස්තු මූලධර්මයක් ලෙස පෙන්වා දී තිබේ. මේ තුළින් සිදුවන්නේ ආකාශ ධාතුව තුළ පඨවි, ආපෝ, තේජෝ, වායෝ යන මූල ධාතුන් එක් වූ විට ඒ තුළින් ජනිත වන්නා වූ තත්ත්වය පිළිබඳව තීරණය කිරීමයි. මෙහිදී නිවසේ නැකත හා ගෘහ හිමියාගේ ජන්ම නැකතට ගැලපෙන වර්ග ක්ෂේත්‍රයක් ගලපා ගැනීම සිදු කළ යුතුම දෙයකි. මේ තුළින් නිවස හා ගෘහ හිමියා අතර පවතින සම්බන්ධයේ යහපත් හා අයහපත් බවේ තරම කුමක්ද යන්න පිළිබඳව පෙන්වා දෙනු ලැබේ. සෑම ගෘහයක්ම සෑදීමේදී එම ගෘහයට යටවන සැබෑ භූමි ප්‍රමාණය එම ගෘහ හිමියාගේ ජන්ම ශක්තිය සමඟ එකඟ කළ යුතුයි. එයින් සිදු කරන්නේ ගෘහයේ ශක්තිය හා ගෘහ හිමියාගේ ශක්තිය අතර යහපත් අනුපාතයක් ලබා ගැනීමයි. මෙය නිවසක වර්ග අඩි ප්‍රමාණය යහපත් ලෙස සිහුම් කිරීම ලෙස වාස්තුවේදී හඳුන්වනු ලැබේ. යහපත් වර්ග අඩි ප්‍රමාණයන් බල ගැන්වීම මෙහිදී අප මූලිකවම මතක තබා ගත යුතු දෙයක් ඇත.
නූතනයේදී ගෘහයක වර්ග ක්ෂේත්‍රය පිළිබඳව විමසා බලන ක්‍රමය ප්‍රායෝගිකව නොවන බව කිව යුතුය. සමචතුරස්‍රාකාර හෝ සෘජුකෝණාස්‍රාකාර නිවාස සඳහා නිශ්චිත දිගක් හෝ නිශ්චිත පළලක් ලබා දී ගෘහයේ දිග පළල ලබා දිය හැකිය. එහෙත් නූතන නිවාසවල පවතින විවිධ හැඩතල කියා නිශ්චිත දිග පළල ලබා ගැනීමේදී ප්‍රායෝගික ගැටලු ඇත. මේ නිසා අප යොදා ගත යුතු වාස්තු ශිල්පීය ක්‍රමය වන්නේ නිවසට යටවන භූමි ක්ෂේත්‍රයේ වර්ග වඩු රියන් ප්‍රමාණය නිවැරැදිව ගණනය කිරීමයි. ඒ අනුව නිවසේ වර්ග වඩු රියන් ප්‍රමාණය අනුව නිවසේ බලය නැත්නම් නිවසේ ගරාජය හෝ වැරැන්ඩාව එකතු කරනු නොලැබේ. එසේම නිවසටම සම්බන්ධ එහෙත් පිටින් ප්‍රවේශ වන ගබඩා කාමරය හෝ වැසිකිළි ආදිය ද එකතු නොවන බව මතක තබා ගත යුතුයි. ඔබගේ දැනට තිඛෙන නිවසේ වර්ග අඩි ප්‍රමාණය නිවැරැදි විටක නව කොටසක් එක්කර ගැනීමේදී අත්තිවාරමට රිජිෆෝම් ආදිය තබා අත්තිවාරම සම්බන්ධ නොකොට නිවසට කොටසක් එක් කිරීම සුලභව දක්නට ලැබේ. එහෙම කළාට නිවසේ ඇතිවන සම්බන්ධතාව ඉවත් නොවේ. එම කොටස නිවසේ වර්ග ක්ෂේත්‍රයට එකතු වන බව දත යුතුයි. වහලය හා බිත්ති නිවස තුළ තිඛෙන සියලුම විශ්ව තරංග ආදී සියලු දේවල්වල සම්බන්ධයක් ඇතිවන අතර අත්තිවාරම වෙන් කළාට එය වෙනස් නොවේ. සිදුවන එකම දෙය නම් කල් යැමේදී අත්තිවාරම බැසීම ආදී අපහසුතාවන්ට මුහුණ දීමට සිදුවීම පමණයි.
ඔබගේ නිවසේ වර්ග ක්ෂේත්‍රය බල ගැන්වීමේදී ගෘහ හිමියාගේ ජන්ම නැකත සමඟ මෛත්‍රී, පරම මෛත්‍රී, සම්පත් යන නැකැත්වලට බල ගැන්වීම ඉතාමත් යහපත් බව පෙන්වා දෙමි. එසේම ඔබගේ නිවසේ වර්ග ක්ෂේත්‍රය සොයා ගැනීමේදී අත්තිවාරමේ පිටින් පිට මිණුම් ගත කළ යුතු අතර දැනට ඇති වර්ග ක්ෂේත්‍රය නිවැරැදි නොවේ නම් එම වර්ග ක්ෂේත්‍රය කැඩීම් බිඳීම් වලින් තොරව එක්කර ගැනීමේ වාස්තු ශිල්පීය ක්‍රමයන් පවතී. එනම් දැනට පවතින ආලින්දයට හෝ ගරාජයකට වැනි විවෘත ස්ථානයකට නව මුල් ගලක් තැබීම තුළින් එම කොටස් වර්ග ක්ෂේත්‍රය ගෘහ පිණ්ඩය එක්වීම සිදු වේ. ඒ තුළින් ඔබගේ ගෘහ පිණ්ඩය යහපත් ලෙස සක්‍රීය කිරීම කළ හැක. ඒ සඳහා නිවැරැදිව වර්ග ක්ෂේත්‍රය මිණුම් ගත කළ යුතුවේ. එසේම මතක තබා ගත යුතු විශේෂ කාරණයක් ඇත. ඔබගේ නිවසේ වර්ග ක්ෂේත්‍රය වෙනස් කිරීමේදී නිවසේ බ්‍රහ්ම පාදය හෙවත් මධ්‍ය ලක්ෂයේ ස්ථානගත වීමේ දී වෙනස් වන බැවින් එය ද යහපත් වන ලෙස එම එකතු කර ගැනීම සිදු කළ යුතුයි.
ඔබගේ නිවසේ පවතින වාස්තු ශිල්පයේ මූලධර්මයන්ගේ මූලිකම මූලධර්මයක් ලෙස නිවසේ වර්ග ක්ෂේත්‍රය නැත්නම් ගෘහ පිණ්ඩය වැදගත් වේ. මෙය නිවසේ අත්තිවාරම ලෙස හැඳින්විය හැක. අත්තිවාරම දෝෂ පහත වීම යනු මුළු නිවසට දෝෂ සහගත වීම ලෙස ද සිතුවාට වරදක් නැත. මේ නිසා ඔබ සෑම විටම ඔබගේ කුසල්වලට ගැලපෙන ගෘහ පිණ්ඩය සහිත ගෘහයක් සාදා ගැනීමටත්, දැනට ජීවත්වන නිවස කුසල් ශක්තිය උද්දීපනය වන ගෘහ පිණ්ඩයට පරිවර්තනය ගැනීමටත් දක්න ගත යුතුයි. මේ තුළින් සිදුවන්නේ ඔබගේ අකුසල් බලවත් වන කාලවලදී පවා ඔබට ආරක්ෂාව සහ සැනසීම සැපයීමට ඔබගේ ගෘහය පිහිට වන බවයි. එහෙත් වැරදි බලගැන්වීමක ජීවත් වන විට ඔබගේ අකුසල් බලවත් කාලවල ඔබට නිවසින් පිහිටක් නොලැඛෙනු ඇත. මේ සියලු කාරණා ගැන සිතා බලා නැකත සොයා ගත යුතුයි. එම නැකත හා ගෘහ හිමියාගේ ජන්ම බලය ගැලපීම තුළින් නිවසේ සීහුම් බල නැකත සොයා ගත හැක.
යහපත් සීහුම් බල නැකැත්,
- පරම මෛත්‍රී - නිවසේ සාමය, නිරෝගිකම, ධනය, කායික මානසික ඇතුළු සියලු දෙයින් යහපත්.
- මෛත්‍රී - සතුට, සාමය, නිරෝගිකම, ධනය, ප්‍රිියමනාප බව ආදී සියලු දෙය යහපත්.
- සම්පත් - ධනය, නිරෝගිකම, බලය, සුවපහසුව ආදී සියලු දෙය යහපත්.
- ක්ෂේම - කායික මානසික, සැහැල්ලුව, ආරක්ෂාව, සතුට සැපය යහපත්.
- සාධක - ආරක්ෂාව, සැනසීම, සැපය, යහපත්
අයහපත් සීහුම් බල නැකැත්
- ජන්ම - ගෘහ හිමියාට නිවසේ නැකත ජන්ම වීම නිසා ලෙඩ දුක් කරදර ඇති වේ.
- වධ - නිවසේ වැඩ කටයුතු අතර මඟ නතර වීම, නිවැසියන්ට කරදර ඇති වීම. පවුල් අවුල් වීම, රෝග බිය ඇතිවීම.
- විපත - ලෙඩ දුක් බහුල වීම, නිවස හැර යැම, නිවැසියන්ගේ ජීවිතවලට හානි වීම.
- ප්‍රත්‍යාධාරි - ගෘහ හිමියා හා නිවැසියන් රෝග පීඩා වලට ගොදුරු වේ.
ඉහත ආකාරයටම නිවසක වර්ග ක්ෂේත්‍රය සහ ගෘහ හිමියාගේ ශක්තිය ගැලපූ විට යහපත් හා අයහපත් සිීහුම් බල ගැන්වීම ලැබේ. අප සැම විටම යහපත් බල ගැන්වීමකට ම ගෘහයේ වර්ග ක්ෂේත්‍රය යොමු කිරීම කළ යුතු වේ. නිවසේ සීහුම් බල ගැන්වීම අයහපත් වීමේ ප්‍රතිඵල
- නිවස සෑදීම ප්‍රමාද වේ.
- ගෘහ හිමියා සහ නිවැසියන් රෝග පීඩා වලට ගොදුරු වේ.
- ධන හානිය ඇතිවීම හා නඩු හබ සිදුවීම.
- පවුල් ජීවිතය අවුල් වීම/පරම්පරාව යාවත්කාලීන නොවීම.
එසේම නිවසේ සීහුම් බල ගැන්වීම ප්‍රධානතම වාස්තු මූල ධර්මයක් බැවින් මෙම අයහපත් බලගැන්වීම නිසා නිවසේ සියලු කටයුතු අසාර්ථකවීමට හේතු විය හැක. ඔබගේ නිවසේ වර්ග අඩි ප්‍රමාණය සෑම විටම දිග හෝ පළල අනුව යෙදීම නොකළ යුතු අතර නිවසේ දොරවල් ජනේල වැසූ පසු නිවස තුළට අයත් වන මුළු භූමි ප්‍රමාණය පමණක් ලබා ගත යුතු වේ. මෙය ගෘහ පිණ්ඩය ලෙස හැඳින්වේ.
පේරාදෙණියේ ඩී. යූ. සෙනරත් උපුටා ගැනීම දිවයින පුවත් පත ඇසුරෙනි.
