ක්‍රිෂ්ණ මූර්ති පද්ධතිය අනුව ගේට්‌ටුව තබන හැටි
නිවස පිහිටි ගෙවත්තට ඇතුළු වීමට නිසියාකාරව ගේට්‌ටුව තැබීමෙන් නිවසේ අශුභ නැතිකරගෙන ගෙවත්තේ ශ්‍රියාව වැඩිකර ගත හැකිය. ඒ නිසා ක්‍රමවත්ව ගේට්‌ටුව තැබීම පිළිබඳව ක්‍රිෂ්ණ මූර්ති පද්ධතියේ සඳහන් කරුණු මෙම ලිපියෙන් විස්‌තර වෙයි.
ගේට්‌ටුව සඳහා බෙදීමගේට්‌ටුව තැබීම සඳහා ඔබේ නිවස පිහිටි ඉඩමේ ඉදිරිපස වැට අයත් දිග ප්‍රමාණය නවයට බෙදිය යුතුය. (සටහන් අංක 01 බලන්න)
නිවස පිහිටි ඉඩමේ ඉදරිපස මායිම් වැට 09 ට බෙදූ විට වැටේ දිග ප්‍රමාණය අඩි 30 අඟල් 09 ක්‌ වුවහොත් එක කොටසක්‌ අඩි 03 අඟල් 05 බවට පත්වෙයි. එම කොටස්‌ නමයම අයත් වන්නේ ග්‍රහයන් නව දෙනාටය. (සටහන් අංක 02 බලන්න)
තම නිවස පිහිටි ඉඩමේ ඉදිරිපස මායිම් වැටේ ප්‍ර්‍රධාන ගේට්‌ටුව හෝ වෙනත් කුඩා ගේට්‌ටුවක්‌ තබන විට වුවද ඒ ඒ ග්‍රහයාට අයත් කොටසේ පිහිටු වූ විට ලැබෙන ශුභා ශුභ පල පහතින් දැක්‌වේ.
ගේට්‌ටුවක්‌ අඩුම තරමින් අඩි 10 කට වැඩි ප්‍රමාණයක පළලකින් යුක්‌ත විය යුතු නිසා ගේට්‌ටු කණු දෙක ශුභ ග්‍රහයන් දෙදෙනකුට අයත් පාද කොටස්‌ දෙකක පිහිටුවීම ඉතා ශුභය. එවිට සාර්ථක ප්‍රතිඵල ලැබේ.(සටහන් අංක 03 බලන්න)
ඉහත සඳහන් සටහන් අංක 03 ට අනුව තම නිවස පිහිටි ඉඩමේ හෝ ගෙවත්තේ ඉදිරිපස මායිම් වැට 09 ට බෙදූ විට සඳු සිකුරු හෝ සඳු ගුරු අතර හෝ සඳු බුධ අතර හෝ ගේට්‌ටුව පිහිටුවීම ශුභය. එහෙත් වඩාත්ම සුදුසු වන්නේ ගුරු ශුක්‍ර අතර ගේට්‌ටුව තැබීමය.
ශූභ අශුභ පාද :
රවීට අයත් පාදය :
රවීට අයත් පාදයේ ලොකු ඉඩමක නම් ගේට්‌ටුවද, කුඩා ඉඩමක්‌ නම් ගේට්‌ටුවේ කණුවක්‌ද පිහිටුවීම ඉතා අශුභය. එසේ කළ හොත් අප්‍රසන්න සිදුවීම් අසතුටට, භූමි විරෝධතා, සෞඛ්‍ය ගැටළු, කටයුතු අසාර්ථකවීම් ඇතිවේ. නමුත් මේෂ, ධනු, වෘශ්චික යන ලග්නවලින් උපන් අයට රවි හිමිපාදය අශුභ නොවේ. උත්පත්ති කේන්ද්‍රයේ රවි ශුභ නැකතක සිටියහොත් ඉතාමත් ශුභය.
සඳුට අයත් පාදය :
සඳුට අයත් පාදයේ ගේට්‌ටුව හෝ ගේට්‌ටු කණුවක්‌ පිsහිටුවීම ශුභය. එසේ කළහොත් යහපත් සමාජ සබඳතා ධනය වැඩි දියුණුවීමට සිතේ. සතුට ඇති වේ. එසේම උත්පත්ති කේන්ද්‍රයේ සඳු ශුභ නැකතක සිටියහොත් ඉතාමත් ශුභය. නමුත් ධනු, සිංහ, කුම්භ යන ලග්නයකින් උපන් අයට සඳුගේ පාදය ඉතාමත් අශුභය.
කුජට අයත් පාදය :
නෛසර්ගික පාප ග්‍රහයකු වන කුජ හෙවත් අඟහරුට අයත් පාදය හසුවන සේ කෙබඳු ගේට්‌ටුවක්‌ හෝ කණුවක්‌ තැබීම ඉතා අශුභය. එසේ කළහොත් ප්‍රෙෘඩත්වය බිඳවැටෙයි. බලාපොරොත්තු රහිත කරදර භූමි විෂමතා ඇති වේ. කුජ අග්නිකාරක ග්‍රහයාය. ඒ නිසා අහසේ ඇතිවන විදුලි කෙටීම්, ගේට්‌ටුව තබා ඇති කුජ පාදය ඔස්‌සේ නිවස වෙත ඇදී ආ හැකිය.
බුධට අයත් පාදය :
බුධට අයත් පාදය මත ගේට්‌ටුව හෝ ගේට්‌ටු කණුවක්‌ තැබීමද අශුභය. එසේ කළහොත් අනවශ්‍ය කරදර පැටලිලිවලට හසුවිය හැකිය. එසේම තමා වටා නරක නාමයක්‌ ගොඩ නැගෙයි.
ගුරුට අයත් පාදය :
නෛසර්ගික ශුභ ග්‍රහයකු වන ගුරු නොහොත් බ්‍රහස්‌පතී ග්‍රහයාට අයත් පාදයේ ගේට්‌ටුව හෝ ගේට්‌ටුවේ මුල් කණුව පිහිටුවීම ඉතා ශුභය. එවිට ජනප්‍රියභාවය ඇති වෙයි. නිවෙසේ සාමය සතුට රැඳේ. ජන්ම කේන්ද්‍රයේ ගුරු ග්‍රහයා ශුභ නැකතක ගමන් කර තිබුණේ නම් ඉක්‌මනින් ශුභපල ඇති වේ. මානසික සතුට ඇති වේ.
සිකුරුට අයත් පාදය :
සිකුරුට අයත් පාදයේ ගේට්‌ටුව හෝ ගේට්‌ටු කණුවක්‌ පිහිටුවීම ඉතා ශු=භය. ඥති සබඳතා වැඩිදියුණු වෙයි. ධනය හා කීර්තිය ඇතිවෙයි.
සෙනසුරුට අයත් පාදය :
සෙනසුරුට අයත් පාදයේ ගේට්‌ටුව හෝ ගේට්‌ටුවේ කණුවක්‌ හෝ පිsහිටුවීම ඉතා අශුභය. එසේ කළහොත් දුක්‌ දොම්නස්‌ මානසික අසහන හා සෞඛ්‍ය පිරිහීම ඇති වේ.
රාහුට අයත් පාදය :
රාහුට අයත් පාදයේ ගේට්‌ටුව හෝ ගේට්‌ටුවේ කණුවක්‌ පිහිටුවීමෙන් දුක්‌ දොම්නස්‌ අපල උපද්‍රව ඇති වේ.
කේතුගේ පාදය :
කේතුට අයත් පාදයේ ගේට්‌ටුව හෝ ගේට්‌ටුවේ කණුවක්‌ පිහිටුවීමෙන් පිරීහීම හා හිතවතුන්ගේ පැමිණීම අඩුවේ.
ගේට්‌ටුව හා අශුභ :
නිවස පිහිටි ඉඩමේ හෝ ගෙවත්තේ ඉදිරිපස මායිම් වැටේ පිහිටි ගේට්‌ටුවට එල්ලවන ලෙස මංගල දොරටුව හෝ දොරටුවක්‌ පිහිටීම අශුභය. එසේම නිවසේ බිත්ති මුළු, යටලී බාල්ක හෝ බරාඳයේ කණු එල්ලවීම ද අශුභය. එසේම ගේට්‌ටුවට කෙළින් ළිං, පොකුණු ගල් කණු ප්‍රතිමා කණු, ප්‍රතිමා පිහිටීම ද අශුභය. සටහන් අංක 03 බලන්න.
මානසික කම්පන :
නිවසක්‌ හෝ ගොඩනැගිල්ලක්‌ තුළට ඇතුළු වන දොරටුව මෙන්ම නිවස හෝ ගොඩනැගිල්ල පිහිටි ඉඩමේ හෝ ගෙවත්තේ වැටේ මායිමේ පිහිටි ගේට්‌ටුව ගෙහිමියාගේ හා එම නිවසේ හෝ ගොඩනැගිල්ලේ වෙසෙන අයගේ මානසිකත්වයට තදින් බලපෑම් එල්ලකරන බව පිළිගැනේ. වැරදි ස්‌ථානයක අශුභ පාදයකින් ආරම්භ වන ගේට්‌ටුවක්‌ තුළින් නිතර එහා මෙහා යන එන ගෙහිමියා පමණක්‌ නොව එහි නිවැසියන් ද තමන් නොවැටහෙන මානසික කම්පනයකට හසුවෙති. මෙබඳු නිවසකට ගොඩවදින හිතවතුන් අමනාපකම් ඇතිකර ගනිනි. අසතුටින් ආපසු යති.
ලස්‌සන ගේට්‌ටුව :
ගේට්‌ටුව කොපමණ ලස්‌සන වුවත් වැරදි පාදයක පිහිටි ගේට්ටුවෙන් නිවස වෙත ගලා එන්නේ අසහනය ඇති කරන අශුභ තරංග පමණකි.
නිවස පිහිටි ඉඩමේ හෝ ගෙවත්තේ ඉදිරිපස මායිම් වැටේ පිහිටි ගේට්‌ටුවට එල්ලවෙන ලෙස මංගලදොරටුව හෝ දොරටුවක්‌ පිහිටුවීම අශුභය.
මේෂ ධනු වෘශ්චික යන ලග්නවලින් උපන් අයට රවි හිමි පාදය අශුභ නොවේ. උත්පත්ති කේන්ද්‍රයේ රවි ශුභ නැකතක සිටියහොත් ඉතාමත් ශුභය.
ධනු සිංහ කුම්භ යන ලග්නයකින් උපන් අයට සඳුගේ පාදය ඉතාමත් අශුභය
ගේට්‌ටුවට කෙළින් ළිං පොකුණු ගල් කණු ප්‍රතිමා පිහිටීමද අශුභය.
උපුටා ගැනීම දිවයින
