කැඩීම් බිඳීම්වලින් තොරව නිවෙස්‌ දෝෂ ඉවත් කරගන්න
සෑම දෙනෙකුටම නිශ්චිත ගමන් මාර්ගයක්‌ සහ ඉලක්‌කයක්‌ තිඛෙනවා. ඔබ ගමනක්‌ යාමට බස්‌ රථයකට ගොඩ වුවහොත් එම බස්‌ රථය ඔබව ගමනාන්තය දක්‌වා රැගෙන යනවා. මෙහිදී බස්‌ රථය ගමන් ගන්නා නිශ්චිත මාර්ග පථයක්‌ තිඛෙනවා. ඒ වගේම එම බස්‌ රථයට ගමනාන්තයක්‌ තිඛෙනවා. එම බස්‌ රථය ගමන් ගන්නා මාර්ගය අයිනේ පුද්ගලයෙකු සිටියාට ඔහු එහි ගැටෙන්නේ නැහැ. ඒ වගේම එම මාර්ගයේ තවත් වාහන ගමන් ගන්නවා. මහා මාර්ගයේ බස්‌රථයක්‌ ගමන් ගන්නා නිශ්චිත පථයක්‌ තිඛෙනවා. එම කොටස තුල කෙනෙකු සිටිය හොත් අනතුරු සිදුවිය හැකිය. මා මෙසේ ඔබට කීවේ වාස්‌තු විද්‍යාවේද ඊශාන හා නිරිත දිශාව යන ප්‍රබල ලෙස කථා කරන දිශාවන් දෙකක්‌ වන අතර වාස්‌තු පුරුෂයාගේ හිස ඊශාන දිශාවටත් පාද නිරිත දිශාවට එල්ල වී තිඛෙන අතර විශ්ව ශක්‌තිය ඊශාන දිශාවේ සිට නිරිත දිශාව දක්‌වා ගමන් කරන බව වාස්‌තු විද්‍යාවේදී විශේෂ සැලකිල්ලක්‌ දක්‌වන බැවිනි.
මෙහිදී විශ්ව ශක්‌තිය සෑම නිවසකටම ඊශාන දිශාවෙන් ඇතුල්වන බවත් එය නිරිත දිශාවෙන් පිටව යන බවත් දක්‌වා තිඛෙනවා. මෙහිදී අපට වැටහෙනවා විශ්ව ශක්‌තිය නිවසට පැමිණෙන්නේ ඊශාන දිශාවෙන් බව, එසේ නම් විශ්ව ශක්‌තිය පැමිණීමේ ගමන් මාර්ග ඊශාන දිශාවයි. මේ නිසා ඊශාන දිශාව ඉතා පිරිසිදුව පවත්වා ගන්නා ලෙස වාස්‌තු ශිල්පියේදී උපදෙස්‌ ලබා දෙනවා. නිරිත දිශාවද මේ ආකාරයට පිරිසිදුව තබා ගත යුතු බව පෙන්වා දී තිඛෙනවා. එබැවින් ඊශාන හා නිරිත දිශාව තුල වැසිකිළි, මුළුතැන්ගෙවල්, පඩිපෙල, ගරාජය, සේවක කාමර, ගබඩා කාමර ආදී ගෘහ අංග ස්‌ථාන ගත නොකළ යුතු බවත් පෙන්වා දී තිඛෙනවා. දැනටමත් ඔබගේ නිවසේ මෙම ගෘහ අංග ස්‌ථාන ගත වී තිඛෙන්නේ නම් නිවසේ වාස්‌තු දෝෂ හටගෙන ඇති බවට ඔබ කලබල වනු ඇත. මෙම ලිපියෙන් ඔබට පහදා දීමට අප උත්සහ ගන්නේ ඊශාන හා නිරිත දිශාව තුල එවැනි අයහපත් ගෘහ අංගවල අයහපත් ප්‍රතිඵල ඔබට බලපාන ආකාරය පිළිබඳව ඔබ දැනුවත් කිරිමටයි. ඊශාන දිශාව වාස්‌තු ශිල්පයේදී ඊශාන දිශාව ඉතා වැදගත් දිශාවක්‌ ලෙස සැලකෙනවා. වාස්‌තු ශිල්පය තුළ විශ්ව ශක්‌තිය උපරිම ලෙස යොදා ගැනෙන බැවින් විශ්ව ශක්‌තිය සම්ප්‍රේශනය වන ඊශාන දිශාවට ප්‍රබල තැනක්‌ හිමි වී තිඛෙනවා. වාස්‌තු වේදීන් වාස්‌තු විශ්ලේෂණය කිරීමේදී ඊශාන දිශාව පිළිබඳව වඩාත් සැලකිලිමත් වෙනවා. එහෙත් ඊශාන දිශාවේ වඩාත් සක්‍රීය කොටස පිළිබඳව වැඩි සැලකිල්ලක්‌ නැහැ.
ගෘහයකට විශ්ව ශක්‌තිය කාන්දුවන කෝණය තීරණය වන්නේ එම ගෘහයේ ජාමිතික හැඩතලයන්ගේ ස්‌වාභාවය අනුවයි. මෙහිදී සෘජුකෝණාස්‍ර සහ සමචතුරස්‍රාකාර හැඩතලයක්‌ ඉතා යහපත් බව පෙන්වා දී ඇති අතර වෘත්තාකාර හා ත්‍රිකෝණාකාර සහ වඩා දික්‌ වූ හැඩතල අයහපත් බව පෙන්වා දී තිඛෙනවා. මෙයින් සිදුවන්නේ එවැනි හැඩතලවලට විශ්ව ශක්‌තිය ලැඛෙන ඊශාන දිශා කෝණයන්ගේ අගය අඩුවන බැවිනි. මෙහිදී අප මතක තබා ගත යුතුයි නිවසට විශ්ව ශක්‌තිය ඊශාන දිශාවෙන් පැමිණියාට එහි වැදගත්ම කොටස වන්නේ ඊශාන දිශාවේ අංශක 22 2/1 ක තිඛෙන ඊශාන මධ්‍ය රේඛාව බව, විශ්ව ශක්‌තිය තරංග මාලාවන්ගෙන් ප්‍රබලම තරංගය ගමන් ගන්නේ ඊශාන දිශාවේ මධ්‍ය රේඛාව තුළිනි. මේ නිසා ඔබගේ නිවසේ ගෘහ අංග ස්‌ථානගත කිරීමේදී මෙම මධ්‍ය රේඛාව පිළිබඳව සැලකිලිමත් විය යුතුයි. මුළුතැන්ගෙය ඊශාන දිශාවේ තිබුණාට එහි මධ්‍ය රේඛාවට හසු නොවන ලෙස මුළුතැන්ගෙය තිබුණාට වරදක්‌ නැත. විශේෂයෙන් ඔබගේ උදුන හරහා ඊශාන රේඛාව ගමන් නොකරයි නම් ඒ පිළිබඳව කලබල විය යුතු නැත. ඔබගේ වැසිකිළිය ඊශාන මධ්‍ය රේඛාව තුළ ගමන් නොකරයි නම් ඔබ කලබල විය යුතු නැත. ඔබ දැනටමත් සාදා ඇති නිවසේ දිශා පිහිටීම නිවැරදි ලෙස විනිශ්චය නොකොට කිසිම දෙයක්‌ කැඩීමට කලබල නොවන්න. ඔබගේ ඊශාන දිශාවේ බලවත්ම විශ්ව තරංගයක්‌ ගමන් කරන නිශ්චිත මාර්ගයක්‌ තිඛෙන බව වටහා ගන්න. එය ඊශාන දිශාවේ මධ්‍ය රේඛාව වන අංශක 22 2/1 රේඛාවයි. එම රේඛාව නිදහස්‌ව තබා ගැනීමට හැකිනම් ඊශාන දිශාව අවහිර නොවන බව මතක තබා ගත යුතුයි. පාර අයිනේ සිිටියාට දුම්රියේ ගැටෙන්නේ නැති බව සිතන්න. දුම්රිය මාර්ගය මත සිටියහොත් ඔබ අනතුරට පත්වන සේ ඊශාන මධ්‍ය රේඛාව තුල කිසිදු අවහිර කිරීමක්‌ සිදු නොකිරීමට වගබලා ගත යුතුයි. ඔබගේ නිවස ඔබට කොතරම් උපකාර කරනවාද යන්න පිළිබඳව ඔබ නිතර මෙනෙහි කරන්න. ඔබගේ නිවසේ ඊශාන දිශාව සැබෑ ලෙසම දුර්වලද යන්න පිළිබඳව සැක හැර දැනගෙන කිසිම විටක කිසිම දෙයක්‌ කැඩීම නොකල යුතු බව පෙන්වා දෙමි.
මෙම ඊශාන මධ්‍ය රේඛාව පෙර සිටි සෘෂි උතුමන්ට දියුණු කළ මනසින් හඳුනා ගත්තද නූතනයේ සෘෂිවරුන් නොමැති නිසා ඊශාන මධ්‍ය රේඛාව නිසි ශිල්ප ක්‍රම යන නවීන තාක්‍ෂණ යොදා ගෙන නිශ්චිතව හඳුනා ගැනීම සිදු කළ යුතුව තිඛෙනවා. එසේ නොමැතිව කිසිම කෙනෙකුට මෙම විශ්ව ශක්‌ති බල රේඛාව හඳුනා ගැනීමට නොහැකි බවද වටහා ගන්න. විශ්ව ශක්‌තිය උපරිම ලක්‍ෂය ඊශාන දිශාවේ මධ්‍ය ලක්‍ෂයේ නිවසට ඇතුලට විශ්ව ශක්‌ති තරංග ඔබගේ ගෘහයේ මධ්‍ය ලක්‍ෂය තුළ උපරිම වනු ඇත. එය බ්‍රහ්ම පාදය ලෙස අප හඳුන්වන්නේ එබැවිනි. මෙම විශ්ව ශක්‌තිය නිවසට ඇද ගැනීමේ ඇන්ටනාව ලෙස ක්‍රියා කරන්නේ බ්‍රහ්ම පාදයයි. එම නිසා බ්‍රහ්ම පාදය අවහිර නොකොට නිදහස්‌ ලෙස තිබීම කළ යුතු වෙනවා. ගෘහ හිමියාගේ කුසල්වල ශක්‌තිය අනුව මෙම බ්‍රහ්ම පාදය බල ගැන්වීම සිදු කළ යුතු විශේෂ වාස්‌තු ශිල්පීය ක්‍රම වාස්‌තුවේදී කියා දී තිඛෙනවා. පොදුවේ බ්‍රහ්ම පාදය මත කොහොඹ ලීයෙන් කනප්පුවක්‌ තබා ඒ මත පූජනීය පාත්‍රය හෝ ආගමික ප්‍රතිමා තැබීම පෙන්වා දිය හැකිය. ඔබගේ නිවසේ විශ්ව ශක්‌තිය උපරිම කරනු ලබන කේන්ද්‍ර සෑම විටම නිශ්චිත ලක්‍ෂයක්‌ ලෙස ක්‍රියා කරන බව මතක තබා ගන්න. මේ නිසා මෙම කේන්ද්‍ර බිත්තියකට යටවීම හෝ ඒ මත කර භාවිතය පඩිපෙලේ හෝ කාණු වැනි දෑ නොවිය යුතු විය යුතුයි. හැකිතාක්‌ නිදහස්‌ව සහ පිරිසිදුව පවත්වා ගැනීම තුළත් නිවසේ විශ්ව ශක්‌තිය සම්ප්‍රේෂණය වීම ප්‍රබලව සිදුවනු ඇත. නිරිත දිශාව ඊශාන දිශාවෙන් කාන්දුවන විශ්ව ශක්‌තිය උපරිම කේන්ද්‍රයේදී උපරිම වී එම ශක්‌ති ධාරාවන් නිවස තුළ දක්‍ෂිණවෘතව කැරකී නිරිත දිශාවෙන් පිටවී යයි.
මේ නිසා නිිරිත දිශාව නිදහස්‌ව හා පිරිසිදුව පවත්වාගත යුතු බව වාස්‌තුවේ පෙන්වා දී ඇත. නිරිත දිශාවද ඉතා ප්‍රබල වන්නේ නිරිත මධ්‍ය රේඛාව අවහිර නොවන පරිදි පිරිසිදුව පවත්වා ගැනීම කළ යුතුයි. ප්‍රධාන නිදන කාමරය සඳහා ඉතාමත් සුදුසුම කාමරය වන්නේ නිරිත දිශාවයි. බොහෝ නිදන කාමරවලට සම්බන්ධව නාන කාමරය සහ වැසිකිළි යොදා තිඛෙනවා. නිරිත දිශාව තුළ වැසිකිළි පිහිටුවීම නොකළ යුතු බව පෙන්වා දී තිඛෙනවා. එසේ වුවද නිරිත මධ්‍ය රේඛාවට හසු නොවන ලෙස ඒවා පිහිටු වීමට වගබලා ගත යුතුයි. ඔබගේ නිවසේ දිශා ආනතිය නිසි ලෙස හඳුනාගෙන ඔබගේ නිවසේ ගෘහ අංග ස්‌ථානගත වී ඇති දිශාව හඳුනා ගත යුතුයි. දැනටමත් ඔබගේ ඊශාන දිශාව දුර්වලව ඇති බව ඔබට වැටහෙනවා නම් නිවස කැඩීමට හදිස්‌සි නොවිය යුතුයි. ඔබගේ ගෘහ අංග නිශ්චිතවම තිඛෙන තැන සැකහැර දැනගන්න. විශේෂයෙන් ඊශාන දිශාවේ මධ්‍ය ලක්‍ෂ නිවසේ මංගල ද්වාරය හසුවූවාට කිසිම වරදක්‌ නැත. එසේ වුවද නිරිත දිශාවේ මධ්‍ය රේඛාවට කිසිම විටක මංගල ද්වාරය හසු නොවිය යුතුයි. ඔබ හැකිතාක්‌ ඊශාන දිශාවේ මධ්‍ය රේඛාව සිට විශ්ව ශක්‌තිය උපරිම ලක්‍ෂය දක්‌වා ගමන් මග සහ ඉන්පසුව නිරිත රේඛාව දිවෙන මධ්‍ය ලක්‍ෂය නිසි ලෙස ආරක්‍ෂා කිරීමට වගබලා ගත යුතු වේ. එසේ නොමැතිව ඊශාන දිශාවේ ගෘහ අංග ස්‌ථානගත වූවාට හෝ නිරිත දිශාවේ නොවිය යුතු ගෘහ අංග ස්‌ථානගත වූවාට කිසි විටක කලබල වීමට හෝ නිවස කඩා බිඳ දැමීමට ඉක්‌මන් නොවිය යුතුයි. ප්‍රථමයෙන් විශ්ව ශක්‌තියේ සම්ප්‍රේෂණ රේඛා ගමන්මග හඳුනාගෙන ඊට අනුව ගෘහ අංග සකස්‌කර ගැනීම කළ යුතුයි. මේ සඳහා නිවස කඩා බිඳ දැමීමට සිදු වන්නේ නැහැ. වාස්‌තු විද්‍යාවේ මූලධර්මයන් සහ ශිල්ප ක්‍රමයන් සකස්‌ වී ඇත්තේ නිවස කඩා බිඳ දැමීමට නොව පවතින වාස්‌තු දෝෂ සමනය කර ගැනීම සඳහා අවශ්‍ය ඥානය ලබා දීමටයි. ඔබ නව නිවාස සැලැස්‌මක්‌ සෑදීමේදී මූලිකවම වාස්‌තු මූලධර්මයන් පිළිබඳව සැලකිළිමත් විය යුතු අතර එය සෑදීමේදී වාස්‌තු මූලධර්මයන්ට අනුව එම කාර්යය ඉටු වෙනවාද යන්න පිළිබඳව සැක හැර දැනගත යුතුයි. අරමුණ යන ඉල්ලකය අනුව ඔබ නිවැරදි මාර්ගයේ ගමන් කරන විට ඔබට කිසිදාක වරදින්නේ නැත. එසේම විශ්ව ශක්‌තිය නිවසට කාන්දුවන මාර්ගය නිසි ලෙස හඳුනාගෙන නිවසේ වාස්‌තු දෝෂ හට නොගැනීමට අවශ්‍ය මූලික සිද්ධාන්ත නිවැරදි ලෙස යොදා ගැනීමට උත්සහ කළ යුතුයි. කිසිම දෙයක්‌ නිශ්චිතව හඳුනා නොගෙන පිළියම් නොයෙදිය යුතුයි. සමහර විට ඔබගේ නිවැරදි ගෘහ අංගවල යහපත් ප්‍රතිඵල අයහපත් කරගැනීමටද සිදුවන බව මතක තබා ගත යුතුයි. ඔබගේ නිවස හඳුනාගෙන විශ්ව ශක්‌තියේ යහපත් ප්‍රතිඵලවල ශක්‌තිය ඔබගේ ජීවිතයට ලගාකර ගැනීමට අවශ්‍ය කුසල් ශක්‌තිය ලැබේවායි මෛත්‍රි සිතින් පතමි.
පේරාදෙණියේ ඩී. යූ. සෙනරත්
උපුටා ගැනීම දිවයින පුවත් පත
