ආර්ථික දියුණුව හා වාසනාව උදා කරන සරල වාස්තු ප්‍රතිකර්මයක්
ඕනෑම නිවෙසක මධ්‍ය ලක්‍ෂ්‍යය පිරමීඩ භාවිතයෙන් බලවත් කර නිවැසියන්ට යහපත සලසන අන්තරීක්‍ෂ ශක්තිය හා නිවැසියන්ගේ ප්‍රභා මණ්ඩලය (Aura) බලසම්පන්න කිරීමෙන් ඔවුන්ගේ ආර්ථිකය දියුණු වී සියලු වැඩකටයුතු සාර්ථක වී ශාරීරික සෞඛ්‍යයද යහපත් වන බව මේ වන විට තහවුරු වී තිබේ.
නිවෙසේ නිවැරැදි මධ්‍ය ලක්‍ෂ්‍යය සොයාගෙන ඒ අවට බඩුමුට්ටුවලින් අවහිර නොකර තැබීම ඔස්සේ අන්තරීක්‍ෂ ශක්තිය හා නිවැසියන්ගේ ප්‍රභා මණ්ඩලය බලවත් වන බව පර්යේෂණාත්මකව තහවුරු වී ඇත. එමඟින් නිවෙසේ භු ශක්තිය වඩාත් බලවත් වීමෙන් සහ නිවෙස ඇතුළත අන්තරීක්‍ෂ ශක්ති තීව්‍රතාව ඉහළ යෑමෙන් නිවැසියන්ට සුබසෙත සලසන වටපිටාවක් නිර්මාණය වන බවද මේ වන විට පර්යේෂණාත්මකව හෙළිවී ඇත. එවැනි අන්තරීක්‍ෂ ශක්තියෙන් පිරිපුන් නිවෙසක වාසය කරන නිවැසියන්ගේ ප්‍රභා මණ්ඩලය හෙවත් ඕරාව (Aura) අතිශයින් බලවත්වී ඔවුන් යෙදෙන සියලු කටයුතු සර්වප්‍රකාරයෙන්ම සාර්ථක වන බව තහවුරු වෙයි. පුරාතන සාම්ප්‍රදායික වාස්තු ශාස්ත්‍රයට අනුවද ඊශාන දිසාවට අදාළ ආපෝ ධාතුවත්, ගිනිකොන දිශාවට අදාළ තේජෝ ධාතුවත්, නිරිත දිශාවට අදාළ පඨවි ධාතුවත්, වයඹ දිශාවට අදාළ වායෝ ධාතුවත්, මධ්‍යයට අදාළ ආකාශ ධාතුවත් කළමනාකරණය කරමින් තුලනය කිරීමට අවශ්‍ය නිදහස් ඉඩක් නිවෙස මධ්‍යයේ නිර්මාණය වී තිබීමෙන් සියලු යහපත සැලසෙන බවද දක්වා තිබේ.
නිවෙසේ මධ්‍ය ලක්‍ෂ්‍යය සක්‍රිය කර ගැනීම උදෙසා බරපතළ වියදම් අධික ක්‍රියාදාමයන් කිසිවක් නොමැතිව පිරමීඩ භාවිතයෙන් වාස්තු දෝෂ දුරලන සරල පිළියමක් මඟින් දිවිමඟ ජය ගන්නට සියලු ඉඩහසර විවර කර ගැනීමට මඟ පෑදී තිබේ. මේ සඳහා සාමාන්‍ය ගුණන පිරමීඩ (Multier) පිරමීඩ 9ක් නිවෙස මධ්‍යයේ පොළොවේ හෝ සිවිලිමේ ස්ථාපනය කිරීමෙන් මෙම වාසනා ශක්තිය උදාකර ගත හැකි බව විද්‍යාත්මකවද තහවුරු වී ඇත.ම්ව්බිම
සමහරු නිවසක් තැනීමට භූමියක් තෝරන විට කිසිම සෙවීමක් බැලීමක් නැතිව පරිසරයේ ලස්සනට රැවටේ. වෙල් යායක් අසල ලස්සන නිවෙසක් තැනූ පවුලක් ගං...
නිවසක් ඉදිකිරීමේ දී ප්‍රධාන දොර තබන ස්‌ථානය කෙරෙහි විශේෂ අවධානය යොමු කළ යුත්තේ ය. පුරාණ වාස්තු විද්‍යා නීති – රීතිවලට පටහැනිව...
මාගේ ප්‍රධාන දොරෙන් බැලූ විට ජනේලයකින් එළිය පේනවා. එහි වාස්තු දෝෂයක් තිඛෙනවාද?විශේෂයෙන් ප්‍රධාන ද්වාරයෙන් බැලූ විට කුස්සියේ පිටවීමේ ද්වාරය පෙනීම වාස්තු...
ගෙයක් කියන්නේ අපේ මුළු ජීවිතයේම තිබෙන වැදගත්ම නවාතැන බව අමුතුවෙන් කියන්න අවශ්‍ය නෑනේ. උදේ ඉඳන් හවස් වෙනකම්ම පුදුම විදියට මහන්සි වෙලා...
ඔබ අලුතින් නිවෙසක් ඉදිකරන විට නිවෙසේ උළුවහුද නිවැරදිව තබාගත යුතුය. එසේම ඔබ දැනට පදිංචි නිවෙසේද උළුවහු නිවැරදිව තබා තිබෙනවා දැයි බැලිය...
නිවසේ වාස්තු සිද්ධාන්ත හැකි තරම් එකඟ කර ගැනීමට ඔබ උනන්දු විය යුතු අතර නිවැරැදි කරගත නොහැකි කොටස්‌ පිළිබඳව නිතර නිතර සිතීම...
