වාස්තු ඇස

මාගේ ප්‍රධාන දොරෙන් බැලූ විට ජනේලයකින් එළිය පේනවා. එහි වාස්තු දෝෂයක් තිඛෙනවාද?
විශේෂයෙන් ප්‍රධාන ද්වාරයෙන් බැලූ විට කුස්සියේ පිටවීමේ ද්වාරය පෙනීම වාස්තු දෝෂයක් ලෙස සැලකෙනවා. ප්‍රධාන ද්වාරයේ සිට ජනේලයකින් එළිය පෙනීම වාස්තු දෝෂයක් නොවේ.

මාගේ නිවෙසේ වහලයේ පල 05ක් තිඛෙනවා. පලයකින් පලයකට වතුර වැටීම දෝෂයක්ද? පල 05ක් නිවෙසකට සුදුසුද?
පලයකින් පලයට වතුර වැටීම වාස්තු දෝෂයක් ලෙස සැලකෙනවා. ඒ සඳහා කළහැකි විසඳුම වන්නේ, වැහි පිහිලි යොදා වතුර නොවැටෙන ලෙස වතුර බැස්සවීමයි. පල 05ක් නිවෙසට තිබීම දෝෂයක් නොවේ.

මාගේ නිවෙසේ මුළුතැන්ගෙය ඇත්තේ, දකුණු දිශාවේය. කෑම පිසීම සඳහා ළිප තැබිය යුත්තේ කෙසේද?
දකුණු දිශාව මුළුතැන්ගෙය සඳහා සුදුසු වේ. ඔබගේ නිවෙසේ පිහිටීම පරිදි නැගෙනහිර දිශාව බලා කෑම පිසීම සුබයි. කිසිම විටක නිවෙස තුළට හැරී කෑම පිසීම නොකළ යුතුයි.

මාගේ නිවෙසේ සැලැස්ම මේ සමගම එවමි. මාගේ නිවෙසේ ගරාජය සහ සේවක කාමර යෙදී ඇති ආකාරය දෝෂ සහගත බව බොහෝ අය පවසනවා. එය සුදුසුද? කියා පැහැදිලිකර දෙන්න.
ඔබගේ නිවෙසේ සැලැස්ම පරීක්ෂා කිරීමේදී පෙනී යන විශේෂ කාරණයක් තිඛෙනවා. නිවෙසේ බ්‍රහ්ම පාදය නිවෙසින් පිටත ස්ථානගතවී තිබීම ඉතාමත් අයහපත්ය. මේ නිසා නිවෙස එල් (L) හැඩයට ලක්වී තිඛෙනවා. මෙය සිදුවී තිඛෙන්නේ ගරාජය සහ සේවක කාමර 02 නිවෙසට එකතු කිරීම තුළිනි. එසේම දැනට ඇති ද්වාර සමග උතුරු, නැෙගනහිර හා බටහිර වේ. එය ලඅක්‍රාන්ධල ලෙස හඳුන්වන ශෝක බහුල දොර සටහනකි. දැනට ගරාජය සහ සේවක කාමර යෙදී ඇති වයඹ දිශාව යහපත් වන අතර වැරැද්ද ඇත්තේ සේවක කාමරවල පිහිටීම නිසා නිවෙසේ මධ්‍ය ලක්ෂ්‍යය දුර්වල වී තිබීමයි. ඔබගේ නිවෙසට 12×12 ප්‍රමාණයේ කොටසක් බටහිර දිශාවට එක්කළ හැකි නම්, නිවෙසේ බ්‍රහ්ම පාදය යහපත් වනු ඇත.

මාගේ බාත්රූම් එක සඳහා කළු සහ සුදු පාට ටයිල් යෙදීමට සිතා සිටිනවා. ඒවා සුදුසුද? බාත්රූම් එකේ දිශාව කුමක්ද? කොමඩ් එකට දිශාවක් තිඛෙනවාද?
කළු සහ සුදු ටයිල් කිසිම විටෙක එකට නොයෙදිය යුතුයි. එසේම කළුපාට නිවෙසට යෙදීම ඉතාමත් දෝෂ සහගතය. නිරිත හා ඊශාන දිශා සුදුසුයි. කොමඩ් එක සවි කිරීමේදී නිවෙසේ පිටත බිත්තිවලට සවි කිරීමට උත්සාහ කළ යුතුයි.

වර්ණ භාවිත කිරීමේ දී නිවෙසකට වඩාත් සුදුසු වර්ණ මොනවාද? වර්ණ කිහිපයක් එකතු කිරීම දෝෂයක්ද?
නිවෙස වර්ණ ගැන්වීම ඉතා පරිස්සමෙන් කළ යුතු වෙනවා. වාස්තු සිද්ධාන්ත අනුව වර්ණ යොදා ගැනීමේ දී නිවෙසේ මුහුණත දිශාව අනුව වර්ණ තෝරා ගැනීම සිදුකරනවා. නිවෙසේ ප්‍රධාන ද්වාරය යෙදී ඇති දිශාව නිවෙසේ මුහුණත් දිශාව වෙනවා. ඒ අනුව, උතුරු දිශාව - සුදු පාට නිල් දක්වා වෙනස්වන වර්ණයන් දකුණු දිශාව - රතු සිට කහ දක්වා වෙනස්වන වර්ණයන් නැෙගනහිර දිශාව - සුදු, කොළ සිට වෙනස්වන වර්ණයන් බටහිර දිශාව - කහ,අළු,ගුරු වැනි වර්ණයන් වර්ණ යෙදීමේදී වර්ණ 2කට වඩා එක් නොකිරීමට වගබලා ගත යුතු වෙනවා. විශේෂයෙන් නිවෙසේ පිටත බිත්ති සඳහා වර්ණ ගැන්වීම ඉතාමත් සැලකිලිමත්ව සිදුකළ යුතු වෙනවා.

මාගේ නිවෙසේ පඩිපෙළ යටින් කාමරයකට ප්‍රවේශ වීම සඳහා දොරක් දමා තිඛෙනවා එය දෝෂයක්ද?
පඩිපෙළක් යටින් කිසිම විටක උළුවස්සක් තැබීම නොකළ යුතුයි. එය ඉතා විශාල දෝෂයක් බව පෙන්වා දෙමි.

නිවෙසට නමක් තැබීමේදී සැලකිලිමත් විය යුතු කරුණු මොනවාද? මාගේ නිවෙස "දේශාන්" කියා නම යොදා තිබේ එය යහපත්ද?
නිවෙසකට නමක් තැබීමේ දී විශේෂ හෝ ශබ්ද විද්‍යාත්මක ශබ්ද තරංග පිළිබඳ විමසා බලා එය යෙදිය යුතුයි. "දේශාන්" යන නාමය තුළ ලඝු, ගුරු, ලඝු ලෙස ශබ්ද යෙදී ඇත. එය "ජ" ගණනය වන අතර එලය රෝග වේ. මෙය අසුබ ශබ්ද ධ්වනියක් ලෙස ක්‍රියාකරන බැවින් අයහපත් බව පෙන්වා දෙමි.

මාගේ නිවෙස ඉදිරියේ ගේට්ටුවේ කහ පාට මල් වැලක් යවා තිඛෙනවා මගේ දොර ඇත්තේ උතුරු දිශාවෙයි. නිවෙසේ සිට අඩි 05ක් ඈතින් එම වැල තිඛෙනවා සුදුසුද?
කහ පාට මල් නිවෙසේ ප්‍රධාන ද්වාරය අසලට කිසිසේත්ම සුදුසු නොවේ. විශේෂයෙන් උතුරු දිශා ද්වාරය අසලට අයහපත් වේ.

බ්‍රහ්ම පාදය පෑගීම අයහපත්ද? එය නිවෙසේ අපට බලපාන්නේ කෙසේද?
බ්‍රහ්ම පාදය පෑගීම විශේෂයෙන් ගෘහ හිමියා නොකළ යුතුයි. හැකිතාක් එම ස්ථානය පිරිසුදුව සහ නිදහස්ව පවත්වා ගන්න. බර භාණ්ඩ නොතබන්න. බ්‍රහ්ම පාදය දුර්වල වීම නිසා නිවැසියන්ට රෝග පීඩා බහුල වීම දක්නට ලැඛෙනවා.

මව්බිම පුවත් පත