පිංවත් දරුවෙකු බිහිවෙන නිවසක්‌
පින්වත් දරුවකු තම පවුලට එකතුකර ගැනීම සෑම දෙමවුපියකුගේම සිහිනයක්‌ බව අමුතුවෙන් කිව යුතු නොවේ. තම පවුලට එකතුවන අලුත් සාමාජිකයා තම පවුලට වාසනාව ගෙනඑන සිහින දූතයෙක්‌ ලෙස පිළිගැනීමට සෑම මවක්‌ම සහ පියෙක්‌ම ඇඟිලි ගනිමින් සිටින බව ඔබ දනී. අලුත් කැදැල්ලකට සතුට සොම්නස හා වාසනාව ගෙනඑන කුමරු හෝ කුමරිය තමන්ගේ එකම බලාපොරොත්තුව වේ. එසේ වුවද මෙම අහිංසක බලාපොරොත්තු අඳුරුවන අවස්‌ථාවන්ද සමාජය තුළ අප ඛෙහෝ විට දැක තිබේ. විශේෂයෙන්ම දරුඵල අහිමිවීම නිසා ද තමන්ගේ සියලු බලපොරොත්තු විනාශ වී ගොස්‌ දුක්‌විඳින අනන්තවත් මවුවරුන් හා පියවරුන් දක්‌නට ලැබේ. පවුලක්‌ පරිපූර්ණ වීමට නම්, එම පවුලට දරුවන් එකතු විය යුතුයි. පවුලක්‌ පමණක්‌ නොවේ රටක්‌ ජාතියක්‌ වශයෙන් ද අප යාවත්කාලීන වන්නේ එවිටයි. මීට හොඳම උදාහරණය වන්නේ, සාරාසංඛ්‍ය කල්ප ලක්‍ෂයක්‌ මේ සංසාරේ පෙරුම් පුරා බුදුබව ලද ආත්ම භවයේ පවා අපේ බෝධිසත්ව සිදුහත් කුමරා පින්වත් පුත් රුවනක්‌ ලෝකයට දායාද කිරීමයි. ඒ තුළින් බෝසත් චරිතය තුළ මිනිසාට ලබා දී ඇති ගැඹුරු ආදර්ශය සුළුපටු නොවේ. ඔබට දරුඵල ලැබීමට වාසනාව තිබුණත් සමහර අවස්‌ථාවල එම වාසනාවම තමන්ගේ ජීවිතයට අවාසනාව ළඟාකර සෝ සුසුම් විඳීමට සිදුවන්නේ විවිධ අබල දුබල තත්ත්වයන්ගෙන් හා මන්ද මානසිකත්වයෙන් හෙබි දරුවන් තමන්ගේ කැදැල්ලට එක්‌ වීමයි. මෙවැනි දෑ සිදුවීම කෙරෙහි සාධක ගණනාවක්‌ බලපාන බව අපි දනිමු. එසේ වුවද එහි වාස්‌තු විද්‍යාත්මක පැතිකඩක්‌ ඇති බව දන්නේ කීයෙන් කී දෙනාද? මෙම ලිපියේ මූලික අරමුණ වන්නේ, අංගවිකල සහ මන්ද මානසිකත්වයෙන් යුතු දරුවන් පවුලට එකතු වීම කෙරෙහි ඔබගේ නිවසේ වාස්‌තු දෝෂ ඔබ වෙත කරනු ලබන බලපෑමේ තරම පිළිබඳව ඔබව දැනුවත් කිරීමටයි. පවුලකට එවැනි දරුවකු එකතු වීම විශාල බරක්‌ සහ විශාල පීඩනයක්‌ වෙනවා මෙන්ම එම දරුවාටද එය පීඩාවකි. මෙවැනි තත්ත්වයන් පිළිබඳව හේතුවන කරුණු කාරණා ගණනාවකි.
- ජාන විද්‍යාත්මක සාධ.
- පාරිසරික හා සමාජ වටපිටාව.
- ආහාර පුරුදු සහ රටාවන්.
- වැරදි පුරුදු සහ අවිවේකී වෘත්තීන්.
- ගෘහයේ වාස්‌තු දෝෂයන් බලවත් වීම.
- දරුවාගේ සහ දෙමවුපියන්ගේ අකුසල් බලවත් වී සංසාරික පුරුදු විශේෂයෙන් පිරිපුන් නොවූ දරුවන් බිහිවීම.
ඉහත සියලු කරුණු කාරණා එකතු වීමට බලපාන මූලිකම මූල බීජය නැත්නම් ඵලය සඳහා හේතුව වන්නේ සංසාරික අකුසල් බව කිව යුතුමයි. එම සංසාරික අකුසල් බලවත් වීමට අනෙකුත් කරුණු ඇතිවීම කෙරෙහි හේතු කාරණා පිළියෙල කිරීමට සමත් වනු ඇත. කර්ම ශක්‌තීන් පිළිබඳව වටහා ගැනීමට මනුෂ්‍යයන් වන අපට නොහැකි බැවින් අපගේ ඉන්ද්‍රියන්ට ගෝචර වන අනෙකුත් සාධක හැකිතාක්‌ සදොස්‌ කර ගැනීමට උත්සාහ කිරීම සිදුකළ යුතුයි. මෙහිදී විශේෂ අවධානය යොමු කරනු ලබන්නේ, එවැනි තත්ත්වයන් උදෙසා ඉවහල් වන වාස්‌තු දෝෂයන් මොනවාද යන්න පිළිබඳව ඔබට හදුන්වා දීමටයි. නිවසක වැඩිපුර අන්ධ බිත්ති යෙදී තිබීම කිසිසේත්ම සුදුසු නොවේ. හැකිතාක්‌ ඔබගේ නිවසට ආලෝකය සහ වාතාශ්‍රය බහුල වන ලෙස නිවාස සැලැස්‌ම පිළියෙල කර ගන්න. (උතුර දිශාවේ සහ නැගෙනහිර දිශාවේ මෙන්ම ඊශාන දිශාවේ අන්ධ බිත්ති නොයොදන්න)
- නිවසේ විශ්ව ශක්‌තිය එන ඊශාන දිශාව කිසිම විටක නිවසින් එළියට පැන්න වීම නොකළ යුතුයි.
- නිවසේ නිරිත දිශාව කිසිම විටක අඩු කිරීම නොකළ යුතුයි.
- නිවසේ බ්‍රහ්ම පාදය නිවැරදිව නිශ්චිතව හඳුනාගෙන එය විධිමත් පරිදි ආරක්‍ෂා කරන්න.
- නිවාස සෑදීමේ දී වාස්‌තු සිද්ධාන්තවලට අනුකූලව පෙන්වා දී ඇති ආධ්‍යාත්මික වතාවන් ඉෂ්ට සිද්ධ කොට භූමියේ දෝෂ ඉවත් කොට ගෘහය සෑදීම ආරම්භ කරන්න.
- භූමියේ සිටින භූමිඥාතීන්ගෙන් ආශිර්වාදය සහ අවසරය ලබාගෙන ඔවුන්ගේ බලය හැකිතාක්‌ අවම කොට ගෘහ හිමියාගේ බලය වැඩිකොට නිවාස සෑදීම ආරම්භ කළ යුතුයි.
- දරුවන් සෑදීමට අපේක්‍ෂාවෙන් සිටින නිවාස වල කිසිම විටක හිස්‌ භාජන තැබීම නොකළ යුතු අතර විශේෂයෙන් විශාල මැටි පෝච්චි හා කළ ඇත්නම් ඒවාට මුහුදු වැලි හා සිප්පිකටු ස්‌වල්පයක්‌ එක්‌කොට තබන්න.
- මුල්ගල තැබීමේ දී ඊශාන හෝ ගිනිකොන හැර වෙනත් දිශාවක නොතැබිය යුතු අතර සුභ පාදයකට හසුවන ලෙස තැබීම සහ පිහිටි පොළොවට ගැටෙන ලෙස තැබීම සිදුකළ යුතුයි.
- ඔබගේ නිවස සම්බන්ධව සිදුකරන ලද බාර හාරවීම් සහ පඩුරු අස්‌කිරීම් සියල්ල නිසි පරිදි ඔප්පු කිරීම කළ යුතුයි.
- ගැබිනි සමයේ තමන් පදිංචි නිවස සෑදීම සිදු නොකළ යුතුයි.
- නිවසේ මුළුතැන්ගෙය උඩ හා යට කාමර ප්‍රධාන නිදන කාමරය ලෙස භාවිත නොකළ යුතුයි.
- ගිනිකොන සහ ඊශාන කාමරවල ගෘහ හිමියා සහ ගෘහ හිමි කාන්තාව වාසය නොකළ යුතු අතර උතුරු දිශාවට හිස දමා සයනය නොකළ යුතුයි.
- ගැබිනි මවක්‌ සිටින නිවාසවල අවි ආයුධ, විකෘති මිනිස්‌ රූප සහිත ප්‍රතිමා හා පින්තූර නොතැබිය යුතුයි. එසේම රුක්‌කලා හා මියගිය සතුන්ගේ හම් හෝ අං තට්‌ටු සවි නොකළ යුතුයි. හංස රූපය එවැනි නිවාස සඳහා ඉතාමත් සුදුසු වේ.
ඉහතින් සඳහන් කරන ලද දෝෂයන් ඔබගේ නිවසින් බැහැර කර ගැනීමට ඔබට හැකියාව තිබේ නම්, වාස්‌තු දෝෂ නිසා ඔබට අහිමි වීමට යන පින්වත් දරු ඵලවල වාසනාව ඔබට රැක ගැනීමට හැකිවනු ඇත. නිවසේ ඉහත සඳහන් වාස්‌තු දෝෂ ඇතිවීම තුළ සිදුවන්නේ ඔබට ලැඛෙන විශ්ව ශක්‌තීන් අහිමිවීමයි. කරමානුරූපව ඔබගේ අකුසල් බලවත් යෑයි සිතනු. එසේ වුවද ඉතා යහපත් විශ්ව ශක්‌තීන් වලට ඔබ නිරාවරණය වන්නේ නම්, ඔබගේ අයහපත් කර්ම ඵලවල බලපෑම අඩුවනු ඇත. ඔබගේ අකුසල් බලවත් කාළ වලදී වැඩිපුර කුසල්වල නිරත වීමෙන් අකුසල්වල බලවත් බව අඩු වනනේ යම් සේද ඔබගේ නිවසේ දෝෂ අවම කිරීම තුළින් ද අකුසල් වල බලවත් බව අවම කරගැනීමේ වාසනාව ඔබට අත්වනු ඇත. විශේෂයෙන්ම ඔබට පින්වත් දරුවකු ලබාගැනීමට අවශ්‍ය නම්, ඔබගේ නිවසේ ආගමික වේද දෝෂයන් පිළිබඳව ද විශේෂ සැලකිල්ල දැක්‌වීම සිදුකළ යුතුය. මෙහිදී දෙවියන් සතුටු වන ලෙස ඔබ නිතර නිතර ආගමික වතාවත් ඉටුකොට තමන්ගේ ඉටු දෙවියන්ට පින් අනුමෝදන් කිරීම සිදුකළ යුතු අතර මේ තුළින් විශේෂ පිහිටක්‌ ලැඛෙනු ඇත.
එසේම නිවසේ දෝෂයන් ඉවත් කරගැනීමට සමගාමීව බාරහාර වීම හා ඒවා නිසි පරිදි ඉටුකිරීම ද වැදගත් වෙනවා. විශේෂයෙන් මතක තබා ගත යුතුයි ගැබිනි කාලයේ මවට අවශ්‍ය කෑම බීම ලබා දීමට සියලු දෙනා ඉතා උත්සාහවන්ත වන බව. එසේ වුවද මවගේ නිරෝගි සම්පත්තිය සහ පින්වත් දරු උපතක්‌ සඳහා මව විසින් ද තවත් අසරණ මාතාවන් උදෙසා ආහාර වේල් දන් පිළි ගැන්වීම ඉතාමත් බලවත් පින්කමක්‌ ලෙස පෙන්වා දිය හැකියි. මේ ආකාරයට ඔබගේ සම්පත් නිවසට වාසනාව කැන්දන පින්වත් දරු උපතක්‌ සඳහා අවශ්‍ය පූර්ව කර්ම පිළිබඳව ඔබ විශේෂ අවධානයක්‌ යොමුකළ යුතුයි. මෙහිදී ඔබ මතක තබා ගත යුතු මූලික සිද්ධාන්තයන් පවතී. ඔබ තල වැපුරුවහොත් තල ලැඛෙන බවත් ඔබ මුං වැපුරුවහොත් මුං ලැඛෙන බවත්, ඔබ යව වැපුරුවහොත් ඔබට යව ලැඛෙන බවත් ඒ ආකාරයෙන්ම ඔබ විසින්ම ඉටුකර ගන්නා යහපත් වාස්‌තු කර්මයන්ගේ සුවිශේෂී ප්‍රතිඵල ඔබගේ නිවසට හිමිවනු ඇත. එබැවින් ඔබගේ නිවසේ වාස්‌තු දෝෂ ඉවත් කොට ඔබගේ කැදැල්ලට පින්වත් දරුවකු එක්‌කර ගැනීමට අවශ්‍ය පූර්ව වාස්‌තු ශිල්පීය සිද්ධාන්තයන් අනුගමනය කරන්න. ඔබ සැමට ඊට කුසල් ඇති බවට සැක නැත.
ශාස්‌ත්‍රවේදී ඩී.යූ. සෙනරත්උපුටා ගැනීම දිවයින පුවත්පත
